2 Naꞌ ka bllin lla sabdaꞌ, llanaꞌ chombaaṉ beṉꞌ Israelkaꞌ, wyajeꞌ ganaꞌ chdop chllaggakeꞌ choeꞌḻwillgakeꞌ Chiozaꞌ naꞌ wzoloeꞌ bliꞌ bsedileꞌ beṉꞌkaꞌ lleꞌ naꞌ. Naꞌ zan beṉꞌkaꞌ bzenag xtilleenaꞌ bibangakileꞌ, naꞌ cheꞌgakeꞌ:

3 ¿Aaga beenin karpinteraꞌ, beenaꞌ nak xiiṉ Maríanaꞌ, naꞌ beṉꞌ bishꞌ Jacóbonaꞌ, Josénaꞌ, Júdazaꞌ naꞌch Simónnaꞌ? Naꞌ ḻekzkaꞌ beṉꞌ zaneꞌkaꞌ zoagakeꞌ lallchoni.

4 Naꞌ cheꞌ Jesúzaꞌ ḻegakeꞌ:

5 Naꞌ aga bitek yeḻꞌ wak gok goneꞌ naꞌ, ḻete x̱onjchga beṉꞌ weꞌkaꞌ bx̱oa neenaꞌ yic̱hjeꞌkaꞌ naꞌ biyoneꞌ ḻegakeꞌ.

6 Naꞌ bibanileꞌ daa bi chajḻeꞌ beṉꞌkaꞌ c̱heꞌ. Naꞌ wdeꞌ bliꞌ bsedileꞌ beṉꞌkaꞌ lleꞌ to to yellkaꞌ llia gaozə yell Nazaretaꞌ.

7 Naꞌ wṉieꞌ beṉꞌkaꞌ shlliṉ, naꞌ bseḻee c̱hop wejeꞌ, naꞌ biꞌe ḻegakeꞌ yeḻꞌ wṉabiaꞌ kwenc̱he yibejgakeꞌ dii x̱iwꞌkaꞌ yoo beṉꞌ.

8 Naꞌ golleꞌ ḻegakeꞌ bibi gox̱ꞌgakeꞌ katꞌ koogakeꞌ nez; bi chiyaḻꞌ waꞌgakeꞌ yix̱j ga koo xshinḻazeꞌkaꞌ, ni dii gaogakeꞌ, ni mech, san twejz yag bar gox̱ꞌgakeꞌ.

9 Naꞌ shkweꞌz xelgakeꞌ wlej, naꞌ zi shkweꞌz xeꞌkaꞌ gakw.

10 Naꞌ chiꞌe ḻegakeꞌ:

11 Naꞌ yellaꞌ ganaꞌ bi wlebgakeꞌ leꞌ ni bi wzenaggakeꞌ c̱hele, ka yizaꞌle naꞌ, yishible bishtenaꞌ llia ṉiꞌalekaꞌ kwenc̱he gakbeꞌgakileꞌ aga wenan chongakeꞌ bi chlebgakeꞌ choꞌa xtillꞌ Chiozaꞌ. Dii ḻi niaꞌ leꞌ, katꞌ illin lla wc̱hoglo Chiozaꞌ c̱he beṉꞌ, beṉꞌkaꞌ lleꞌ yellaꞌ ganaꞌ bi wlebgakeꞌ leꞌ, ileꞌgakileꞌ yeḻꞌ zakꞌziꞌ xench aga ka beṉꞌkaꞌ wlleꞌ yell Sodómanaꞌ naꞌ yell Gomórranaꞌ.

12 Naꞌ wzaꞌgakeꞌ zjtix̱jeꞌgakileꞌ beṉꞌ chiyaḻꞌ yiyaj yilengakileꞌ saaxya c̱heꞌkaꞌ.

13 Naꞌ bibejgakeꞌ zan dii x̱iwꞌkaꞌ yoo beṉꞌ, naꞌ bshongakeꞌ latꞌ wej setaꞌ yic̱hj beṉꞌkaꞌ bi shaoꞌ naꞌ biyakgakileꞌ.

14 Naꞌ Heródezaꞌ, beenaꞌ wṉabiaꞌ ganaꞌ mbani Galileanaꞌ, benileꞌ yogꞌ daa chon Jesúzaꞌ, daa ḻe ba zeyi c̱heꞌ. Baḻ beṉꞌkaꞌ cheꞌgakeꞌ:

15 Zi baḻeꞌ cheꞌ:

16 Ka beni Heródezaꞌ dillꞌki, naꞌ chiꞌe:

17 Ḻaꞌ kwin Heródezaꞌ beneꞌ mandad bex̱ꞌgakeꞌ Juannaꞌ naꞌ bsejeꞌneꞌ lillyanaꞌ daa bseshleneꞌneꞌ daa bikee Herodíazaꞌ, xool beṉꞌ bishee, Felípenaꞌ.

