lepra Lepra qeshyaqa runapa qarancho tukuyläya qerikunami karqan. Israel nacioncho lepra qeshyawan qeshyaykaqkunaqa markapita juklächömi täkuyaq (Lev. 13.45-46). Paykunataqa runakuna manami yatayllapis yatayaqtsu (Lev. 22.5). Tsaynö kaptinpis Jesucristo munayyuq karmi leprawan qeshyaykaqkunata yataykur alliyätsirqan (Mar. 1.40-43).

Levadüraynaq Tanta Mikuna fiesta Mushuq Testamentuta qellqayanqan witsan Levadüraynaq Tanta Mikuna fiesta y Pascua fiestapis juk fiestallami karqan. Tsay fiestachömi levadüraynaq tantata mikuyarqan. Tsay fiestata rurayarqan puwaq junaqnintinmi. Levadüraynaq tantata mikurmi Egiptupita unay Israel mayinkunata Tayta Dios jipimunqanta yarpäyarqan (Éxo. 12.14-20; Luc. 22.1).

levita Levita runakunaqa kayarqan Jacobpa tsurin Levípita aywaraq runakunami. Paykunami templucho sacerdötikunata yanapayarqan (Núm. 1.47-54; 3.5-39). Templu manarä kaptinmi Dioswan Tinkuna Tolducho yanapayarqan (). Levitakunatami rey Josafat kacharqan markan markan Diospa leyninkunata yachatsiyänanpä (2Crón. 17.7-9).

löbu Löbuqa jatusaq yaqa allqunömi kaykan.