Kachi Lamar Kachi Lamarqa (Gén. 14.3; Núm. 34.3) chusku pachak ishkay kimsa (423) metru lamarpita mas rurichömi kaykan. Anchunqa chunka puwaq kilömetru kaykan y largunnami puwaq chunka (80) kilömetru kaykan. Kachi Lamarmanqa Jordán mayumi yaykuykan. Maypapis yaku mana yarquptinmi tsay lamarqa pasaypa pochquq kaykan. Tsaymi ima jachapis ni ima pescädupis tsaycho kantsu. Kachi Lamarpa jukaq jutinmi kaykan Arabá Lamar (Deut. 3.17; Jos. 3.16) y jukaq jutinnami kaykan inti yarqamunan kaqlä qocha (Eze. 47.18; Zac. 14.8). Kananqa runakuna reqiyan Mar Muerto jutiwanmi.

kuyay, Diosta kuyay Tayta Diosta kuyarqa llapan ninqankunatami cäsukuntsik (Deut. 6.5; 11.1; Juan 14.15, 21; 1Juan 5.3). Tsaynöpis Tayta Diosta kuyarqa runa mayintsiktapis kuyantsikmi (1Juan 4.20-21; 5.1).