18 Juannaꞌ golleꞌneꞌ:

19 Naꞌ bllaa Herodíazaꞌ Juannaꞌ naꞌ goklallee witeꞌneꞌ, per bibi gok goneꞌ

20 daa chlleb Heródezaꞌ Juannaꞌ, daa ṉezileꞌ nakeꞌ to beṉꞌ ḻi beṉꞌ shaoꞌ beṉꞌ nak lallꞌ naꞌ Chiozaꞌ, naꞌ bi biꞌe latj no bi goni ḻeꞌ. Naꞌ ḻaꞌkzi chakc̱hoplallee c̱he dillꞌkaꞌ choꞌe, bibaileꞌ bzenagueꞌ c̱heꞌ.

21 Per ka wyayi Heródezaꞌ yiz, beneꞌ to lṉi naꞌ goxeꞌ beṉꞌkaꞌ chṉabiaꞌ, naꞌ x̱an soldadkaꞌ, naꞌ beṉꞌkaꞌ mbejlawin ganaꞌ mbani Galileanaꞌ. Naꞌ gotꞌ xḻatjin gon Herodíazaꞌ ka cheenileꞌ.

22 Naꞌ biꞌ nool wewꞌ c̱he Herodíazaꞌ byaabꞌ lao beṉꞌkaꞌ lleꞌ lṉinaꞌ, naꞌ ḻe bibayi Heródezaꞌ len beṉꞌkaꞌ chaoleneꞌ ka byaabꞌ. Naꞌ golleꞌbꞌ:

23 Naꞌ bc̱hebeꞌ wiꞌebꞌ daa cheenibꞌ, ḻaꞌkzi ax̱t gashj ganaꞌ chṉabiꞌe wiꞌebꞌ.

24 Naꞌ bichejbꞌ jaṉabibꞌ xṉaꞌbaa:

25 Naꞌ lii biyootebꞌ ganaꞌ chiꞌ Heródezaꞌ, naꞌ cheꞌbꞌ:

26 Naꞌ ḻe gokyeshii Heródezaꞌ, per daa ba bc̱hebleꞌ lao yogꞌ beṉꞌkaꞌ goxeꞌ, bi goklallee wllonileꞌbꞌ daa chṉabibꞌ ḻeꞌ.

27 Naꞌ lii bseḻꞌtieꞌ to soldad jac̱hogueꞌ yen Juannaꞌ ḻoo lillyanaꞌ

28 naꞌ bllieꞌ yic̱hjeꞌnaꞌ to lo plat. Naꞌ biꞌen biꞌ nool wewaa naꞌ ḻebꞌ beꞌbaan xṉaꞌbaa.

29 Ka wṉezi beṉꞌkaꞌ nak Juannaꞌ txen, naꞌ jaxiꞌgakeꞌ kwerp c̱heꞌnaꞌ naꞌ jakwashꞌgakeꞌneꞌ.

30 Ka billin postlkaꞌ ganaꞌ zoa Jesúzaꞌ, naꞌ gollgakeꞌneꞌ yogꞌ diikaꞌ jengakeꞌ naꞌ daa jaliꞌ jasedgakileꞌ beṉꞌ.

31 Naꞌ cheꞌ Jesúzaꞌ ḻegakeꞌ:

32 Naꞌ wyoogakeꞌ to barkw wyajgakeꞌ ga kono beṉꞌ lleꞌ.

33 Naꞌ beṉꞌ zan bleꞌgakileꞌ ka wzaꞌgakeꞌ naꞌ biyombiaꞌgakeꞌ ḻegakeꞌ, naꞌ wzaꞌdo beṉꞌkaꞌ lleꞌ to to yell zejdogakeꞌ ganaꞌ illin barkwaꞌ naꞌ nechləgakeꞌ bllin.

34 Naꞌ ka bichej Jesúzaꞌ ḻoo barkwaꞌ bleꞌileꞌ ba bdiꞌa bllag beṉꞌ zan inlleb naꞌ biyeshꞌlallileꞌ ḻegakeꞌ daa nakgakeꞌ ka xilꞌdoꞌ, ba kono x̱anin zoa. Naꞌ wzoloeꞌ dii zan dii bliꞌ bsedileꞌ ḻegakeꞌ.

35 Naꞌ ka wlleꞌ, beṉꞌkaꞌ nakgakeꞌneꞌ txen wbigꞌgakeꞌ laweꞌnaꞌ cheꞌgakeꞌneꞌ:

36 Goll beṉꞌki yiyajgakeꞌ ranshkaꞌ, naꞌ yellkaꞌ llia gaozə kwenc̱he lljx̱iꞌgakeꞌ daa gaogakeꞌ.

37 Naꞌ cheꞌ Jesúzaꞌ ḻegakeꞌ:

38 Naꞌ cheꞌ Jesúzaꞌ ḻegakeꞌ:

39 Naꞌch goll Jesúzaꞌ ḻegakeꞌ kwekgakeꞌ x̱oṉj wej beṉꞌkaꞌ lo yixaꞌ.

40 Naꞌ wcheꞌ to guiyoa wejgakeꞌ naꞌ shiyon wejgakeꞌ.

41 Naꞌ bex̱ꞌ Jesúzaꞌ yetxtilkaꞌ gayꞌ naꞌ beḻkaꞌ zi c̱hop naꞌ bḻis jalaweꞌnaꞌ yabalə biꞌe Chiozaꞌ yeḻꞌ chox̱ken, naꞌ bxoxjeꞌ yetxtilkaꞌ biꞌen beṉꞌkaꞌ nakgakeꞌneꞌ txen kwenc̱he beꞌgakeꞌ c̱he c̱he beṉꞌkaꞌ. Naꞌ ḻekzkaꞌ yogꞌgakeꞌ beꞌgakeꞌ beḻkaꞌ.

42 Naꞌ yogꞌḻoḻgakeꞌ wdaogakeꞌ ka beljgakileꞌ.

43 Naꞌ postlkaꞌ bitopgakeꞌ yetxtilkaꞌ len beḻkaꞌ bichooṉan, naꞌ biyakan zi shlliṉ xetꞌ.

44 Naꞌ beṉꞌkaꞌ wdao, to beṉꞌ byokaꞌzə gokgakeꞌ gayaa mil.

45 Naꞌ ka wde, bigoo Jesúzaꞌ beṉꞌkaꞌ nakgakeꞌneꞌ txen ḻoo barkwaꞌ kwenc̱he yibialogakeꞌ laweꞌnaꞌ yiyajgakeꞌ Betsáidanaꞌ daa llia zi shḻaa nisdoꞌnaꞌ, shlak bisee beṉꞌkaꞌ bdiꞌa bllag naꞌ.

46 Naꞌ ka biya beṉꞌkaꞌ billesh, naꞌ wyajeꞌ lo yaanaꞌ jeḻwilleꞌ Chiozaꞌ.

47 Naꞌ ka goḻ, ba zej barkwaꞌ gchoḻ nisdoꞌnaꞌ naꞌ stoz Jesúzaꞌ bgaaṉeꞌ ganaꞌ bizaꞌn.

48 Naꞌ bleꞌileꞌ ḻe chllaglogakenꞌ daa zaꞌ beꞌnaꞌ ganaꞌ zejləgakeꞌ. Naꞌ ni baḻ wloꞌe nez tlo nisdoꞌnaꞌ zejeꞌ ganaꞌ ziyajlgakeꞌ. Naꞌ ba zoa yidieꞌ laweꞌkaꞌ

49 ka bleꞌgakileꞌneꞌ zejeꞌ tlo nisdoꞌnaꞌ naꞌ gokgakileꞌ yel bx̱enzan. Naꞌ besyaagakeꞌ

50 daa ḻe bllebgakeꞌ daa bleꞌgakileꞌ. Naꞌ lii wṉetieꞌ ḻegakeꞌ, chiꞌe:

51 Naꞌ biyepeꞌ ḻoo barkwaꞌ naꞌ wcheꞌlli beꞌnaꞌ. Naꞌ ḻe bibangakileꞌ,

52 ḻaꞌ aga ba wyajniꞌgakileꞌ yeḻꞌ wakaꞌ daa beneꞌ c̱he yetxtilkaꞌ daa gokgakeꞌ beṉꞌ lallꞌdoꞌ wal.

53 Naꞌ ka biyoll wdegakeꞌ lo nisdoꞌnaꞌ naꞌ bllingakeꞌ yell-lio daa mbani Genesaretaꞌ, naꞌ bdaꞌ barkw c̱heꞌkaꞌ yag choꞌa nisdoꞌnaꞌ.

54 Ka bchejgakeꞌ ḻoo barkwaꞌ, lii biyombiaꞌte beṉꞌ Genesaretkaꞌ Jesúzaꞌ.

55 Naꞌ wdadogakeꞌ doxen ganaꞌ mbani lalleꞌkaꞌ btopgakeꞌ beṉꞌ bi shaoꞌ, naꞌ lo daazə nx̱oagakeꞌ ḻegakeꞌ chjwaꞌgakeꞌ ḻegakeꞌ ganaꞌ ṉezgakileꞌ bllin Jesúzaꞌ.

56 Naꞌ gattezə chajeꞌ ḻaa yelldoꞌkaꞌ ḻaa yell xenkaꞌ, wa ḻaa ranshkaꞌ, chyix̱jgakeꞌ beṉꞌkaꞌ bi shaoꞌ tnezaꞌ ganaꞌ chdieꞌ. Naꞌ chatꞌyogakileꞌneꞌ wiꞌe latj gox̱ꞌgakeꞌ ḻaꞌc̱hꞌ xeꞌnaꞌ. Naꞌ yogꞌ beṉꞌkaꞌ gok bex̱ꞌgakeꞌn biyakgakileꞌ.