Jesucristupa willakuyninta willakurmi unaypita patsa apóstol Pabluwan Tito purirqan. Titupita masta musyanaykipä liyinki 2Cor. 2.13; 7.6, 13-14; 8.16-17, 23; 12.17-18; Gál. 2.1, 3; 2Tim. 4.10.

Kay cartatami apóstol Pablo Tituman cartakurqan wawqikuna panikuna kayanqan markakunacho mayor wawqikunata churananpä (Tito 1.5-9). Tsaynöllami yätsirqan llutan yachatsikuqkunata michänanpä (Tito 1.10-16) y wawqikuna panikuna imanö kawayänanpä kanqantapis yachatsinanpä (Tito 2.1-10). Tsaynöllami Tayta Dios kuyapämarnintsik salvamanqantsikta yachatsinanpä nirqan (Tito 2.11-14; 3.3-7).