Tun xtídzaꞌgaquiëꞌ ilútiëꞌ Jesús
22
Cateꞌ chizóa idxín laní cateꞌ tahuëꞌ yöta xtila cabí nazíꞌi cúa zi que,
nazíꞌi le Pascua laní naꞌ,
San Lucas 22:1-38
2 buluꞌdubëꞌ yuguꞌ bixúz unná bëꞌ len bönniꞌ yudoꞌ tuꞌsédinëꞌ.
Taꞌzóa taꞌböꞌë ilútiëꞌ Jesús,
pero bitiꞌ gulaꞌzéquiꞌnëꞌ tuꞌ tádxinëꞌ bi ilún bönachi.
3 Níꞌirö Satanás tuꞌ xihuiꞌ yöjtsaga Judas.
Judas lëꞌ caꞌ Iscariote,
en nababëꞌ idxínnutëꞌ gubáz nasö́l-lëꞌë Cristo.
4 Guyijëꞌ Judas naꞌ,
yöjë́ꞌlenëꞌ didzaꞌ yuguꞌ bixúz unná bëꞌ,
en bönniꞌ dë lu náꞌagaquiëꞌ que yudoꞌ,
nacxi gunëꞌ para udödëꞌ Jesús lu náꞌagaquiëꞌ.
5 Buluꞌdzéjanëꞌ bönniꞌ yudoꞌ naꞌ,
en gulaꞌzíꞌ lu náꞌagaquiëꞌ uluꞌnödzjëꞌ queëꞌ dumí.
6 Raza ládxëꞌë Judas lë ni,
ateꞌ rizóa riböꞌë udödëꞌ Jesús lu náꞌagaquiëꞌ bagáchiꞌsö.
Le ráguruꞌ le rusáꞌ ládxiꞌruꞌ ca gútiëꞌ Xanruꞌ
7 Bidxín dza naꞌ tahuëꞌ yöta xtila cabí nazíꞌi cúa zi que,
cateꞌ ral-laꞌ ilútiëꞌ-baꞌ böꞌcuꞌ zxilaꞌ le tahuëꞌ dzöꞌ Laní Pascua.
8 Jesús gusö́l-lëꞌë Pedro,
en Juan,
rnnëꞌ:
―Guliꞌtséaj,
guliꞌtsöjpáꞌa queë́ruꞌ le gáguruꞌ dzöꞌ Laní Pascua.
9 Tëꞌ Lëꞌ:
―¿Gazxi rë́ꞌënuꞌ tsöjpáꞌatuꞌ queë́ruꞌ?
10 Jesús rëꞌ légaquiëꞌ,
rnnëꞌ:
―Buliꞌyútsöcaꞌ,
cateꞌ tsúꞌuliꞌ lu yödzö ni,
irúajëꞌ tu bönniꞌ dutságuiëꞌ libíꞌiliꞌ,
söjnuꞌë tu röꞌö nisa.
Guliꞌtséajlenëꞌ ga idxíntëliꞌ yuꞌu ga tsáziëꞌ.
11 Guliꞌguíëꞌ xan yuꞌu naꞌ:
“Bönniꞌ Usedi rëꞌ liꞌ:
¿Gazxi zoa yuꞌu laní ga gágulenaꞌ yuguꞌ bönniꞌ usëda quiaꞌ dzöꞌ Laní Pascua?”
12 Níꞌirö uluíꞌinëꞌ libíꞌiliꞌ tu yuꞌu zxön xitsáꞌ ga niꞌ chinabáꞌa.
Buliꞌpáꞌa niꞌ le gáguruꞌ.
13 Níꞌirö yöjáquiëꞌ,
en yöjxácaꞌgaquiëꞌ ca naꞌ chigudxëꞌ Jesús légaquiëꞌ,
ateꞌ buluꞌpë́ꞌë niꞌ le ilahuëꞌ dzöꞌ Laní Pascua.
