—Nai,

tsà me‑lì,

koa̱an si̱ndaya‑naí.

3 Jesús tsakjén ntsja,

kꞌoa̱ kisikao̱,

kitsò:

—Meè‑na;

kàtamandayaì.

Kꞌoa̱ ti̱ꞌa kꞌia̱ kitjoxìn‑nile̱ jè jtsé biꞌndojon‑le̱.

4 Kꞌia̱ Jesús kitsò‑le̱:

—A ꞌya‑nì,

alì chjo̱ta̱‑jìn ꞌmìya‑lai̱;

to̱sa̱a tꞌin,

ta̱kò‑lai̱ yao‑li̱ jè na̱ꞌmi,

kꞌoa̱ tꞌaìtꞌa‑lai̱ Niná jme xi bꞌé‑nè jè kjoa̱téxoma‑le̱ Niná xi kiski Moisés,^a

jmé‑ni nga kàtabe‑ni ngatsꞌi na̱ꞌmi nga je kàmandayai.

5 Kꞌia̱ nga je jaꞌasꞌen Jesús ya̱ na̱xi̱nandá‑nꞌión Capernaum,

jaꞌaikòn jngo‑le̱ chjo̱ta̱ kjoa̱jchán ngajko̱ xi jngo ciento̱ chjo̱ta̱ kjoa̱chán kjinè ntsja,

kꞌoa̱ nꞌión tsakꞌétsꞌoa‑le̱,

6 kꞌoa̱ i̱ kitsò‑le̱:

—Nai,

jè cho̱ꞌnda‑na̱ jeè to̱ tíkijna ya̱ ndꞌia‑na̱,

to̱ kjiyá yao‑le̱,

nꞌión tse kjoa̱ñꞌain tífaꞌá.

7 Kꞌoa̱ Jesús kitsò‑le̱:

—Kjoínchrꞌoè,

kꞌoa̱ kjoísindaya.

8 Kinchja̱ jè chjo̱ta̱ kjoa̱jchán ngajko̱,

kitsò:

—Nai,

lìkoi bakìn‑na nga ndꞌia‑na̱ koi̱tjásꞌai̱n;

to̱ tꞌai̱‑ní én‑lì,

kꞌoa̱ jè cho̱ꞌnda‑na̱ koa̱n‑ndaya.

9 Nga̱ an kꞌoa̱ati̱ tjín‑na xi batéxoma‑na,

kꞌoa̱tjió‑na chjo̱ta̱ kjoa̱jchán xi an batèxoma‑le̱;

kꞌia̱ nga xin‑le̱ jè:

“Tꞌin,”

fì‑ní;

kꞌia̱ nga xin‑le̱ xi ngìjngo:

“Nchroaí,”

nchroá‑ní;

kꞌoa̱ jè cho̱ꞌnda‑na̱ xin‑le̱:

“Kꞌoa̱tꞌiai̱n jè‑bi̱,”

kꞌoa̱ kꞌoa̱asꞌín.

10 Kꞌia̱ nga kinchrꞌoé Jesús én xo̱ tsò,

to̱kꞌoa̱a koan‑le̱,

kꞌoa̱ kitsò‑le̱ chjo̱ta̱ xi ya̱ tje̱n‑ngitsao‑le̱:

—Ñaki kìxi̱i xi xin‑no nga ni̱ ya̱‑jìn jin‑le̱ chjo̱ta̱ judío tísokó‑na chjo̱ta̱ xi kꞌoa̱sꞌìn nꞌión nda makjaín‑le̱.

11 Kꞌoa̱axin‑no nga nꞌión nkjìn chjo̱ta̱ xi kjoa̱ꞌaí‑ni ya̱ jña tjo‑ni kao̱ ya̱ jña kantjaì‑ni tsꞌoí,

kꞌoa̱ ya̱a koa̱tiòtꞌakao̱ yámìxa̱ Abraham kao̱ Isaac kao̱ Jacob ya̱ jña batéxoma jè xi tíjna ngꞌajmi;

12 to̱nga jè chjo̱ta̱ xi jè kisꞌejnanda‑le̱ tsàkai ya̱ jña batéxoma jè xi tíjna ngꞌajmi,

ya̱a sꞌe̱tsaojin kjoa̱njiòn xi kjina ya̱ nditsián;

kꞌoa̱ ya̱a skíꞌndiá,

kꞌoa̱ ya̱a jtsao̱kjao ni̱ꞌño̱.

