«Jngo chjo̱ta̱ xi totseè tsakꞌéntjè,

tsakꞌénchꞌoándai‑le̱,

tsakꞌénda jngo ꞌnde jña nga si̱itsꞌion totseè,

kꞌoa̱ tsakꞌénda jngo ndꞌia chrjaó ngꞌa,

kisikìnyasòn‑le̱ chjo̱ta̱ xi síxásòn,

kꞌoa̱ nꞌión kjin ki.

2 Kꞌoa̱ kꞌia̱ nga kichò ni̱chrjin‑le̱,

kisikasén‑kon‑le̱ jngo cho̱ꞌnda‑le̱ jè chjo̱ta̱ xi síxásòn jmé‑ni nga kꞌoai̱‑nìle̱ jotjín xi jè bꞌakao̱‑le̱.

3 To̱nga jè chjo̱ta̱ xi síxásòn,

kitsoa jè cho̱ꞌnda xi kinìkasén‑kon‑le̱,

tsakꞌé‑le̱, kꞌoa̱ to̱ kjitiaà ntsja nga kisikasén‑nchrꞌoè-ni nai‑le̱ totseè.

4 Ngìjngokꞌà kisikasén ngìjngo cho̱ꞌnda;

to̱nga la̱jao̱ tsakasén‑le̱,

tsakakján jko̱,

kꞌoa̱ati̱ kao̱o kjoasoa kisikasén‑ni.

5 Kisikasén ngìjngo cho̱ꞌnda,

kꞌoa̱ jè cho̱ꞌnda xo̱kji kisikꞌen;

kꞌoa̱ nkjìn sa cho̱ꞌnda kisikasén,

tjín kꞌa xi kisate‑le̱,

kꞌoa̱ tjín xi kinìkꞌen.

6 »Xi jetꞌa‑ni,

tíjna jngo‑le̱ ti,

xi nꞌión tsjoake,

kꞌoa̱ti̱ kisikasén‑kon‑le̱,

kitsò: “Skoe̱xkón‑jìn xi jè ti‑na̱”.

7 To̱nga jè chjo̱ta̱ xi síxásòn,

kitsò‑le̱ xínkjín:

“Jé xo̱kji xi tsꞌe̱ koa̱n nangi jña kjintjè totseè;

nchroaó si̱kꞌeèn, kꞌoa̱ jè nangi‑le̱ tsa̱an koa̱n”.

8 Kꞌoa̱ kꞌia̱ kitsoa,

kisikꞌen,

kꞌoa̱ tsakꞌaonsjejin nangi jña kjintjè totseè.

9 Jmé‑ni xi sꞌi̱in jè nai‑le̱ nangi jña kjintjè totseè.

Kjoa̱ꞌaí,

kꞌoa̱ si̱ikjesòn jè chjo̱ta̱ xi síxásòn,

kꞌoa̱ kja̱ꞌaí xi tsjoásòn‑le̱ nangi‑le̱.

10 A ni̱ koi‑jìn tsakꞌèxkia̱o jotsò jè én‑le̱ Niná xi tjítꞌa xo̱n:

12 Kꞌoa̱ jè na̱ꞌmi xi tjió títjòn‑le̱ na̱ꞌmi kao̱ jè chjo̱ta̱ xi kji kjoa̱tèxoma‑le Niná xi kiski Moisés kꞌoa̱ kao̱ chjo̱ta̱ jchínga tsakásjai‑le̱ jósꞌìn jtsoa̱,

nga̱ koan‑cho̱yaà‑le̱ nga jè‑ni xo̱ tjióꞌmì‑le̱ nga kꞌoa̱kitsò jè choa̱ xi mangósòn‑kao̱ jngo kjoa̱;

to̱nga jé chjo̱ta̱‑nkjìn kitsokjòn‑le̱,

koiì nga kitsjion‑tꞌa-ni Jesús,

kꞌoa̱ ki.

13 Kꞌoa̱ jè na̱ꞌmi xi tjió títjòn‑le̱ na̱ꞌmi kao̱ jè chjo̱ta̱ xi kji kjoa̱tèxoma‑le̱ Niná xi kiski Moisés kꞌoa̱ kao̱ chjo̱ta̱ jchínga kisikasén‑kon kꞌa‑le̱ Jesús chjo̱ta̱ xi tsꞌe̱ chjo̱ta̱ fariseo kao̱ jtín xi ya̱ tsjoá nganꞌión‑le̱ chjo̱ta̱ xi ntje̱‑le̱ Herodes tje̱n‑ni,

jmé‑ni nga koa̱n koinchrꞌoé‑ni én‑le̱ Jesús xi ti̱koi skoénè‑ni nga koa̱angi.