14 Cateꞌ bidxín dzöꞌ naꞌ,
guröꞌë Jesús ga ilahuëꞌ,
ateꞌ bönniꞌ gubáz queëꞌ naꞌ gulaꞌbö́ꞌlenëꞌ Lëꞌ tsözxö́n .
15 Níꞌirö Jesús rëꞌ légaquiëꞌ:
―Gúcadaꞌ ládxaꞌa gágulenaꞌ libíꞌiliꞌ tsözxö́n xtsöꞌ ni zíꞌatëlö cateꞌ siꞌ quiꞌi sacaꞌa,
en gátiaꞌ.
16 Reaꞌ libíꞌiliꞌ:
Bítiꞌrö gahuaꞌ lë ni cateꞌ idxinrö dza gaca le ruluíꞌisö xtsöꞌ ni ga niꞌ rinná bëꞌë Dios.
17 Gudélëꞌë Jesús tu zxígaꞌdoꞌ,
en gudxëꞌ Dios:
“Xclenuꞌ.”
Níꞌirö rëꞌ légaquiëꞌ:
―Guliꞌsíꞌ lë ni,
en guliꞌguíꞌaj latiꞌ huéaj,
18 tuꞌ reaꞌ libíꞌiliꞌ:
Bítiꞌrö guíꞌjaꞌ xisi uva cateꞌ idxinrö le rinná bëꞌë Dios.
19 Níꞌirö gudélëꞌë yöta xtila,
en gudxëꞌ Dios:
“Xclenuꞌ.”
Gudödi niꞌ buzxuzxjëꞌ le,
en bëꞌë que queë́gaquiëꞌ,
rnnëꞌ:
―Lë ni naca idútë le nacaꞌ le rudödaꞌ uláz queë́liꞌ.
Guliꞌgún caní para usáꞌ ládxiꞌliꞌ nedaꞌ.
20 Cateꞌ budxi gulahuëꞌ,
lëscaꞌ caní bëꞌë didzaꞌ que zxígaꞌdoꞌ naꞌ,
rnnëꞌ:
―Zxígaꞌdoꞌ ni ruluíꞌi ca naca didzaꞌ cubi rucáꞌana tsahuiꞌ,
ateꞌ rön quiaꞌ run tsutsu le,
rön naꞌ ilalaj niꞌa queë́liꞌ.
21 ’Naꞌa,
bönniꞌ naꞌ udödëꞌ nedaꞌ lu náꞌagaca bönachi röꞌë rágulenëꞌ nedaꞌ tsözxö́n.
22 Le nácatë huayijaꞌ ga ilútiëꞌ nedaꞌ,
Bönniꞌ Guljëꞌ Bönachi,
en gaca quiaꞌ ca naꞌ nazúaj lu guichi láꞌayi ca ral-laꞌ gaca quiaꞌ,
pero bicaꞌ bayechiꞌ bönniꞌ naꞌ udödëꞌ nedaꞌ.
23 Níꞌirö gulaꞌsí lógaquiëꞌ taꞌnábinëꞌ Lëꞌ tu tuëꞌ,
taꞌnnë́ꞌ:
―¿Núzxilötuꞌ nu gun caní?
Tuíꞌi xtídzaꞌgaquiëꞌ núzxilögaquiëꞌ gáquiëꞌ lo
―Yuguꞌ bönniꞌ unná bëꞌ tuꞌgunëꞌ dxin yöl-laꞌ unná bëꞌ quégaquiëꞌ,
taꞌnná béꞌenëꞌ bönachi,
ateꞌ nupa ni dë lu náꞌagaca yöl-laꞌ unná bëꞌ,
lë́gaquiëꞌ bönniꞌ tácalen.
26 Libíꞌiliꞌ bitiꞌ ral-laꞌ gunliꞌ caní,
pero nu naca lo ládjaliꞌ ral-laꞌ gaca ca nu naca cuídiꞌtërö,
ateꞌ nu rinná bëꞌ ral-laꞌ gaca ca nu run dxin quéguequi luzë́ꞌe.
