jamay junaq Israel runakunawan conträtuta rurarmi Tayta Dios nirqan semänacho juk junaq jamayänanpä. Tsay junaqqa karqan jamay junaqmi. Tsaymi Israel runakuna tsay junaq ima aruytapis jaqirir Tayta Diosta alabayaq. Tsaynö kaptinmi wakin Israel runakuna yarpäyarqan qeshyaykaqkunatapis tsay junaqcho mana alliyätsiyänanpä kanqanta. Tsaymi jamay junaqcho qeshyaqkunata Jesucristo alliyätsiptin paykuna ajäkuyarqan (Éxo. 20.8-11; Luc. 6.1-11; Juan 5.9-10; Col. 2.16-17).

Jesucristo Jesucristo jutiqa ishkay palabrapitami jukllatsakashqa kaykan. Tsay palabrakunaqa kaykan “Jesús” y “Cristo”. Cristuqa manami jutitsu karqan, sinöqa “Tayta Dios kachamunqan salvakuq” ninanmi. “Jesús” ninanqa “Tayta Diosmi salvan” ninanmi. Tsay witsanqa Israel nacioncho atskaqmi Jesús jutiyuq kayarqan (Mat. 27.16; Luc. 1.31).

Jubileo wata Jubileo wataqa cada pitsqa chunka (50) watachömi karqan. Tsay watachöqa rantikuyanqan chakrakunata punta kaq duëñunkunami qoriyaq. Imaynaq kar wätay kananpä yaykuq runapis tsay wataqa librinami yarqukuq (Lev. 25.8-55).