11 »Kꞌoa̱ jaꞌasꞌen jè chjo̱ta̱xá ngajko̱ nga kikòtsen‑le̱ jè chjo̱ta̱ xi xá kinòkjoa̱‑nile̱,

kꞌoa̱ ya̱ tsabe jngo chjo̱ta̱ xi tsì yꞌakjá najño sꞌoí xi tsꞌe̱ kjoa̱bixan.

12 Kꞌoa̱ kitsò‑le̱:

“Ji mìyo̱,

jóma‑ni kàbitjasꞌai̱n i̱ nga tsì kichꞌakjaí jè najño sꞌoí”.

To̱nga jè,

to̱ jyó tsakꞌèjna.

13 Kꞌia̱ jè chjo̱ta̱xá ngajko̱ kitsò‑le̱ jè xi tjiósísin ya̱ sꞌoí:

“Tjanꞌión ndso̱ko̱ kao̱ ntsja,

kꞌoa̱ ti̱kꞌatje̱njion kjoa̱njiòn xi kijna ya̱ nditsián;

ya̱a skíꞌndiá,

kꞌoa̱ ya̱a jtsao̱kjao ni̱ꞌño̱”.

14 Nga̱ nkjìn ma xi tínòkjoa̱‑le̱,

to̱nga to̱ choaà ma xi kitjoéjin».

15 Kꞌia̱ ki jè chjo̱ta̱ fariseo kꞌoa̱ tsakjaóya‑ni jó si̱ikao̱‑nile̱ jmé‑ni nga Jesús koinchja̱‑ni én xi ti̱koi skoénè‑ni nga koa̱angi.

16 Kꞌoa̱ jè chjo̱ta̱ fariseo kisikasén‑kon‑le̱ chjo̱ta̱ xi ya̱ kòtꞌayàtꞌa‑le̱ kꞌoa̱ kao̱ jtín xi ya̱ tsjoánganꞌión‑le̱ ntje̱ xi tje̱n‑ni Herodes,

kꞌoa̱ i̱ kitsò‑le̱:

—Ji xi bakòyai,

ꞌya‑nìji̱n nga tsjoachai nga nòkjoai̱ én kìxi̱,

kꞌoa̱ kao̱o én kìxi̱ bakòyai ndia̱a‑le̱ Niná,

kꞌoa̱ nga tsì tsà chjo̱ta̱ nìkoìnda̱‑lai̱ yao‑li̱,

kꞌoa̱ ni̱ sòngꞌa‑le̱ chjo̱ta̱ jìn‑là chòtsen‑lai̱.

17 Kꞌoa̱tꞌìn‑naíji̱n‑ni,

jósꞌìn chosòn‑nilai̱ ji.

A tiꞌndè nga kꞌoéchjiá tao̱n xi machjí‑le̱ César chjo̱ta̱xá títjòn‑le̱ Roma,

axo̱ mai.

18 To̱nga Jesús,

tsabe nga chꞌao tjió kjoa̱faꞌaitsjen‑le̱,

kitsò‑le̱:

—Chjo̱ta̱ jaò‑nkjaín,

án‑ni nga an chòtꞌayàkao̱‑ninaó.

19 Ta̱kò‑lànaó tao̱n xi sꞌechjí‑nile̱ César.

Kꞌoa̱ jè chjo̱ta̱ xo̱kjoan jaꞌaikao̱ jngo‑le̱ tao̱n xi sꞌechjí‑nile̱ cho̱ꞌnda nga jngo ni̱chrjin.

20 Kꞌia̱ Jesús kitsò‑le̱:

—ꞌYá tsꞌe̱ sén xo̱kji,

kꞌoa̱ ꞌyá tsꞌe̱ jaꞌaín xi tjítꞌa.

21 Kꞌia̱ jè chjo̱ta̱ xo̱kjoan kitsò:

—Tsꞌe̱e César.

Kꞌoa̱ Jesús kitsò‑le̱:

—Tꞌaì‑lao̱o César xi tsꞌe̱ César,

kꞌoa̱ tꞌaì‑lao̱o Niná jè xi tsꞌe̱ Niná.

22 Kꞌia̱ nga jè chjo̱ta̱ xo̱kjoan kinchrꞌoé én xo̱ tsò,

to̱kꞌoa̱a koan‑le̱,

tsakinchaxìn‑le̱ kꞌoa̱ ki‑ni.

23 Kꞌia̱ nga ti̱koi‑ni ni̱chrjin jaꞌaikòn‑le̱ Jesús jè chjo̱ta̱ saduceo,

jtín xi kꞌoa̱tsò nga tsì kjoa̱ꞌáya‑le̱ kꞌen,

kꞌoa̱ kiskònangi‑le̱,

24 kitsò:

—Ji xi bakòyai,

Moisés kitsò:

“Tsà jngo chjo̱ta̱ koi̱yá kꞌia̱ nga kje tsìn‑jìnle̱ xti,

jé ndsꞌe̱ tjínè‑le̱ nga koi̱xan‑kao̱ chjo̱on‑le̱,

kꞌoa̱ kàtasꞌe‑le̱ xti xi si̱intje̱ ngajao‑le̱ ndsꞌe̱”.^a

25 Kꞌoa̱ ñato chjo̱ta̱ tsakatiò i̱ tsai̱n‑ji̱n xi ti̱ ndsꞌe̱ koan‑ni;

jè xi títjòn chixàn‑kao̱ chjo̱on,

kꞌoa̱ kꞌen;

to̱nga lìkoi kisꞌe‑le̱ xti,

jè ndsꞌe̱ kisikꞌéjna‑le̱ chjo̱on‑le̱.

26 Kꞌoa̱ti̱ koan xi ma‑ni jaò kao̱ xi koan‑jàn‑ni,

saꞌnda xi koan‑ni ñato.

27 Kꞌia̱ nga je kꞌen ngatsꞌi,

kꞌoa̱ati̱ kꞌen jè chjo̱on.

28 Kꞌia̱ nga sꞌe̱ kjoa̱faꞌáya,

jókji chjo̱ta̱ xo̱kjoan xi xꞌi̱n‑le̱ chjo̱on koa̱n,

nga̱ chixàn‑kao̱ nga ñato.

29 Kꞌia̱ kinchja̱ Jesús,

kitsò‑le̱:

—Koiì maskáyajin‑nino nga tsìꞌyao jótsò Xo̱n Én‑le̱ Niná kꞌoa̱ jókji nganꞌión xi tjín‑le̱ Niná.

30 Nga kꞌia̱ nga kjoa̱ꞌáya‑le̱ kꞌen,

lìkoi ti̱ koi̱xan‑ni kꞌoa̱ ni̱ kjoa̱bixan‑jìn ti̱ kꞌoe̱enꞌión‑ni,

to̱saà kꞌoa̱ koa̱nkjoan joni tsà cho̱ꞌnda ngꞌajmi‑le̱ Niná ya̱ ngꞌajmi.

31 To̱nga xi tꞌatsꞌe̱ nga kjoa̱ꞌáya‑nile̱ kꞌen,

a tsí tsakꞌèxkia̱o jme xi kitsò‑no Niná,

kꞌia̱ nga kitsò:

32 “An‑nià jè Niná‑le̱ Abraham,

jè Niná‑le̱ Isaac,

kao̱ jè Niná‑le̱ Jacob”.^b

Niná,

alì tsà Niná‑le̱ kꞌen‑jìn,

to̱saà Niná‑le̱ xi tjiókòn.

33 Kꞌia̱ nga kinchrꞌoé jè chjo̱ta̱‑nkjìn jè én xo̱ tsò,

to̱ koanxkón‑le̱ xi tꞌatsꞌe̱ én xi bakóya.

34 Kꞌia̱ nga kinchrꞌoé jè chjo̱ta̱ fariseo nga Jesús kisikatiójyò‑a chjo̱ta̱ saduceo,

kisijngo yao‑le̱.

35 Kꞌoa̱ jngo xi ya̱ tíjnajin‑le̱ chjo̱ta̱ xo̱kjoan,

chjo̱ta̱ xi síkꞌatoya jmè xi tsòya‑ni kjoa̱téxoma‑le̱ Niná xi kiski Moisés,

kiskònangi‑le̱ Jesús nga me‑le̱ kiskòtꞌayàkao̱,

kitsò‑le̱:

36 —Ji xi bakòyai,

jókji kjoa̱téxoma xi bꞌénè Niná,

xi kiski Moisés xi ngìsa̱ nꞌión chjí‑le̱.

37 Jesús kitsò‑le̱:

—“Kàtamatsjoachai Nai‑li̱ Niná‑li̱ kao̱ ngayije ni̱ma̱‑li̱,

kao̱ ngayije kjoa̱bijnachon‑li̱,

kao̱ ngayije kjoa̱faꞌaitsjen‑li̱”.^c

38 Koiì jè kjoa̱téxoma xi bꞌénè Niná,

xi tíjna títjòn kꞌoa̱ xi ngìsa̱ nꞌión chjí‑le̱.

39 Kꞌoa̱ jè xi ma‑ni jaò,

kꞌoa̱ati̱ ya̱ mangósòn:

“Kàtamatsjoachai chjo̱ta̱ xìngi̱,

josꞌìn tsjoachai yao‑li̱”.^d

40 Ngajaò kjoa̱téxoma xo̱kjoan xi tsakꞌénè Niná,

koiì xi nganꞌión‑le̱ ma ngayije kjoa̱téxoma xi kiski Moisés kao̱ ngayije én xi kiski ngatsꞌi chjo̱ta̱ xi kinchja̱ya ngajao‑le̱ Niná.

41 Kꞌia̱ nga tjióxkó,

chjo̱ta̱ fariseo,

Jesús kiskònangi‑le̱,

42 kitsò‑le̱:

—Jósꞌìn nìkjaꞌaitsjaon tꞌatsꞌe̱ Jè xi Niná Si̱ikasén.

Jmé ntje̱ koi̱nchroa‑ni.

Chjo̱ta̱ fariseo kitsò:

—Ntje̱‑le̱ David koi̱nchroa‑ni.

43 Jesús kitsò‑le̱:

—Jósꞌìn‑ni nga David,

nga kꞌia̱ nga jè Sén Ni̱chrjin Tsje kisichjén tsꞌoa,

Nai‑na̱ kitsò‑le̱ Jè Xi Niná Si̱ikasén,

kꞌia̱ nga kitsò:

46 Kꞌoa̱ ni̱ꞌya‑jìn xi koan‑le̱ nga jo kitsò‑le̱ ni̱nga to̱ jngo én;

kꞌoa̱ bꞌétsꞌia̱‑ni saꞌnda nga koi ni̱chrjin ni̱ꞌya‑jìn xi ti̱ koan‑nꞌión‑ni kon nga jmè xi kiskònangi‑le̱.