27 ¿Núzxilö naꞌ nácarö lo,
nu naꞌ röꞌö ragu,
o nu rupáꞌ laꞌ huagu?
¿Naruꞌ calëga nu naꞌ röꞌö ragu nácarö lo?
Nedaꞌ zóalenaꞌ libíꞌiliꞌ ca nu rupáꞌ laꞌ huagu.
28 ’Libíꞌiliꞌ ni guzóalenliꞌ nedaꞌ cateꞌ niꞌ bi guca quiaꞌ,
yuguꞌ le gulaꞌzíꞌ bëꞌ nedaꞌ.
29 Que lë ni naꞌ udödaꞌ lu náꞌaliꞌ tu ga inná bë́ꞌëliꞌ,
ca naꞌ benëꞌ Xuzaꞌ,
budödëꞌ lu naꞌa ga inná bëꞌa nedaꞌ.
30 Caní gunaꞌ para gaca cö́ꞌöliꞌ,
en guíꞌaj gágulenliꞌ nedaꞌ ga niꞌ inná bëꞌa,
ateꞌ cö́ꞌöliꞌ xilataj cázaliꞌ ga uchiꞌa usöröliꞌ idxinnu cöꞌ zxíꞌini xiꞌsóëꞌ Israel.
Rnnëꞌ Jesús innë́ꞌ Pedro bitiꞌ núnbëꞌë Lëꞌ
31 Gunnë́ꞌ caꞌ caní Xanruꞌ:
―Simón,
Simón.
Buyútsöcaꞌ.
Chigunaba Satanás tuꞌ xihuiꞌ libíꞌiliꞌ,
para urixi udödi libíꞌiliꞌ ca nu rurixi rudödi zxoaꞌ xtila,
32 pero chibulidzaꞌ-nëꞌ Dios,
en gunábidaꞌ Lëꞌ gácalenëꞌ liꞌ,
para cabí údxi udú yöl-laꞌ réajlëꞌ quiuꞌ nedaꞌ.
Naꞌa,
cateꞌ huöácuꞌ quiaꞌ,
butipa ládxiꞌgaquiëꞌ böchiꞌ luzóꞌo.
33 Pedro rëꞌ Lëꞌ:
―Xan,
chizóaꞌ sáꞌlenaꞌ Liꞌ,
calë́gasö tsejaꞌ lidxi guíë,
pero lëscaꞌ gátilenaꞌ Liꞌ.
34 Jesús rëꞌ lëꞌ:
―Pedro,
reaꞌ liꞌ:
Zíꞌalö cö́dxibaꞌ böra naꞌa,
chigudáꞌbaguꞌu tsonna luzuí,
innóꞌ cabí núnbëꞌu nedaꞌ.
Le benëꞌ Jesús cateꞌ chizóa ilútiëꞌ Lëꞌ
35 Jesús gunábinëꞌ légaquiëꞌ,
rnnëꞌ:
―Catiꞌ gusö́l-laꞌa libíꞌiliꞌ cabí nuáꞌaliꞌ yöxaj yöta,
en calëga buzudi dumí,
en calëga chopa cöꞌ xiráchuliꞌ,
¿naruꞌ bi biyadzaj queë́liꞌ?
Légaquiëꞌ taꞌnnë́ꞌ:
―Bitiꞌ bi.
36 Níꞌirö rëꞌ légaquiëꞌ:
―Naꞌa,
nu dë yöxaj yöta que ral-laꞌ guáꞌ le,
ateꞌ lëscaꞌ caní ral-laꞌ gun nu dë que buzudi dumí,
ateꞌ nu bitiꞌ dë que guíë tuchiꞌ ral-laꞌ gutiꞌ lariꞌ rixóa yeni,
en siꞌ tu guíë tuchiꞌ.