14 Kꞌia̱ jaꞌaikòn‑le̱,

kitsò‑le̱:

—Ji xi bakòyai,

ꞌya‑nìji̱n nga ji xi chjo̱ta̱ kìxi̱‑jìn,

kꞌoa̱ nga tsì tsà chjo̱ta̱ nìkoìnda̱‑lai̱ yao‑li̱;

nga̱ ni̱ sòngꞌa‑le̱ chjo̱ta̱‑jìnlà chòtsen‑lai̱,

to̱saà kao̱ kjoa̱kìxi̱ bakòyai ndia̱a‑le̱ Niná.

A ndaà tjín nga kꞌoéchjiá tao̱n xi síkꞌéchjí César chjo̱ta̱xá títjòn‑le̱ Roma,

axo̱ maì.

A kꞌoechjí‑niá, axo̱ tsì kꞌoèchjiá.

15 To̱nga Jesús tsabeè jè kjoa̱jaò‑nkjaín‑le̱ chjo̱ta̱ xo̱kjoan,

kitsò‑le̱:

—Án‑ni nga an chòtꞌayàkao̱‑ninaó.

Nchroákao̱ jngo‑naó tao̱n,

jmé‑ni nga skótsen‑nile̱.

16 Jè chjo̱ta̱ jaꞌaikao̱ jngo‑le̱ tao̱n;

kꞌia̱ Jesús kitsò‑le̱:

—ꞌYá tsꞌe̱ sén xo̱kji kao̱ jaꞌaín xi tjítꞌa.

Kꞌoa̱ jè chjo̱ta̱ kitsò:

—Tsꞌe̱e César.

17 Kinchja̱ Jesús kitsò‑le̱:

—Tꞌaì‑lao̱o César jña‑nile̱ xi tsꞌe̱ César,

kꞌoa̱ jè Niná tꞌaì‑lao̱o jña‑nile̱ xi tsꞌe̱ Niná.

Kꞌoa̱ ñaki to̱kꞌoa̱a koan‑le̱ xi tꞌatsꞌe̱.

18 Kꞌoa̱ kꞌia̱ jaꞌaikòn kꞌà‑le̱ Jesús jè chjo̱ta̱ saduceo,

jtín xi kꞌoa̱sꞌìn bakóya nga tsìn kjoa̱faꞌáya,

kꞌoa̱ kiskònangi‑le̱,

kitsò:

19 —Ji xi bakòyai,

Moisés,

xi kinchja̱ya ngajao‑le̱ Niná,

kꞌoa̱asꞌìn kiski‑naji̱n^b én xi tsò,

tsà jngo xi ndsꞌe̱ koi̱yá xi si̱ikꞌéjna chjo̱on‑le̱,

to̱nga tsà tsì kisꞌe‑le̱ xti,

jé ndsꞌe̱ tjínè‑le̱ nga koi̱xan‑kao̱ chjo̱on, jmé‑ni nga kàtasꞌe‑nile̱ ntje̱ jè ndsꞌe̱ xi je kꞌen.

20 Ñato chjo̱ta̱ tsakatiò xi ndsꞌe̱ tsakjaó;

jè xi títjòn kisꞌe‑le̱ chjo̱on,

to̱nga kꞌen,

kꞌoa̱ ni̱jngo‑jìn xti kisꞌe‑le̱.

21 Kꞌoa̱ jè ndsꞌe̱ xi ma‑ni jaò chixàn‑kao̱ chjo̱on,

kꞌoa̱ati̱ kꞌen,

kꞌoa̱ ni̱jngo‑jìn xti kisꞌe‑le̱;

kꞌoa̱ jè xi ma‑ni jàn,

kꞌoa̱ati̱ koan.

22 Kꞌoa̱koan ngatsꞌi,

kꞌen nga ñato,

kꞌoa̱ ni̱jngo‑jìn xi kisꞌe‑le̱ xti; xi je kꞌen ngatsꞌi, kꞌoa̱ati̱ kꞌen jè chjo̱on.

23 Kꞌia̱ nga sꞌe̱ kjoa̱faꞌáya,

nga kjoa̱ꞌáya‑le̱ kꞌen,

ꞌyá‑ni ngatsꞌi xi chjo̱on‑le̱ koa̱n, nga̱ tsakatiòkao̱o nga ñato.

24 Kꞌia̱ Jesús,

kitsò‑le̱:

—A tsí tsà koi maskáyajin‑nino nga tsìꞌyao jotsò Xo̱n Én‑le̱ Niná, kꞌoa̱ jokji nganꞌión xi tjín‑le̱ Niná.

25 Nga̱ kꞌia̱ nga kjoa̱ꞌáya‑le̱ kꞌen,

ni̱ꞌya‑jìn xi koi̱xan,

kꞌoa̱ ni̱ kjoa̱bixan‑jìn ti̱ sꞌe̱nꞌión‑ni,

nga̱ kꞌoa̱a koa̱nkjoan joni tsà cho̱ꞌnda ngꞌajmi.

26 To̱nga xi tꞌatsꞌe̱ nga kjoa̱ꞌáya‑le̱ kꞌen,

a tsí tsakꞌèxkia̱‑jiòn xo̱n‑le̱ Moisés,

josꞌìn nga Niná kinchja̱‑le̱ ya̱ jin yá naꞌyá xi títì,

nga kitsò:

“An‑nià Niná‑le̱ Abraham,

Niná‑le̱ Isaac,

kao̱ Niná‑le̱ Jacob”.^c

27 Niná,

alì Niná‑le̱ kꞌen‑jìn,

Niná‑leè chjo̱ta̱ xi tjiókòn; kꞌoa̱ jòn‑nió xi nꞌión maskáyajin‑no.

28 Jngo chjo̱ta̱ xi kji kjoa̱téxoma‑le̱ Niná xi kiski Moisés jaꞌaikòn‑le̱ Jesús,

xi kinchrꞌoé‑le̱ nga tjiófaótiya,

kꞌoa̱ tsabe nga nda kinchja̱,

kiskònangi‑le̱:

—Jñá‑nile̱ kjoa̱téxoma xi Niná bꞌénè xi ngìsa̱ nꞌión chjí‑le̱ ti̱kꞌoa̱‑ni xikꞌa.

29 Jesús kitsò‑le̱:

—Jè kjoa̱téxoma xi bꞌénè Niná xi ngìsa̱ nꞌión chjí‑le̱,

koiì jè:

“Ti̱nóꞌyaò chjo̱ta̱ Israel; jè Nai‑ná Niná‑ná, jè Nai‑ná to̱jngoò ma‑ni;

30 kꞌoa̱ kàtamatsjoachai jè Nai‑ná Niná‑li̱ kao̱ ngayije ni̱ma̱‑li̱,

kao̱ ngayije kjoa̱bijnachon‑li̱,

kao̱ ngayije kjoa̱faꞌaitsjen‑li̱,

kꞌoa̱ kao̱ ngayije nganꞌión‑li̱”.^d

Koiì jè kjoa̱téxoma xi bꞌénè Niná xi ngìsa̱ nꞌión chjí‑le̱.

31 Kꞌoa̱ jè xi ma‑ni jaò kꞌoa̱ti̱ ya̱ mangósòn:

“Kàtamatsjoachai chjo̱ta̱ xìngi̱ josꞌìn tsjoachai yao‑li̱”.^e

Tsìn‑sa kjoa̱téxoma xi bꞌénè Niná xi ngìsa̱ nꞌión chjí‑le̱ ti̱kꞌoa̱‑ni ngajaò kjoa̱téxoma xo̱kjoan.

32 Kꞌia̱ jè chjo̱ta̱ xi kji kjoa̱téxoma‑le̱ Niná xi kiski Moisés kitsò:

—Nda tjín‑ni,

ji xi bakòyai,

kjoa̱kìxi̱i xi kàsi nga to̱jngò ma‑ni Niná,

kꞌoa̱ tsìn‑sa Niná xi kja̱ꞌaí;^f

33 kꞌoa̱ nga tsjoacha koa̱an kao̱ ngayije ni̱ma̱‑ná,

kao̱ ngayije jokji macho̱ya‑ná,

kao̱ ngayije kjoa̱bijnachon‑ná,

kao̱ ngayije nganꞌión‑ná,

kꞌoa̱ nga tsjoacha koa̱an chjo̱ta̱ xìngia̱a josꞌìn tsjoachaà yao‑ná,

nga̱ koiì jè xi ngìsa̱ nꞌión chjí‑le̱,

ti̱kꞌoa̱‑ni ngayije cho̱ xi ñaki tì kao̱ cho̱ xi nìkꞌen xi bꞌaìtꞌa‑leè Niná.^g

34 Kꞌia̱ nga Jesús tsabe nga kao̱ kjoa̱‑isen‑tokòn kinchja̱ jè chjo̱ta̱ xo̱kji,

kitsò‑le̱:

—Lìkoi tsà kjìn tìjna‑lai̱ jña batéxoma Niná.

