Le guca cateꞌ gútiëꞌ Lázaro
11
Dza niꞌ réꞌenëꞌ Lázaro,
bönniꞌ Betania,
le naca ládzagacanu María,
en Marta.
Nácanu Marta naꞌ zxílanu María naꞌ.
2 Nácanu María naꞌ nigula zanëꞌ Lázaro,
bönniꞌ naꞌ réꞌenëꞌ,
en nácanu caꞌ nigula naꞌ gulúꞌunu le riláꞌ zxixi niꞌë Xanruꞌ,
en buzxinu niꞌë len guitsaꞌ ícjanu.
Jesús resucita a Lázaro (Juan 11.1-57)
―Xan,
buyútsöcaꞌ,
réꞌenëꞌ Lázaro,
bönniꞌ naꞌ nadxíꞌinuꞌ-nëꞌ.
4 Cateꞌ biyönnëꞌ Jesús didzaꞌ ni,
gudxëꞌ nupa nacuáꞌ niꞌ,
rnnëꞌ:
―Yödzöhuë́ꞌ ni bitiꞌ naca le guti lëꞌ tsaz,
pero naca para iláꞌ lahui yöl-laꞌ zxön queëꞌ Dios,
ateꞌ niꞌa que yödzöhuë́ꞌ ni iláꞌ lahui caꞌ yöl-laꞌ zxön quiaꞌ nedaꞌ,
Zxíꞌinëꞌ Dios.
5 Jesús nadxíꞌinëꞌ Marta,
en nigula zxílanu Marta naꞌ,
en Lázaro naꞌ.
6 Sal-laꞌ nadxíꞌinëꞌ Jesús légaquiëꞌ,
cateꞌ biyönnëꞌ réꞌenëꞌ Lázaro,
bugáꞌanëꞌ ga naꞌ zoëꞌ iaꞌchopa dza caꞌ.
7 Cateꞌ bizáꞌa chopa dza naꞌ,
Jesús gudxëꞌ yuguꞌ bönniꞌ usëda queëꞌ,
rnnëꞌ:
―Uyéajruꞌ leyúbölö luyú Judea.
8 Níꞌirö yuguꞌ bönniꞌ usëda queëꞌ tëꞌ Lëꞌ,
taꞌnnë́ꞌ:
―Bönniꞌ Usedi,
siꞌ gulaꞌzóa gulaꞌböꞌë bönniꞌ judío unná bëꞌ niꞌ uluꞌladxëꞌ Liꞌ guiö́j.
¿Naruꞌ uyéajtsoꞌ leyúbölö niꞌ?
9 Bubiꞌë didzaꞌ Jesús,
rëꞌ légaquiëꞌ:
―Nacuáꞌ caz chinnu hora lahuiꞌ dza.
Nu bönniꞌ ridë́ꞌ lahuiꞌ dza,
bitiꞌ tsöjchéguꞌë,
tuꞌ riléꞌenëꞌ,
tuꞌ zóalen lëꞌ beníꞌ zoa yödzölió ni.
10 Channö ridë́ꞌ bönniꞌ naꞌ chiꞌi dzö́ꞌölö,
röjchéguꞌë,
tuꞌ cabí zóalen beníꞌ lëꞌ.
11 Cateꞌ budxi bëꞌë Jesús didzaꞌ ni,
níꞌirö gudxëꞌ légaquiëꞌ:
―Rásiëꞌ Lázaro,
böchiꞌ luzáꞌaruꞌ,
ateꞌ tsejaꞌ nedaꞌ,
en usubanaꞌ-nëꞌ.
12 Níꞌirö yuguꞌ bönniꞌ usëda queëꞌ tëꞌ Lëꞌ,
taꞌnnë́ꞌ:
―Xan,
channö rásiëꞌ,
huöáquiëꞌ.
13 Gunnë́ꞌ caní Jesús tuꞌ chigútiëꞌ Lázaro,
pero légaquiëꞌ téquinëꞌ gunnë́ꞌ:
Rásisëꞌ Lázaro.
14 Níꞌirö Jesús gudxëꞌ légaquiëꞌ yálajdoꞌ,
gunnë́ꞌ:
―Chigútiëꞌ Lázaro.
15 Rudzéjadaꞌ tuꞌ cabí zoaꞌ niꞌ,
tuꞌ gaca naꞌa tu le uzíꞌiliꞌ xibé,
le gun ga tséajlëꞌëliꞌ nedaꞌ.