37 Reaꞌ libíꞌiliꞌ:
Run bayudxi gaca quiaꞌ lë naꞌ nazúaj lu guichi láꞌayi,
rnna:
“Gulunëꞌ queëꞌ ca tunëꞌ quégaca nupa tuaꞌ döꞌ”,
ateꞌ ilaca yúguꞌtë le nazúajgaca lu guichi ca ral-laꞌ gaca quiaꞌ.
38 Níꞌirö légaquiëꞌ taꞌnnë́ꞌ:
―Xan,
ni dë chopa guíë tuchiꞌ.
Lëꞌ rëꞌ légaquiëꞌ:
―Chinaca.
Jesús rulidzëꞌ Dios laꞌ yëla Getsemaní
39 Níꞌirö birúajëꞌ Jesús,
en ca run cazëꞌ saꞌyéajëꞌ lu Guíꞌa Yaga Olivo,
ateꞌ yuguꞌ bönniꞌ usëda queëꞌ söjácalenëꞌ Lëꞌ.
San Lucas 22:39-71
―Buliꞌlídzëꞌ Dios,
inábiliꞌ-nëꞌ cabí gataꞌ lataj siꞌ bëꞌ tuꞌ xihuiꞌ libíꞌiliꞌ.
41 Níꞌirö Jesús guzë́ꞌë ga naꞌ nacuꞌë,
en gudödëꞌ iaꞌlatiꞌ tsca ga ridxín tu guiö́j rirúꞌuniruꞌ,
ateꞌ niꞌ buzóa zxibëꞌ,
en rulidzëꞌ Dios.
42 Rnnëꞌ:
―Xúz,
channö rë́ꞌënuꞌ,
bucuása ga zoaꞌ lë naꞌ ral-laꞌ quíꞌi sacaꞌa,
pero calëga ca rë́ꞌëndaꞌ nedaꞌ,
pero ca rë́ꞌënuꞌ Liꞌ gunuꞌ.
43 Níꞌirö buluíꞌi lahuëꞌ gubáz láꞌayi queëꞌ Dios,
zëꞌë yehuaꞌ yubá,
ateꞌ butipëꞌ ládxëꞌë Jesús.
44 Lu yöl-laꞌ risëbi ladxiꞌ queëꞌ,
idú ládxëꞌë Jesús bulidzëꞌ Dios,
ateꞌ nisa yösa queëꞌ guca ca rön rabaꞌ luyú.
45 Cateꞌ budxi bulidzëꞌ Dios,
guyasëꞌ,
en bö́ajëꞌ ga naꞌ nacuꞌë bönniꞌ usëda queëꞌ,
ateꞌ duxáquiëꞌ légaquiëꞌ tásiëꞌ tuꞌ tuꞌhuíꞌinigaquiëꞌ.
46 Níꞌirö Jesús rëꞌ légaquiëꞌ:
―¿Rásitsaliꞌ?
¡Guliꞌchasa,
en buliꞌlidzëꞌ Dios!
Inábiliꞌ-nëꞌ cabí gataꞌ lataj siꞌ bëꞌ tuꞌ xihuiꞌ libíꞌiliꞌ.
Taꞌzönëꞌ Jesús
47 Tsanni niꞌ ruꞌë didzaꞌ Jesús,
laꞌ bilaꞌdxintëꞌ bönniꞌ zián niꞌ,
ateꞌ Judas,
bönniꞌ naꞌ nababëꞌ idxínnuëꞌ bönniꞌ usëda queëꞌ Jesús dzáguiëꞌ légaquiëꞌ,
ateꞌ nanö́ruëꞌ lógaquiëꞌ bönniꞌ zián naꞌ.
Gubíguiꞌë ga zoëꞌ Jesús para utsaga lahuëꞌ Lëꞌ.
48 Níꞌirö Jesús rëꞌ lëꞌ:
―Judas,
¿naruꞌ rudö́ditsoꞌ caní nedaꞌ,
Bönniꞌ Guljëꞌ Bönachi,
rutsaga loꞌ nedaꞌ?
