N‑ka tnɨɨ presu‑s Jesús
18
Na n‑jaʼan Jesús tnuʼu yaʼa,
te n‑kee‑ia xiʼin se dakuaʼa‑ia.
N‑ka yaʼa‑ia xiʼin‑s deʼva nani Cedrón.
Ijan n‑ka kɨu‑ia xiʼin‑s ɨɨn jardín.
2 Judas,
se diko Jesús,
xini mee‑s jardín jan,
chi kueʼe vuelta n‑xo nataka Jesús xiʼin se dakuaʼa‑ia ijan.
Jesús traicionado y arrestado (Juan 18.1-14)
3 Xijan kuu xa ijan n‑xee Judas.
Ndeka‑s soldado romano,
xiʼin policía n‑ka tundaʼa se fariseu xiʼin dutu ka taxnuni.
Xneʼe‑s candil xiʼin iti kava,
xneʼe‑s machiti‑s xiʼin vara.
4 Xá naʼa Jesús ntdaa xa yaʼa‑ia.
N‑kee‑ia nuu tuu‑ia,
xa nanitnaʼa‑ia xiʼin se ijan.
N‑xijan tnuʼu‑ia‑s:
—¿Jundu ka nanduku‑n?
5 N‑ka jaʼan‑s:
—Jesús,
se ñuu Nazaret.
N‑jaʼan‑ia:
—Mee‑r kuu‑s.
Te Judas,
se diko Jesús,
ijan tnaʼa‑s nuu soldado.
6 Na n‑jaʼan Jesús:
“Mee‑r kuu‑s”,
te se ijan,
n‑ka xika yata‑s te n‑ka ndua‑s nuu ñuʼu.
7 Te n‑xijan tnuʼu Jesús ɨnka vuelta:
—¿Jundu ka nanduku‑n?
N‑ka jaʼan‑s:
—Jesús,
se ñuu Nazaret.
8 N‑jaʼan‑ia:
—Xá n‑jaʼan‑r xa mee‑r kuu‑s.
Nux mee‑r ka nanduku ñaʼa‑n,
juejoon koio xa na jɨʼɨn se yaʼa,
se ka kunduu xiʼin‑r.
9 Tnuʼu yaʼa n‑jaʼan Jesús xa jɨn tnaʼa tnuʼu n‑jaʼan‑ia nuu Taa‑ia:
“Ni ɨɨn se n‑taa‑n ña n‑dakuita‑da.”
10 Te Simón Spedru neʼe ɨɨn machiti.
N‑tava‑s machiti‑s,
te n‑xaʼnde‑s doʼo kuaʼa se xinokuechi nuu dutu taxnuni ka.
Te se xinokuechi jan nani Malco.
11 Te n‑jaʼan Jesús nuu Spedru:
—Dandee machiti‑n nuu cubierta‑i.
Io xa kueʼe vida yaʼa‑r.
Kuu ná kuu xa n‑taxi Taa‑r ɨɨn taxa xa ñuʼu ndute ua,
te io xa koʼo‑r ntdaa.
Xndeka‑s Jesús juaʼan nuu dutu taxnuni ka
12 Xijan kuu xa soldado romano,
xiʼin se taxnuni nuu‑s,
xiʼin policía n‑ka tundaʼa se taxnuni nuu ñayiu Israel,
ntdaa mee‑s,
n‑ka tnɨɨ presu‑s Jesús,
te n‑ka duku‑s‑ia.
13 Te xndeka‑s‑ia juaʼan kiʼna nuu nuu Anás.
Anás kuu tadido Caifás.
Kuia ijan n‑kuu‑s dutu taxnuni ka nuu ntdaa dutu ñayiu Israel.
14 Te Caifás kuu se n‑jaʼan nuu se Israel,
xa vaʼa ka xa kuú ɨɨn seyɨɨ xaxeʼe ñayiu Israel,
dada xa kuú ntdaa ñayiu Israel.
N‑jaʼan Spedru xa ña xini‑s Jesús
15 Te Simón Spedru xiʼin ɨnka se dakuaʼa Jesús,
n‑xe kuitandijun‑s‑ia.
Xini tnaʼa dutu taxnuni ka xiʼin se kunduu xiʼin Spedru.
N‑kɨu se ijan xiʼin Jesús nukeʼe dutu taxnuni ka.
Pedro niega conocer a Jesús y Anás pregunta a Jesús (Juan 18.15-27)
16 Ko dani nujuiin Spedru yata veʼe.
Xijan kuu xa se ijan,
ɨnka se dakuaʼa Jesús,
se xini tnaʼa dutu taxnuni ka,
n‑kɨu‑s veʼe,
te n‑jaʼan‑s xiʼin dichi ndee yeʼe,
te ndeka‑s Spedru juan kɨu nde nukeʼe.
17 Dichi ndee yeʼe,
n‑xijan tnuʼu nuu Spedru:
—¿Ña dɨu ndixi kuu ɨɨn té dakuaʼa té yaʼa u?
N‑jaʼan Spedru:
—Ñaʼa,
ña kuu‑r‑sɨ.
18 Nukeʼe xnii se ka kidatniu duʼa nuu dutu taxnuni ka,
xiʼin policía.
N‑ka tɨu‑s ñuʼu,
xaxeʼe xa da vixi.
Ka ndvidi‑s yunuʼu,
te ijan nujuiin Spedru xiʼin‑s,
xa ndvidi‑s tuku.
N‑xijan tnuʼu dutu taxnuni ka Jesús
19 Te n‑kixeʼe dutu taxnuni ka xa kajan tnuʼu‑s Jesús:
—¿Ndeda se kuu se ka kunduu xiʼin‑n?
¿Nax dakuaʼa‑n‑sɨ?
20 N‑jaʼan Jesús:
—Kaxi n‑jaʼan‑r nuu ntdaa ñayiu.
Kɨu xiʼin kɨu,
n‑dakuaʼa‑r ñayiu,
veñuʼu Jerusalén,
xiʼin veñuʼu kuechi ɨnka ñuu,
nuu ka nataka koio ñayiu Israel.
Ni ɨɨn tnuʼu nuncas ña n‑jaʼan naʼi‑r.
21 ¿Nakuenda xijan tnuʼu ñaʼa‑n mee‑r?
Kajan tnuʼu nuu ñayiu n‑ka tekutnuʼu‑r.
Mee‑i vaʼa xnaʼa nax n‑jaʼan‑r.
22 Na n‑jaʼan Jesús tnuʼu yaʼa,
te ɨɨn se nujuiin ijan,
se kuu policía,
n‑katu‑s nuu‑ia.
N‑jaʼan‑s:
—¿Duʼa jaʼan‑n nuu dutu taxnuni ka u?
23 N‑jaʼan Jesús:
—Nux ña n‑jaʼan‑r xandaa,
te jaʼan mee‑n ndeda ɨɨn tnuʼu n‑jaʼan‑r ña kuu xandaa.
Te nux jaʼan‑r xandaa,
te,
¿nakuenda janñaʼa‑n?
24 Xijan kuu xa n‑tundaʼa Anás Jesús juaʼan‑ia nuu Caifás.
Duku‑ia juaʼan.
Te Caifás kuu dutu taxnuni ka.
Ɨnka vuelta n‑jaʼan Spedru xa ña xini‑s Jesús
25 Te nujuiin Spedru yunuʼu,
xa ndvidi‑s.
Te n‑ka jaʼan se n‑nataka ijan:
—¿Ñadu ndaa xa ndoʼo kuu ɨɨn se dakuaʼa ñaʼa se ijan u?
N‑jaʼan Spedru:
—Ñaʼa.
Ña xini‑r‑sɨ.
26 Ijan nujuiin ɨɨn se xinokuechi nuu dutu taxnuni ka.
Tnaʼa‑s kutnaʼa xiʼin se n‑xaʼnde Spedru doʼo‑s.
N‑jaʼan‑s:
—¿Ñadu ndoʼo n‑xini ñaʼa‑r xiʼin se ijan jardín jan?
27 Ɨnka vuelta n‑jaʼan Spedru xa ña xini‑s Jesús.
Te hora ijan ni,
n‑kana liʼi.
N‑kixeʼe Pilato xa kajan tnuʼu‑s Jesús
28 Te n‑ka kee ntdaa se ijan veʼe Caifás,
xndeka‑s Jesús juaʼan nde palaciu gobernador romano.
Ijan n‑ka xee‑s xiʼin Jesús datne neʼe.
Ko ña n‑ka kɨu mee‑s ijan,
chi n‑ka juini‑s xa kuneʼe ii koio‑s kɨu ijan,
xa kax koio‑s ndeyu viko Paxcua.
Pilato le pregunta a Jesús (Juan 18.28-40)
—¿Nax n‑kida se yaʼa?
¿Nax tekuechi‑n‑sɨ?
30 Te n‑ka jaʼan‑s:
—Nux ña n‑kida‑s kuechi n‑kuu,
te ma kandeka koio‑r‑sɨ kixi.
31 N‑jaʼan Pilato:
—Kandeka‑s juaʼan.
Tnuʼu taʼu tniu mee‑n ndadandaa kuechi‑s.
N‑ka jaʼan se Israel:
—Jaʼan tnuʼu taʼu tniu romano xa ma kuaʼa xa kaʼni koio‑da ɨɨn ñayiu.
32 Te duʼa n‑xetnaʼa tnuʼu n‑jaʼan Jesús na n‑jaʼan‑ia xa katakaa koio‑s‑ia.
33 N‑ndɨu Pilato palaciu.
Ijan n‑kana‑s xa na kɨu Jesús,
te n‑xijan tnuʼu‑s‑ia:
—¿Ndoʼo kuu se kunxaʼnu ka nuu ñayiu Israel a?
34 N‑jaʼan Jesús:
—¿Jaʼan‑n xa xani ini mee‑n,
a ɨnka‑s n‑ka jaʼan nuu‑n nax kida‑r a?
35 N‑jaʼan Pilato:
—¿Mee‑r kuu ɨɨn se Israel a?
Se ñuu mee‑n,
se Israel,
xiʼin dutu ka taxnuni nuu ñayiu Israel,
xndeka ñaʼa‑s vaxi nuu mee‑r.
¿Nax n‑kida‑n?
36 N‑jaʼan Jesús:
—Se kunxaʼnu ka kuu‑r,
ko ñatu kuu‑r ná ka kuu se kunxaʼnu ka ñuñayiu yaʼa.
Nux n‑kuu‑r se kunxaʼnu ka ná ka kuu se kunxaʼnu ka ñuñayiu yaʼa n‑kuu,
te dadaʼan ñaʼa koio se ka xinokuechi nuu‑r,
xa maxku kandeka ñaʼa koio se Israel kixi.
Se kunxaʼnu ka ñayiu kuu‑r,
ko yaʼa ñaʼa.
37 N‑jaʼan Pilato:
—¿Xijan kuu xa kuu‑n ɨɨn se kunxaʼnu ka u?
N‑jaʼan Jesús:
—Se kunxaʼnu ka kuu‑r,
ná n‑jaʼan‑n.
Xandaa kuu xa jaʼan‑n.
Xijan,
kuu xa n‑kaku‑r,
xijan,
kuu xa vaa‑r ñuñayiu.
Vaa‑r xa jaʼan ndaa‑r xaxeʼe xa kuu xandaa.
Ntdaa ñayiu ka juini xa kutnuni ini xa kuu xandaa,
ka teku‑i tnuʼu‑r.
38 N‑jaʼan Pilato:
—¿Nax kuu xa kuu xandaa?
¡Katakaa‑s! ¡Katakaa‑s!
Na n‑jaʼan Pilato tnuʼu yaʼa,
te n‑kee‑s ɨnka vuelta,
xa jaʼan‑s nuu se Israel.
N‑jaʼan‑s:
—Ña niʼi‑r kuechi‑s xa kida‑s ni ɨɨn xa uʼu.
39 Ka xetniu‑n ɨɨn xa xetniu‑n,
xa dayaa‑r ɨɨn se yɨndiʼu vekaa nuu‑n,
viko Paxcua.
¿Ka juini‑n xa dayaa‑r nuu‑n se kunxaʼnu ka ñayiu Israel a?
40 Ntdaa se ijan n‑ka kana xee‑s ɨnka vuelta:
—¡Maxku dayaa‑n se yaʼa!
¡Dayaa Barrabás!
Te Barrabás kuu ɨɨn se kuu ñaduʼu.