Uyéajruꞌ naꞌa ga naꞌ dëꞌ Lázaro.
16 Níꞌirö Tomás,
bönniꞌ naꞌ tuꞌë lëꞌ,
Bönniꞌ Bilidiꞌ gudxëꞌ iaꞌzícaꞌrëꞌ bönniꞌ usëda queëꞌ Jesús,
rnnëꞌ:
―Uyéajruꞌ caꞌ rëꞌu,
en gátilenruꞌ-nëꞌ.
Náquiëꞌ Jesús Nu rusubán nupa chinátigaca, encaꞌ Nu nabániruꞌ
17-19 Dë yödzö Betania gálaꞌsö ga dë Jerusalén naꞌ,
le naca ca rizáꞌaruꞌ tu hóratëz.
Que lë ni naꞌ chibilaꞌdxinëꞌ zián bönniꞌ judío ga naꞌ nacuáꞌanu Marta,
en María,
en tuꞌhuë́ tsáhuëꞌë légacanu tuꞌ gútiëꞌ bönniꞌ zángacanu.
Cateꞌ Jesús bidxinëꞌ niꞌ,
biyönnëꞌ chiguca tapa dza yuꞌë Lázaro naꞌ yeru ba.
20 Cateꞌ biyö́ninu Marta didzaꞌ zëꞌë Jesús,
níꞌirö birúajnu yuꞌu,
yöjtságanu Lëꞌ,
pero María bugáꞌananu yuꞌu naꞌ.
21 Marta naꞌ rënu Jesús:
―Xan,
laꞌtuꞌ zuꞌ ni,
bitiꞌ gátiëꞌ bönniꞌ zanaꞌ.
22 Lëscaꞌ naꞌa,
nözdaꞌ yúguꞌtë le inábinuꞌ Dios,
Lëꞌ gunnëꞌ quiuꞌ.
23 Jesús rëꞌë-nu:
―Ubanëꞌ bönniꞌ zanuꞌ.
24 Marta rënu Lëꞌ:
―Nözdaꞌ ubanëꞌ cateꞌ idxín dza údxi cateꞌ uluꞌbán nupa chinátigaca.
25 Níꞌirö Jesús rëꞌë-nu:
―Naca cazaꞌ nedaꞌ Nu rusubán nupa chinátigaca,
encaꞌ Nu nabánigaca bönachi.
Nu tséajlëꞌ nedaꞌ,
sal-laꞌ gati nu naꞌ,
ubán caz,
26 ateꞌ yúguꞌtë bönniꞌ nabángaquiëꞌ,
en taꞌyéajlëꞌë nedaꞌ,
bitiꞌ caꞌ ilátiëꞌ tsaz.
¿Réajlëꞌu lë ni?
27 Marta rënu Lëꞌ:
―Ön,
Xan.
Réajlëꞌa nacuꞌ Liꞌ Cristo,
Zxíꞌinëꞌ Dios,
Bönniꞌ naꞌ guzxíꞌ lu nëꞌë Dios isö́l-lëꞌë yödzölió ni.
Ribödxëꞌ Jesús tuꞌ ruíꞌi ládxëꞌë nigula zanëꞌ Lázaro
28 Cateꞌ budxi bë́ꞌënu Marta naꞌ didzaꞌ ni,
bö́ajnu yuꞌu,
yöjlídzanu María,
zxílanu,
ateꞌ bagáchiꞌsö rënu lënu:
―Bönniꞌ Usedi zoëꞌ ni,
rulidzëꞌ liꞌ.
29 Cateꞌ biyö́ninu María didzaꞌ ni,
laꞌ guyástënu,
zéajnu ga naꞌ zoëꞌ Jesús.
30 Bitiꞌ rázinëꞌ Jesús laꞌ yö́dzödoꞌ naꞌ,
pero zóasëꞌ ga naꞌ yöjtságanu Marta Lëꞌ.
31 Cateꞌ yuguꞌ bönniꞌ judío naꞌ nacuáꞌlenëꞌ María naꞌ,
en tuꞌhuë́ tsáhuëꞌë-nu bilaꞌléꞌenëꞌ-nu guyásanu,
en birúajnu carelö ga naca lu yuꞌu,
níꞌirö yöjnógaquiëꞌ-nu,
taꞌnnë́ꞌ:
―Uyéajnu raꞌ yeru ba tsöjchö́dxinu niꞌ.
32 Níꞌirö bidxinnu María ga naꞌ zoëꞌ Jesús.
Cateꞌ biléꞌenu Lëꞌ,
biyéchunu xiniꞌë,
en rënu Lëꞌ:
―Xan,
laꞌtuꞌ zuꞌ ni,
bitiꞌ gátiëꞌ bönniꞌ zanaꞌ.
33 Cateꞌ biléꞌenëꞌ Jesús ribö́dxinu,
en taꞌbödxëꞌ caꞌ bönniꞌ judío naꞌ dzágagaquiëꞌ-nu,
níꞌirö buíꞌinnëꞌ,
en gunnëdaꞌ ládxëꞌë.
34 Rnnëꞌ:
―¿Gazxi bucáchiꞌliꞌ-nëꞌ?
Tëꞌ Lëꞌ:
―Gudá uyúꞌ.
―Buliꞌyútsöcaꞌ ca nadxíꞌideꞌenëꞌ lëꞌ.
37 Bal-lëꞌ taꞌnnë́ꞌ:
―Bönniꞌ ni benëꞌ ga riléꞌenëꞌ bönniꞌ naꞌ zíꞌalö nachul-la lahuëꞌ.
¿Naruꞌ cabí gúcatsö gunëꞌ ga bitiꞌ gátiëꞌ Lázaro?
Rubanëꞌ Lázaro lu yöl-laꞌ guti
38 Leyúbölö gunnëdaꞌ ládxëꞌë Jesús,
ateꞌ bidxinëꞌ raꞌ yeru ba naꞌ.
Ba naꞌ naca tu yeru nadaj lëꞌe guíꞌa guiö́j,
ateꞌ daꞌ tu guiö́jtaꞌa le nusayaj ga nu riyaza le.
39 Jesús gudxëꞌ nupa nacuáꞌ niꞌ,
rnnëꞌ:
―Guliꞌcúa guiö́j ni.
Níꞌirö Marta,
nigula zanëꞌ bönniꞌ nati naꞌ,
rënu Lëꞌ:
―Xan,
chirilë́ꞌë siguti tuꞌ chiguca tapa dza nátiëꞌ.
40 Jesús rëꞌë-nu:
―¿Naruꞌ cabí chigudxi cazaꞌ liꞌ channö réajlëꞌu,
hualéꞌenuꞌ yöl-laꞌ zxön queëꞌ Dios?
41 Níꞌirö gulaꞌgǘëꞌ guiö́jtaꞌa naꞌ nusayaj ga nu riyaza yeru ba ga naꞌ yuꞌë bönniꞌ nati naꞌ.
Buyúëꞌ Jesús zacaꞌ lúzxibalö,
rnnëꞌ:
―Xuzaꞌ,
reaꞌ Liꞌ,
xclenuꞌ tuꞌ riyönnuꞌ nedaꞌ.
42 Nedaꞌ nözdaꞌ riyö́ntiquiꞌsinuꞌ nedaꞌ,
pero ruáꞌa didzaꞌ ni para uluꞌzíꞌ xibé bönachi zián ni,
en ilaꞌyéajlëꞌ Liꞌ naꞌ nasö́l-luꞌu nedaꞌ.
43 Cateꞌ budxi bëꞌë Jesús didzaꞌ ni,
zidzaj bulidzëꞌ,
rnnëꞌ:
―Lázaro,
burúaj nilö.
44 Burúajëꞌ bönniꞌ naꞌ gúquiëꞌ bönniꞌ nati lu yeru ba,
narö́ligacarö niꞌa nëꞌë yuguꞌ láriꞌdoꞌ,
en nagachiꞌ caꞌ lahuëꞌ iaꞌtú láriꞌdoꞌ.
Níꞌirö Jesús rëꞌ légaquiëꞌ:
―Buliꞌlí lariꞌ naꞌ naröli niꞌa nëꞌë,
en guliꞌguꞌë lataj sëꞌë.
Tun xtídzëꞌë yuguꞌ bönniꞌ judío unná bëꞌ ilútiëꞌ Jesús
45 Níꞌirö zián bönniꞌ judío naꞌ gulaꞌyéajlëꞌë Jesús,
bönniꞌ naꞌ yöjácalenëꞌ tsözxö́n María,
en bilaꞌléꞌenëꞌ lë naꞌ benëꞌ Lëꞌ.