Kꞌoa̱, ni̱ꞌya‑jìn xi ti̱ koanꞌión‑ni kon nga kiskònangi‑sa‑le̱.

35 Kꞌia̱ nga tíbakóya Jesús ya̱ nditsin‑le̱ yo̱ngo̱,

kitsò:

—Án‑ni nga kꞌoa̱tsò‑síni jè chjo̱ta̱ xi kji kjoa̱téxoma‑le̱ Niná xi kiski Moisés nga Jè xi Niná Si̱ikasén nga ntje̱‑le̱ David kitje̱n‑ni.

36 Nga̱ jè Sén Ni̱chrjin Tsje kisikinchja̱a David nga kitsò:

Kꞌoa̱ nꞌión nkjìn chjo̱ta̱ na̱xi̱nandá xi kao̱ kjoa̱tsjoa kinchrꞌoé‑le̱.

38 Jesús i̱ kitsò‑le̱ chjo̱ta̱ nga tsakakóya‑le̱ kjoa̱chòtꞌayà‑le̱:

«Ti̱koìnda̱‑lao̱o yao‑no jè chjo̱ta̱ xi kji kjoa̱téxoma‑le̱ Niná xi kiski Moisés,

xi tsjoake nga síxkón fayo nga bꞌè‑ma, kꞌoa̱ tsjoake nga jè chjo̱ta̱ sítìꞌnda ya̱ jin ndi̱tsi̱n,

39 kꞌoa̱ tsjoake nga ya̱ batiònè yáxìle̱ xi ncha títjòn ya̱ ndꞌia jña maxkia̱ xo̱n‑le̱ Niná,

kꞌoa̱ti̱ ya̱ jña bichi sꞌoí;

40 xi fayontjaì ndꞌia‑le̱ yánchjín kꞌàn,

kꞌoa̱ to̱ xá sꞌín‑ni nga jo tse fákao̱ Niná.

Ngìsa̱a tse kjoa̱ñꞌain kꞌoai̱‑le̱ chjo̱ta̱ xo̱kjoan».

41 Kꞌia̱ nga Jesús tíjna ya̱ jña kijna kàxa̱ xi satióyà tao̱n xi bꞌaìtꞌa‑le̱ Niná,

tíkòtsen josꞌìn nga jè chjo̱ta̱ na̱xi̱nandá tjiósíkatió tao̱n ya̱ ya kàxa̱;

kꞌoa̱ nkjìn chjo̱ta̱ nchi̱ná xi tse tao̱n síkatió.

42 Kꞌoa̱ jaꞌai jngo chjo̱on kꞌàn xi yo̱ma̱ sꞌìn tíjna,

kꞌoa̱ tsakatió jaò tao̱n xi ngìsa̱ sa choa chjí‑le̱.

43 Kꞌia̱ Jesús kinchja̱‑le̱ chjo̱ta̱ xi ya̱ kòtꞌayàtꞌa‑le̱,

kitsò‑le̱:

—Ñaki kìxi̱i xi xin‑no nga jè chjo̱on kꞌàn xo̱kji xi nꞌión yo̱ma̱ sꞌìn tíjna,

ngìsa̱a tse chjí‑le̱ kjoa̱tjaò xi kàbꞌéjna ti̱kꞌoa̱‑ni tao̱n xi kàsíkatióyà ya̱ ya kàxa̱ jè chjo̱ta̱ xikꞌa;

44 nga̱ ngatsꞌi chjo̱ta̱ koiì kàbatió tao̱n xi je to̱ njen‑ngi‑le̱;

to̱nga jè chjo̱on nda tsà yo̱ma̱ sꞌìn tíjna, kàbꞌéjna ngayije jotjín xi tíjna‑le̱, ngayije xi jè machjén‑le̱ nga koa̱n kꞌoéjnakon.