Kay cartata qellqanqan witsanmi imaykayuqkuna runakunata rantiyaq wätaynin kayänanpä. Tsaynöllami Filemónpis wätaynin kananpä Onésimo jutiyuq runata rantirqan. Filemónpita qeshpir aywakurmi Onésimuqa apóstol Pabluwan carcelcho tinkurqan. Carcelcho apóstol Pablo Jesucristupa alli willakuyninta willaptinmi Jesucristuman Onésimo criyikurqan. Shumaq yachaskatsirnami Onésimuta apóstol Pablo nirqan: “Qeshpimushqa karpis patronniki Filemón yapay chaskishunaykipä kay cartata apakurkur kutiy”. Tsaynö niptinmi Filemón kaqman Onésimo kutirqan.