Timoteuqa chölu kanqanpita patsami apóstol Pabluwan Jesucristupa willakuyninta willakur purirqan. Tsaypitanami Timoteuta Pablo churarqan Éfeso markacho wawqikunata panikunata yachatsinanpä. Timoteupita masta musyanaykipä liyinki Hech. 16.1-3; 17.14-15; 18.5; 19.22; 20.4; Fil. 2.19-22; 2Tim. 1.5; 3.15; Heb. 13.23.

Jesucristupa willakuyninta willakunqanpitami apóstol Pabluta autoridäkuna Romacho carcelman wichqatsiyarqan. Tsay carcelpitami Timoteuman kay cartata cartakurqan Tayta Dios munanqannö imaypis kawananpä.