Salmos
Salmo 1
Libr nech
(Salmos 1-41)
1 Chakomba beenaꞌ bi chzenagueꞌ c̱he beṉꞌ malkaꞌ,
naꞌ bi choneꞌ ka chongakeꞌ,
ni bi chonleneꞌ txen beṉꞌkaꞌ chtitji Chiozaꞌ,
2 san chibaileꞌ choneꞌ ka,
chzajnii choꞌa xtillꞌ Chiozaꞌneꞌ,
naꞌ zieꞌn wṉeyi ka tella ka waḻ.
3 Naꞌ beenaꞌ chon kaꞌ,
nakeꞌ ka to yag dii zoa choꞌa nis,
naꞌ chbian dii zix̱ katꞌ chllin lla kwian,
naꞌ bi chllib xḻaguiinnaꞌ.
Naꞌ yogꞌḻoḻ daa choneꞌ chchejan wen.
4 Per beṉꞌ malkaꞌ bi chak c̱hegakeꞌ kaꞌ,
san chak c̱hegakeꞌ ka yix beb daa choaꞌ beꞌnaꞌ.
5 Daan aga wiyeshꞌlallii Chiozaꞌ ḻegakeꞌ llanaꞌ wc̱hogloeꞌ c̱hegakeꞌ.
Ni bi gak gonlengakeꞌ txen beṉꞌkaꞌ nak beṉꞌ ḻi beṉꞌ shaoꞌ.
6 Ḻaꞌ Chiozaꞌ chap chwieꞌ beṉꞌkaꞌ zej shḻi laweꞌnaꞌ,
per beṉꞌ malkaꞌ zejgakeꞌ lo nez daa wlliayiꞌn ḻegakeꞌ.