13 Kꞌia̱ Jesús kitsò‑le̱ chjo̱ta̱ kjoa̱jchán ngajko̱:

—Tꞌin,

kꞌoa̱ josꞌìn kàmakjaín‑lì,

koi xi kꞌoa̱ kàtama.

Kꞌoa̱ ti̱ꞌa kꞌia̱a koan‑ndaya‑ni jè cho̱ꞌnda‑le̱.

14 Jesús jaꞌai ya̱ ndꞌia‑le̱ Pedro,

kꞌoa̱ tsabe nga na̱chá‑le̱ Pedro kijnasòn na̱chan nga chꞌin‑ndꞌai̱ kjima‑le̱.

15 Kꞌoa̱ Jesús kisikao̱ ntsja chjo̱on na̱chá‑le̱ Pedro,

kꞌoa̱ kitjoxìn‑le̱ chꞌin‑ndꞌai̱‑le̱;

kꞌia̱ tsakisótje̱n kꞌoa̱ kisisin‑le̱ ngatsꞌi.

16 Kꞌoa̱ kꞌia̱ nga je koanjiòn,

nꞌión nkjìn chjo̱ta̱ xi sén ni̱chrjin xi tsꞌe̱ nai̱i tjiójin‑le̱ jaꞌaichanìtꞌa‑le̱ Jesús;

kꞌoa̱ kao̱o én‑le̱ tsakꞌaonsjejin‑ni jè sén ni̱chrjin xi tsꞌe̱ nai̱i,

kꞌoa̱ kisindaya ngatsꞌi chjo̱ta̱ xi chꞌin tjín‑le̱;

17 jmé‑ni nga kitjosòn‑ni jè én xi kitsò jè chjo̱ta̱ xi kinchja̱ya ngajao‑le̱ Niná xi Isaías tsakꞌìn kꞌia̱ nga kitsò:

18 Kꞌia̱ nga tsabe Jesús nga nꞌión nkjìn chjo̱ta̱ kitsendai‑le̱,

tsakꞌénè‑le̱ chjo̱ta̱ xi ya̱ kòtꞌayàtꞌa‑le̱,

kitsò‑le̱:

—Tjián ya̱ xingoa‑nile̱ ndai ndáchikon.

19 Kꞌoa̱ ti̱ꞌa‑ni nga kje fì,

jaꞌaikòn jngo‑le̱ chjo̱ta̱ xi kji kjoa̱téxoma‑le̱ Niná xi kiski Moisés kꞌoa̱ kitsò‑le̱:

—Ji xi bakòyai,

kjoítje̱n‑ngiì‑lè to̱jña‑ni nga koi̱tòmjain.

20 Jesús kitsò‑le̱:

—Jè ni̱nda̱ tjín‑le̱ ngijao,

kꞌoa̱ jè ni̱se tjín‑le̱ tjé;

to̱nga jè ꞌNdí‑le̱ Chjo̱ta̱ tsìn‑le̱ jña‑ni nga síkꞌéjnamitꞌa jko̱.

21 Ngìjngo chjo̱ta̱ xi ya̱ kòtꞌayàtꞌa‑le̱,

kitsò‑le̱ Jesús:

—Nai,

tꞌaìꞌnde‑naí nga títjòn kjoíkꞌeñe jè nꞌai‑na̱.

22 Jesús kitsò‑le̱:

—Nchroátje̱n‑ngi‑naí;

tꞌaìꞌnde‑lai̱ kꞌen nga kàtabꞌéñe kꞌen‑le̱.

23 Kꞌoa̱ kꞌia̱ nga Jesús jaꞌasꞌen ya̱ chitso,

jè chjo̱ta̱ xi kòtꞌayàtꞌa‑le̱ jaꞌasꞌen‑tje̱n‑ngi‑le̱.

24 Kꞌoa̱ to̱ i̱i koan jngo ntjao̱‑xkón kitjo ya̱ sòn ndáchikon,

saꞌnda jè ndáchikon kisikjan kꞌoa̱ jaꞌasꞌen‑ndá chitso;

to̱nga Jesús tíkijnafè.

