Dillꞌ wen dillꞌ kob daa bzej
Matewaꞌ
Dii x̱ozxtoꞌ Jesucrístonaꞌ
1
Dga choꞌen dillꞌ nan Jesucrístonaꞌ nakeꞌ xiiṉ dia c̱he dii Davinaꞌ naꞌ dii Abrahamaꞌ.
2 Abrahamaꞌ gokeꞌ x̱a Isaacaꞌ, naꞌ Isaacaꞌ gokeꞌ x̱a Jacobaꞌ, naꞌ Jacobaꞌ gokeꞌ x̱a Judánaꞌ len beṉꞌ bisheekaꞌ.
3 Naꞌ Judánaꞌ gokeꞌ x̱a Fárezaꞌ len Záranaꞌ, naꞌ xṉeekaꞌ wlieꞌ Tamar. Naꞌ Fárezaꞌ gokeꞌ x̱a Esrómaꞌ, naꞌ Esrómaꞌ gokeꞌ x̱a Aramaꞌ.
4 Naꞌ Aramaꞌ gokeꞌ x̱a Aminadabaꞌ, naꞌ Aminadabaꞌ gokeꞌ x̱a Naasónnaꞌ, naꞌ Naasónnaꞌ gokeꞌ x̱a Salmónnaꞌ.
5 Naꞌ Salmónnaꞌ len Rahabaꞌ gokgakeꞌ x̱axṉaꞌ Boozaꞌ. Naꞌ Boozaꞌ gokeꞌ x̱a Obedaꞌ naꞌ xṉeenaꞌ wlieꞌ Rut. Naꞌ Obedaꞌ gokeꞌ x̱a Isaínaꞌ.
6 Naꞌ Isaínaꞌ gokeꞌ x̱a Davinaꞌ, naꞌ Davinaꞌ gokeꞌ x̱a Salomónnaꞌ. Naꞌ xṉaꞌ Salomónnaꞌ, beenaꞌ bikaa Davinaꞌ, gokeꞌ xool dii Uríazaꞌ.
7 Naꞌ Salomónnaꞌ gokeꞌ x̱a Roboamaꞌ, naꞌ Roboamaꞌ gokeꞌ x̱a Abíazaꞌ, naꞌ Abíazaꞌ gokeꞌ x̱a Ásanaꞌ.
8 Naꞌ Ásanaꞌ gokeꞌ x̱a Josafataꞌ, naꞌ Josafataꞌ gokeꞌ x̱a Joramaꞌ, naꞌ Joramaꞌ gokeꞌ x̱a Uzíazaꞌ.
9 Naꞌ Uzíazaꞌ gokeꞌ x̱a Jotamaꞌ, naꞌ Jotamaꞌ gokeꞌ x̱a Acazaꞌ, naꞌ Acazaꞌ gokeꞌ x̱a Ezequíazaꞌ.
10 Naꞌ Ezequíazaꞌ gokeꞌ x̱a Manasézaꞌ, naꞌ Manasézaꞌ gokeꞌ x̱a Amónnaꞌ, naꞌ Amónnaꞌ gokeꞌ x̱a Josíazaꞌ.
11 Naꞌ Josíazaꞌ gokeꞌ x̱a Jeconíazaꞌ len beṉꞌ bisheekaꞌ, ḻegakenꞌ zoa kanaꞌ bc̱heꞌbyen beṉꞌ Babilóniakaꞌ beṉꞌ Israelkaꞌ lalleꞌkaꞌ.
12 Naꞌ shlak ni zoagakeꞌ Babilónianaꞌ golj Salatielaꞌ xiiṉ Jeconíazaꞌ, naꞌ Salatielaꞌ gokeꞌ x̱a Zorobabelaꞌ.
13 Naꞌ Zorobabelaꞌ gokeꞌ x̱a Abiudaꞌ, naꞌ Abiudaꞌ gokeꞌ x̱a Eliaquimaꞌ, naꞌ Eliaquimaꞌ gokeꞌ x̱a Azoraꞌ.
14 Naꞌ Azoraꞌ gokeꞌ x̱a Sadocaꞌ, naꞌ Sadocaꞌ gokeꞌ x̱a Aquimaꞌ, naꞌ Aquimaꞌ gokeꞌ x̱a Eliudaꞌ.
15 Naꞌ Eliudaꞌ gokeꞌ x̱a Eleazaraꞌ, naꞌ Eleazaraꞌ gokeꞌ x̱a Matánnaꞌ, naꞌ Matánnaꞌ gokeꞌ x̱a Jacobaꞌ.
16 Naꞌ Jacobaꞌ gokeꞌ x̱a Josénaꞌ beṉꞌ c̱he Maríanaꞌ, xṉaꞌ Jesúzaꞌ, beenaꞌ ḻekzkaꞌ nsiꞌgakeꞌ Cristo.
17 Naꞌ kaꞌ gok wzoa shdaꞌ diakaꞌ wzololenzan dii Abrahamaꞌ naꞌ biyoll-lenan dii Davinaꞌ. Naꞌ wde zi shdaꞌ diakaꞌ bizzololenan dii Davinaꞌ ax̱t ka bc̱heꞌbyengakeꞌ beṉꞌ Israelkaꞌ Babilónianaꞌ. Naꞌ wizak zi shdaꞌ diakaꞌ bizzolon ka bc̱heꞌbyengakeꞌ ḻegakeꞌ Babilónianaꞌ ax̱t ka wzoa Crístonaꞌ, beenaꞌ bseḻꞌ Chiozaꞌ iṉabiꞌe.
Ka golj Jesúzaꞌ
18 Ki gok ka golj Jesucrístonaꞌ: Xṉee Maríanaꞌ ba nakan ikaa Josénaꞌneꞌ, naꞌ ka ziꞌ soaleneꞌneꞌ biꞌe, ḻaꞌ Espíritu Santo c̱he Chiozaꞌ beneꞌ kwenc̱he biꞌe.
19 Naꞌ Josénaꞌ beenaꞌ ba nakan ikeeneꞌ, nakeꞌ to beṉꞌ chon ka cheeni Chiozaꞌ, naꞌ daa bi goklallee wsiꞌe Maríanaꞌ yeḻꞌ ztoꞌ gokileꞌ c̱hooṉlalleeneꞌ ka kono gakbeꞌi.
20 Naꞌ shlak chzaꞌlallee goneꞌ dga, to anjl c̱he X̱ancho Chiozaꞌ bliꞌlaweꞌ ḻeꞌ lo bishgal c̱heꞌnaꞌ, naꞌ chiꞌeneꞌ:
―José, xiiṉ dia c̱he dii Daví, bi illeboꞌ ikoo Maríanaꞌ daa ba noꞌe, ḻaꞌ Espíritu Sántonaꞌ beneꞌ kwenc̱he biꞌe.
21 Naꞌ saneꞌ to biꞌ byodoꞌ naꞌ wsiꞌobꞌ Jesús, ḻaꞌ ḻebanꞌ yislabꞌ beṉꞌ yell c̱hebꞌkaꞌ lao saaxya c̱heꞌkaꞌ kwenc̱he bi kwiayiꞌgakeꞌ.
22 Gok yogꞌ diiki kwenc̱he gok ka wna dii beenaꞌ wdix̱jee daa goll Chiozaꞌneꞌ, chiꞌe:
23 To nool wewꞌ wee, naꞌ saneꞌ to biꞌ byodoꞌ,
naꞌ wsiꞌgakeꞌbꞌ Emanuel.
Naꞌ Emanuel zejin: Chiozaꞌ zoaleneꞌ choꞌ.