Ruúnëꞌ Jesús tu bönniꞌ narequiꞌ nëꞌë
3
Leyúbölö guyuꞌë Jesús tu lu yuꞌu ga tuꞌdubëꞌ tuꞌsëdëꞌ bönniꞌ judío queëꞌ Dios,
ateꞌ zoëꞌ caꞌ niꞌ tu bönniꞌ narequiꞌ nëꞌë.
2 Bönniꞌ yudoꞌ nacuꞌë niꞌ tuꞌyúëꞌ Jesús channö únëꞌ bönniꞌ naꞌ dza láꞌayi,
tuꞌ të́ꞌënnëꞌ uluꞌzéguiꞌë Lëꞌ didzaꞌ.
3 Níꞌirö Jesús gudxëꞌ bönniꞌ naꞌ narequiꞌ nëꞌë,
rnnëꞌ:
―Guyasa,
en guzuí lógaca bönachi ni.
4 Jesús gunábinëꞌ bönachi niꞌ,
rnnëꞌ:
―¿Naruꞌ dë lataj gunruꞌ le naca dxiꞌa cateꞌ naca dza láꞌayi o gunruꞌ le ruáꞌ döꞌ?
¿Naruꞌ dë lataj gunruꞌ ga ilaꞌdeliꞌ bönachi yöl-laꞌ naꞌbán o usunítiruꞌ le?
Gulaꞌcuáꞌ dxisö bönachi niꞌ.
5 Níꞌirö len yöl-laꞌ rilé queëꞌ,
buyúëꞌ Jesús bönachi naꞌ nacuáꞌ gásibiꞌilëꞌ.
Ruhuíꞌinnëꞌ tuꞌ nácagaquiëꞌ zidi ladxiꞌ.
Gudxëꞌ bönniꞌ naꞌ narequiꞌ nëꞌë,
rnnëꞌ:
―Bulí noꞌo.
Níꞌirö bulí nëꞌë bönniꞌ naꞌ,
ateꞌ böácatë dxíꞌadoꞌ nëꞌë.
6 Níꞌirö buluꞌrúajëꞌ bönniꞌ yudoꞌ fariseo,
ateꞌ laꞌ guluntëꞌ tsözxö́n didzaꞌ len bönniꞌ dáꞌgaquiëꞌ Herodes bi ilunëꞌ queëꞌ Jesús,
para ilútiëꞌ Lëꞌ.
Tuꞌdubi bönachi zián raꞌ nísadoꞌ
7 Buzë́ꞌë Jesús niꞌ tsözxö́n len bönniꞌ dáꞌgaquiëꞌ Lëꞌ,
en bidxinëꞌ raꞌ nísadoꞌ,
ateꞌ söjácalen Lëꞌ bönachi zián narúajgaca luyú Galilea,
en luyú Judea.
8 Bönachi zián narúajgaca Jerusalén,
en luyú Idumea,
en iaꞌtsöláꞌa yegu Jordán,
en yuguꞌ yödzö nacuáꞌ idú gásibiꞌilö ga nacuáꞌ yödzö Tiro,
en yödzö Sidón bilaꞌdxín caꞌ ga zoëꞌ Jesús.
Caní gulunëꞌ,
tuꞌ bilaꞌyönnëꞌ ca nácagaca yuguꞌ le zxön runëꞌ Jesús.
9 Que lë ni naꞌ Jesús gunná béꞌenëꞌ bönniꞌ dáꞌgaquiëꞌ Lëꞌ uluꞌcö́zticaꞌsëꞌ tu bárcodoꞌ ga gaca cuenëꞌ,
para cabí uluꞌquí bönachi zián naꞌ Lëꞌ.
10 Caní guca tuꞌ chibunëꞌ zián nupa teꞌe,
ateꞌ bilaꞌguírö bönachi zián naꞌ ga zoëꞌ para ilaꞌgán Lëꞌ.
11 Cateꞌ böꞌ xihuiꞌ yúꞌugaca bönachi bilaꞌléꞌe Jesús,
buluꞌdxigaꞌ bönachi naꞌ yúꞌugaca xiniꞌë Jesús,
ateꞌ gulaꞌbö́dxiꞌa,
taꞌnná:
―Nacuꞌ Liꞌ Zxíꞌinëꞌ Dios.
12 Jesús buzenëꞌ le bach böꞌ xihuiꞌ naꞌ,
cabí ilaꞌguixjöꞌ nu náquiëꞌ Lëꞌ.
Ribö́ëꞌ Jesús chinnu bönniꞌ ilácagaquiëꞌ gubáz queëꞌ
13 Níꞌirö gurenëꞌ Jesús tu lu guíꞌadoꞌ,
ga niꞌ bulidzëꞌ nupa rë́ꞌënëꞌ.
Gulaꞌbiguëꞌë bönniꞌ ni gásibiꞌilëꞌ.
14 Jesús bucuꞌë chínnuëꞌ bönniꞌ ni,
para ilaꞌcuáꞌlenëꞌ Lëꞌ,
en para isö́l-lëꞌë légaquiëꞌ tsöjéngaquiëꞌ libán.
15 Budödëꞌ lu náꞌagaquiëꞌ yöl-laꞌ huáca uluꞌúnëꞌ nupa teꞌe,
en uluꞌbéajëꞌ böꞌ xihuiꞌ yúꞌugaca bönachi.
16 Caní nácagaca lágaquiëꞌ:
Simón,
(buzóëꞌ Jesús iaꞌtú lëꞌ,
Pedro),
17 Jacobo,
Juan,
(bönniꞌ bö́chëꞌë Jacobo,
ateꞌ nácagaquiëꞌ zxíꞌinëꞌ Zebedeo.