25 Kꞌoa̱ jaꞌainchrꞌoè chjo̱ta̱ xi ya̱ kòtꞌayàtꞌa‑le̱ kꞌoa̱ kisikjaꞌá‑le̱,

kitsò‑le̱:

—¡Nai,

chꞌa̱sjentjaì‑naíji̱n nga̱ jeè tífìsꞌen‑ngindá‑jián!

26 Jesús kitsò‑le̱:

—Án‑ni nga tìbijkon‑nio chjo̱ta̱ xi to̱ choa makjaín‑no.

Kꞌia̱ tsakisótje̱n,

tsakatéxoma‑le̱ ntjao̱‑xkón kao̱ ndáchikon nga kàtabatiòjyò;

kꞌoa̱ ñaki koan‑ndachòn‑ni.

27 Kꞌoa̱ jè chjo̱ta̱‑le̱ ñaki to̱kꞌoa̱a koan‑le̱,

kitsò‑le̱ xínkjín:

—ꞌYá‑ni jè chjo̱ta̱ xo̱kji,

nga saꞌnda jè ntjao̱‑xkón kao̱ ndáchikon síkitjosòn‑nile̱.

28 Kꞌia̱ nga Jesús kao̱ chjo̱ta̱ xi kòtꞌayàtꞌa‑le̱ kichò ya̱ xingoa‑nile̱ ndáchikon,

ya̱ ꞌnde xi tíjnachrian ya̱ na̱xi̱nandá‑nꞌión Gadara,

jaò chjo̱ta̱ jaꞌainchrꞌoè xi sén ni̱chrjin xi tsꞌe̱ nai̱i tjiójin‑le̱,

ya̱ kitjojin‑ni jña tjió ngijao xi sꞌeyoyà kꞌen,

kꞌoa̱ nꞌión toán chjo̱ta̱ xo̱kjoan,

saꞌnda ni̱ꞌya‑jìn xi ma ya̱ faꞌa ndia̱a xo̱kji.

29 Kꞌoa̱ kiskiꞌndiáxá kitsò:

—Jmé xi tjín‑lì kao̱ ji̱n‑ji̱n,

ji Jesús,

ꞌNdí‑le̱ Niná.

A to̱ngì‑ni kàfaꞌai̱ kꞌaí‑naíji̱n kjoa̱ñꞌain.

30 Kjiìn tjióma jngo jtín chi̱nga̱ xi nꞌión nkjìn ma‑ni xi ya̱ tjiókjèn.

31 Kꞌoa̱ jè sén ni̱chrjin xi tsꞌe̱ nai̱i,

tsakꞌétsꞌoa nga kitsò‑le̱ Jesús:

—Tsà koi̱chonsjejin‑naíji̱n i̱,

tꞌaìꞌnde‑naíji̱n nga ya̱ koi̱tjásꞌe̱njin‑lai̱‑ji̱n ngatsꞌi chi̱nga̱ xo̱kjoan tjióma ján.

32 Jesús kitsò‑le̱:

—Tangión.

Kꞌoa̱ ngatsꞌi sén ni̱chrjin xi tsꞌe̱ nai̱i kitjo,

kꞌoa̱ ya̱ jaꞌasꞌenjin‑le̱ chi̱nga̱;

kꞌoa̱ to̱ i̱i koan kitòka ngatsꞌi chi̱nga̱ kꞌoa̱ kitsaojen‑tjòn ya̱ na̱xi̱ saꞌnda ya̱ jin ndáchikon,

kꞌoa̱ ya̱ kꞌen ngindá.

33 Kꞌoa̱ jè chjo̱ta̱ xi tjiókoꞌnda chi̱nga̱ tsakanga,

kꞌoa̱ jaꞌai ya̱ na̱xi̱nandá‑nꞌión Gadara,

kitsòya tꞌatsꞌe̱ ngayije kjoa̱ xi koan,

kao̱ jme xi koan‑tꞌain ngajaò chjo̱ta̱ xi sén ni̱chrjin xi tsꞌe̱ nai̱i tsakatiòjin‑le̱.

34 Kꞌoa̱ ngatsꞌi chjo̱ta̱ na̱xi̱nandá kitjokòtsen‑le̱ Jesús;

kꞌoa̱ kꞌia̱ nga tsabe,

tsakꞌétsꞌoa‑le̱ nga kàtabitjojin‑ni ya̱ ꞌnde‑le̱.