49 Cateꞌ yuguꞌ bönniꞌ naꞌ nacuáꞌlenëꞌ Jesús bilaꞌléꞌenëꞌ ca naꞌ raca queëꞌ Lëꞌ,
tëꞌ Lëꞌ:
―Xan,
¿naruꞌ güíꞌituꞌ légaquiëꞌ guíë tuchiꞌ?
50 Tuëꞌ bönniꞌ usëda queëꞌ Jesús benëꞌ huëꞌ guídi náguiëꞌ bönniꞌ huen dxin queëꞌ bixúz lo.
Burixëꞌ guídi náguiëꞌ ibëla.
51 Jesús rnnëꞌ:
―Chinaca naꞌa.
Tscaꞌ gaz.
Gudanëꞌ Jesús guídi náguiëꞌ bönniꞌ huen dxin naꞌ,
en bunëꞌ le.
52 Níꞌirö rëꞌ yuguꞌ bixúz unná bëꞌ,
en bönniꞌ dë lu náꞌagaquiëꞌ que yudoꞌ,
en bönniꞌ gula tuꞌzéajniꞌinëꞌ,
bönniꞌ naꞌ bitiꞌ taꞌléꞌenëꞌ Lëꞌ dxiꞌa,
rnnëꞌ:
―¿Narúajtsaliꞌ nuáꞌaliꞌ guíë tuchiꞌ,
en yaga para sönliꞌ nedaꞌ ca runliꞌ rizönliꞌ-nëꞌ gubán?
53 Yuguꞌ dza guzóalen cazaꞌ libíꞌiliꞌ chila yudoꞌ,
ateꞌ bitiꞌ bi benliꞌ quiaꞌ,
pero naꞌa chibidxín dza queë́liꞌ,
le naca dza dë lu nëꞌe nu naꞌ zoa lataj chul-la.
Rnnëꞌ Pedro: “Bitiꞌ núnbëꞌa-nëꞌ Jesús”
54 Níꞌirö gulaꞌzönëꞌ Jesús,
en gulaꞌchë́ꞌë Lëꞌ ga naꞌ buluꞌsudxinëꞌ Lëꞌ lidxëꞌ bixúz lo.
Pedro yöjnahuëꞌ Jesús ziꞌtuꞌ zíꞌtuꞌsö.
55 Cateꞌ niꞌa nëꞌë bixúz lo chigulaꞌbéquiëꞌ guíꞌ löꞌa lidxëꞌ bixúz lo naꞌ,
gulaꞌböꞌë idú gásibiꞌilö raꞌ guíꞌ naꞌ,
ateꞌ Pedro gurö́ꞌlenëꞌ légaquiëꞌ tsözxö́n.
56 Cateꞌ tubiꞌ biꞌi nigula huen dxin biléꞌebiꞌ-nëꞌ Pedro,
niꞌ rö́ꞌösëꞌ raꞌ guíꞌ,
buyubiꞌ lëꞌ,
en rnnabiꞌ:
―Bönniꞌ ni dëꞌë caꞌ Jesús.
57 Gudáꞌbaguiëꞌ Pedro,
rnnëꞌ:
―Nigúla,
bitiꞌ caꞌ núnbëꞌa-nëꞌ bönniꞌ naꞌ.
58 Iaꞌlatiꞌ gudzé iaꞌtúëꞌ bönniꞌ biléꞌenëꞌ Pedro,
ateꞌ rnnëꞌ:
―Liꞌ doꞌo caꞌ légaquiëꞌ.
Pedro gunnë́ꞌ:
―Bönniꞌ,
calëga nedaꞌ.
59 Iaꞌlátiꞌsö gudzé,
gunnë́ꞌ iaꞌtúëꞌ bönniꞌ:
―Le nácatë bönniꞌ ni dëꞌë Jesús,
tuꞌ náquiëꞌ bönniꞌ Galilea.