46 Bal-lëꞌ yöjáquiëꞌ ga nacuꞌë bönniꞌ yudoꞌ fariseo,
en buluꞌsiyönnëꞌ légaquiëꞌ ca naꞌ benëꞌ Jesús.
47 Níꞌirö bönniꞌ yudoꞌ fariseo naꞌ buluꞌdúbilenëꞌ tsözxö́n bönniꞌ yudoꞌ tuꞌchiꞌa tuꞌsörö́ëꞌ,
en yuguꞌ bixúz unná bëꞌ,
taꞌnnë́ꞌ:
―¿Nacxi caz gunruꞌ?
Runëꞌ bönniꞌ ni zián yöl-laꞌ huáca zxön.
48 Channö güíꞌisiruꞌ-nëꞌ lataj gunëꞌ ca ni run cazëꞌ,
ilaꞌyéajlëꞌ yúguꞌtë bönachi Lëꞌ,
ateꞌ idijáquiëꞌ bönniꞌ Roma ni,
duquínnajgaquiëꞌ yudoꞌ láꞌayi queë́ruꞌ,
en yödzö queë́ruꞌ.
49 Níꞌirö bëꞌë didzaꞌ Caifás,
bixúz lo iz naꞌ,
en dzáguiëꞌ légaquiëꞌ,
rëꞌ légaquiëꞌ:
―Libíꞌiliꞌ bitiꞌ bi nö́ziliꞌ,
50 en bitiꞌ réquibeꞌeliꞌ run bayudxi gátiëꞌ tuëꞌ bönniꞌ niꞌa quégaca bönachi,
para cabí initi idú yödzö.
51 Calëga rácasö queëꞌ bëꞌë didzaꞌ ni,
pero tuꞌ náquiëꞌ bixúz lo iz naꞌ,
que lë ni naꞌ bëꞌë didzaꞌ uláz queëꞌ Dios ca ral-laꞌ gátiëꞌ Jesús niꞌa quégaca bönachi yödzö naꞌ.
52 Gátiëꞌ Jesús,
calë́gasö niꞌa que yödzö naꞌ,
pero gátiëꞌ caꞌ para utubëꞌ yuguꞌ zxíꞌinëꞌ Dios násilasigaquiëꞌ,
para ilácagaquiëꞌ tuz.
53 Caní guca,
laꞌ dza náꞌasö gulún xtídzaꞌgaquiëꞌ ilútiëꞌ Jesús.
54 Que lë ni naꞌ bítiꞌrö gudë́ꞌ Jesús yálajdoꞌ gapa nacuáꞌ bönachi judío,
pero buzë́ꞌë niꞌ,
saꞌyéajëꞌ tu lataj galaꞌ ga naca lataj cáꞌasö,
ateꞌ bidxinëꞌ yödzö Efraín,
ga niꞌ bugáꞌanëꞌ,
ateꞌ dzágagaquiëꞌ bönniꞌ usëda queëꞌ Lëꞌ.
55 Dza naꞌ chizáꞌ galaꞌ Laní Pascua quégaquiëꞌ bönniꞌ judío cateꞌ tuꞌsubanëꞌ ca benëꞌ Dios,
bubéajëꞌ bönachi queëꞌ luyú Egipto.
Bilaꞌrúaj bönachi zián yuguꞌ yödzö niꞌ,
ateꞌ gulaꞌbenëꞌ,
söjáquiëꞌ Jerusalén cateꞌ siꞌ idxín laní naꞌ para tsöjpáꞌa cuíngaquiëꞌ ca naca que yudoꞌ.
56 Yuguꞌ bönniꞌ naꞌ nacuꞌë Jerusalén tuꞌguiljëꞌ Jesús ,
en cateꞌ niꞌ nacuꞌë chila yudoꞌ,
gulaꞌnabi luzáꞌagaquiëꞌ tuëꞌ iaꞌtúëꞌ,
taꞌnnë́ꞌ:
―¿Bizxi rusácaꞌliꞌ?
¿Huídatsëꞌ laní,
o bitiꞌ guídëꞌ?
57 Chigulaꞌnná bëꞌë yuguꞌ bixúz unná bëꞌ,
en yuguꞌ bönniꞌ yudoꞌ fariseo channö nu nözi ga zoëꞌ Jesús,
ral-laꞌ ududíxjöiꞌi légaquiëꞌ para gaca tsöjxö́ngaquiëꞌ Lëꞌ.