Jesucristupa sirviqnin Juanmi kay libruta qellqarqan (Apoc. 1.1). Atska runakunami yarpäyan kay libruta qellqaq Juanqa apóstol Juan kanqanta. Wakin runakunanami yarpäyan juk Juan kanqanta.

Kay libruta Juan qellqananpämi angelninta Tayta Dios kachamurqan. Paymi kay patsacho y ciëlucho ima päsananpä kaqkunatapis Juanta revelacioncho rikatsirqan. Tsay rikatsinqankunatami Juan qellqarqan imanö ñakarpis wanunqantsikyaq Jesucristuman yärakunantsikpä.

Kay libruta liyirmi musyantsik Jesucristo kutimunanpä kanqanta, runakunata kawaritsimur Tayta Dios juzgananpä kanqanta y payta chaskikuqkuna imayyaqpis ñöpancho kawayänanpä kanqanta.