60 Níꞌirö Pedro gunnë́ꞌ:
―Bönniꞌ,
bitiꞌ nözdaꞌ bizxi naꞌ ruꞌu didzaꞌ que.
Tsanni niꞌ ruꞌë didzaꞌ ni,
laꞌ gurö́dxitëbaꞌ böra.
61 Níꞌirö buécjëꞌ Xanruꞌ,
en ruyúëꞌ Pedro,
ateꞌ yöjnenëꞌ Pedro xtídzëꞌë Xanruꞌ,
ca naꞌ gudxëꞌ lëꞌ:
“Zíꞌalö cö́dxibaꞌ böra naꞌa,
liꞌ chigudáꞌbaguꞌu tsonna luzuí,
innóꞌ bitiꞌ núnbëꞌu nedaꞌ.”
62 Burúajëꞌ Pedro níꞌilö,
ateꞌ rön caz gurödxëꞌ.
Tuꞌtitjëꞌ Jesús
63 Yuguꞌ bönniꞌ naꞌ nazö́ngaquiëꞌ Jesús buluꞌtitjëꞌ Lëꞌ,
ateꞌ gulaꞌguínëꞌ Lëꞌ.
64 Níꞌirö buluꞌsayjëꞌ lahuëꞌ Jesús,
ateꞌ gulaꞌgápëꞌë lahuëꞌ,
en gulaꞌnábinëꞌ Lëꞌ,
taꞌnnë́ꞌ:
―¡Gunnë́yaꞌatsöcaꞌ!
¿Nuzxi naꞌ gudapaꞌ Liꞌ?
65 Ziánrö caꞌ gulaꞌnnë́ꞌ queëꞌ le guluꞌë döꞌ queëꞌ.
Ridxinëꞌ Jesús lógaquiëꞌ bönniꞌ yudoꞌ tuꞌchiꞌa tuꞌsörö́ëꞌ
66 Cateꞌ chizáꞌ reníꞌ dza naꞌ,
buluꞌdubëꞌ bönniꞌ gula tuꞌzéajniꞌinëꞌ bönachi judío len yuguꞌ bixúz unná bëꞌ,
en bönniꞌ yudoꞌ tuꞌsédinëꞌ,
ateꞌ gulaꞌchë́ꞌë Jesús lógaquiëꞌ bönniꞌ yudoꞌ tuꞌchiꞌa tuꞌsörö́ëꞌ,
ateꞌ gulaꞌnábinëꞌ Lëꞌ,
67 taꞌnnë́ꞌ:
―Gudíxjöiꞌi netuꞌ.
¿Naruꞌ nactsoꞌ Liꞌ Cristo?
Jesús rëꞌ légaquiëꞌ:
―Channö guíaꞌ libíꞌiliꞌ nacaꞌ Cristo,
bitiꞌ tséajlëꞌëliꞌ nedaꞌ,
68 en channö inábidaꞌ libíꞌiliꞌ tu didzaꞌ,
bitiꞌ ubíꞌiliꞌ didzaꞌ,
en bitiꞌ usanliꞌ nedaꞌ.
69 Naꞌa isí lo,
nedaꞌ,
Bönniꞌ Guljëꞌ Bönachi,
cöꞌa cuita lëꞌë ibëla Dios,
nápatërëꞌ yöl-laꞌ unná bëꞌ.
70 Gulaꞌnábinëꞌ Lëꞌ yúguꞌtëꞌ,
taꞌnnë́ꞌ:
―¿Naruꞌ nactsoꞌ Liꞌ Zxíꞌinëꞌ Dios?
Lëꞌ gudxëꞌ légaquiëꞌ:
―Le nácasö rnnaliꞌ.
71 Níꞌirö taꞌnnë́ꞌ:
―¿Núzxirö naquíniruꞌ nu gun ba nalí queëꞌ?
Laꞌ rë́ꞌusö chibiyö́niruꞌ didzaꞌ ruꞌë.