Chopëꞌ ni,
Jesús buzóëꞌ iaꞌtú lágaquiëꞌ,
Boanerges,
le rnna lu didzaꞌ xidzaꞌ:
Bönniꞌ síniaꞌ ca guziúꞌ),
18 Andrés,
Felipe,
Bartolomé,
Mateo,
Tomás,
Jacobo,
(zxíꞌinëꞌ Alfeo),
Tadeo,
Simón,
(bönniꞌ ruíꞌi ládxëꞌë yödzö queëꞌ),
19 Judas Iscariote,
(bönniꞌ udödëꞌ Jesús lu náꞌagaquiëꞌ bönniꞌ ilútiëꞌ Lëꞌ).
Yuguꞌ bönniꞌ yudoꞌ taꞌnnë́ꞌ: “Tuꞌ xihuiꞌ dzaga Jesús”
Gudödi niꞌ Jesús len bönniꞌ dáꞌgaquiëꞌ Lëꞌ buluꞌdxinëꞌ tu lu yuꞌu.
20 Leyúbölö bilaꞌguírö bönachi zián ga zoëꞌ Jesús,
ateꞌ bítiꞌrö gutaꞌ lataj bi ilahuëꞌ Jesús,
en bönniꞌ naꞌ dáꞌgaquiëꞌ Lëꞌ.
21 Cateꞌ diꞌa dza queëꞌ Jesús bilaꞌyönnëꞌ ca raca queëꞌ,
bilaꞌdxinëꞌ niꞌ para uluꞌchë́ꞌë Lëꞌ,
taꞌnnë́ꞌ:
Richixi icjëꞌ.
22 Lëscaꞌ caní bönniꞌ yudoꞌ usedi,
narúajgaquiëꞌ Jerusalén gulaꞌnnë́ꞌ queëꞌ,
taꞌnnë́ꞌ:
―Dzaga Belzebú,
xángaca böꞌ xihuiꞌ Lëꞌ,
ateꞌ len yöl-laꞌ unná bëꞌ que rubéajëꞌ yuguꞌ böꞌ xihuiꞌ.
23 Níꞌirö Jesús bulidzëꞌ yuguꞌ bönniꞌ yudoꞌ usedi naꞌ,
en bucúdzuꞌë didzaꞌ,
rnnëꞌ:
―¿Naruꞌ ubéaj laꞌ cuinsi Satanás tuꞌ xihuiꞌ?
24 Channö ilaꞌrúaj choplö bönachi tu yödzö,
en ilaꞌdíl-lalen luzë́ꞌeguequi,
bitiꞌ gaca idíaꞌ yödzö naꞌ.
25 Lëscaꞌ caní channö ilaꞌrúaj choplö bönachi nacuáꞌ tu yuꞌu,
en ilaꞌdíl-lalen luzë́ꞌeguequi,
bitiꞌ gaca ilaꞌdíaꞌ bönachi nacuáꞌ yuꞌu naꞌ.
26 Que lë ni naꞌ,
channö Satanás tuꞌ xihuiꞌ táꞌbagaꞌ luzë́ꞌe,
narúajgaca choplö böꞌ xihuiꞌ.
Bitiꞌ gaca idíaꞌ yöl-laꞌ unná bëꞌ que,
pero chizóa údxi que.
27 ’Cuntu nu gaca tsuꞌu lidxëꞌ tu bönniꞌ nál-la,
en cuéaj yöl-laꞌ tsahuiꞌ queëꞌ channö cabí gagaꞌ zíꞌalö bönniꞌ nál-la naꞌ,
ateꞌ níꞌirö sequiꞌ cuéaj le dzöꞌö lidxëꞌ.
28 ’Le nácatë reaꞌ libíꞌiliꞌ:
Dios gaca uniti lahuëꞌ bönachi ca naca yúguꞌtë dul-laꞌ nabágaꞌgaca,
en ca naca yúguꞌtë didzaꞌ schanníꞌ taꞌnná,
29 pero nútiꞌtës nu innë́ schanníꞌ queëꞌ Dios Böꞌ Láꞌayi,
catu caz uniti lahuëꞌ Dios nu naꞌ.
Tsaz nabagaꞌ xíguiaꞌ nu naꞌ.
30 Caní gunnë́ꞌ Jesús tuꞌ taꞌnnë́ꞌ queëꞌ bönniꞌ yudoꞌ usedi naꞌ,
taꞌnnë́ꞌ:
―Tuꞌ xihuiꞌ dzaga Lëꞌ.
Nu naca xinë́ꞌë Jesús, en bönniꞌ bö́chëꞌë
31 Níꞌirö bilaꞌdxinëꞌ yuguꞌ bönniꞌ bö́chëꞌë Jesús,
encaꞌ xinë́ꞌë ga zoëꞌ.
Gulaꞌcuꞌë lö́ꞌalö,
en gulaꞌsö́l-lëꞌë nu tsöjlidza Jesús.
32 Bönachi zián naꞌ rö́ꞌgaca cuitëꞌ Jesús gulë́ Lëꞌ,
taꞌnná:
―Yuguꞌ bönniꞌ bö́chuꞌu,
encaꞌ xinóꞌo nacuꞌë lö́ꞌalö,
tuꞌlidzëꞌ Liꞌ.
33 Bubiꞌë didzaꞌ Jesús,
gudxëꞌ légaquiëꞌ:
―¿Nuzxi caz naꞌ xináꞌa,
en nupxi caz yuguꞌ bönniꞌ bö́chaꞌa?
34 Níꞌirö buyúëꞌ nupa naꞌ rö́ꞌgaca gásibiꞌilëꞌ,
rnnëꞌ: