19
Xijan kuu xa n‑taʼu tniu Pilato xa chirrión ñɨɨ jani koio soldado Jesús.
2 N‑ka kidavaʼa soldado ɨɨn corona tnuyɨkɨ,
te n‑ka dakeé‑s dɨkɨ‑ia.
N‑ka dandukutu‑s‑ia daʼma tndee.
Jesús condenado a muerte (Juan 19.1-16)
—¡Viva!,
se kunxaʼnu ka nuu ñayiu Israel.
Te n‑ka jani‑s nuu‑ia.
4 N‑kee Pilato ɨnka vuelta.
N‑jaʼan‑s:
—¡Kundeʼa koio!
N‑kineʼe‑r se yaʼa,
xa kutnuni ini koio‑n xa ñatu niʼi‑r ni ɨɨn kuechi mee‑s.
5 N‑kee Jesús.
Ñuʼu corona tnuyɨkɨ dɨkɨ‑ia,
te niʼno‑ia daʼma tndee.
N‑jaʼan Pilato nuu se Israel:
—¡Kundeʼa koio‑sɨ!
Naa‑s yaʼa.
6 Na n‑ka xini dutu ka taxnuni xiʼin policía‑s Jesús,
n‑ka kana xee‑s:
—¡Katakaa‑s!
¡Katakaa‑s!
N‑jaʼan Pilato:
—Mee‑n kandeka koio‑s juaʼan,
te katakaa koio mee‑n‑sɨ.
Chi mee‑r,
ña niʼi‑r ni ɨɨn kuechi‑s.
7 N‑ka jaʼan se Israel:
—Ka jandixa mee‑da tnuʼu n‑chidotnuni Moisés.
Jaʼan tnuʼu jan xa io xa kuú se yaʼa,
chi jaʼan‑s xa kuu‑s Daʼya Yɨɨ Ianyuux.
8 Na n‑teku Pilato tnuʼu yaʼa,
te n‑yuʼu ka‑s.
9 N‑ndɨu‑s palaciu ɨnka vuelta,
te n‑xijan tnuʼu‑s nuu Jesús:
—¿Ndexu vaa‑n?
Ko ni ɨɨn tnuʼu ña n‑jaʼan Jesús.
10 N‑jaʼan Pilato:
—¿Ma jaʼan‑n nuu‑r a?
¿Ña kutnuni ini‑n xa kuaʼa‑r xa taʼu tniu‑r xa dayaa ñaʼa‑s a?
¿Te kuaʼa‑r xa taʼu tniu‑r xa katakaa ñaʼa‑s a?
11 N‑jaʼan Jesús:
—Nux ña n‑kida Ianyuux xa taxnuni‑n n‑kuu,
te ma kuaʼa‑n xa kada ñaʼa‑n ni ɨɨn.
Xijan kuu xa se ndeka ñaʼa mee‑r vaxi nuu‑n,
kaʼnu ka kuechi n‑kida mee‑s dada mee‑n.
12 Nde hora ijan n‑juini Pilato xa dayaa‑s Jesús,
ko n‑ka kana xee se Israel:
—Nux dayaa‑n se yaʼa,
duʼa ñatu jandixa‑n César,
se kuu emperador ñayiu romano.
Jaʼan se yaʼa xa se kunxaʼnu ka kuu‑s,
te duʼa xini uʼu tnaʼa‑s xiʼin César.
13 Na n‑teku Pilato tnuʼu yaʼa,
n‑taʼu tniu‑s xa kandeka koio soldado Jesús jɨʼɨn.
Te nukoo Pilato nuu kidandaa‑s kuechi ñayiu.
Ñayiu ka jaʼan tnuʼu griegu danani ijan Empedrado,
te ñayiu ka jaʼan tnuʼu hebreu danani ijan Gabata.
14 Te kɨu ijan kuu kɨu xndaxio tuʼa ñayiu,
xa kax koio‑i ndeyu viko Paxcua.
Kaa x‑uu kuu.
N‑jaʼan Pilato nuu se Israel:
—¡Kundeʼa koio!
Naa se kunxaʼnu ka nuu‑n yaʼa.
15 N‑ka kana xee se ijan:
—¡Na kuú‑s!
¡Na kuú‑s!
¡Katakaa‑s!
N‑jaʼan Pilato:
—¿Ka juini‑n xa katakaa‑r se kunxaʼnu ka nuu‑n a?
N‑ka jaʼan dutu ka taxnuni:
—Mee‑s,
ña kuu‑s se kunxaʼnu ka.
¡César kuu idini se kunxaʼnu ka nuu‑da!
16 Xijan kuu xa n‑xiaʼan Pilato Jesús nuu dutu ka taxnuni nuu ñayiu Israel,
xa katakaa koio soldado romano Jesús.
La crucifixión (Juan 19.17-37)
N‑ka xatakaa‑s Jesús nuu curuxi
17 Ndido mee‑ia curuxi‑ia,
juaʼan‑ia nuu nani Yɨkɨ Dɨkɨ Ndɨyɨ.
Ñayiu ka jaʼan tnuʼu hebreu danani ijan Gólgota.
18 Ijan n‑ka xatakaa‑s‑ia nuu curuxi.
N‑ka xatakaa‑s uu ka seyɨɨ xiʼin‑ia tuku.
Ɨɨn‑s n‑takaa curuxi lado kuaʼa‑ia,
te ɨnka‑s n‑takaa curuxi lado datni‑ia.
Meʼñu uu se ijan n‑ka xatakaa‑s Jesús.
19 N‑taʼu tniu Pilato xa kadavaʼa ɨɨn seyɨɨ letreru xa tenee‑s dɨkɨ curuxi.
Jaʼan letreru jan:
“Jesús,
se ñuu Nazaret,
se kunxaʼnu ka nuu ñayiu Israel.”
20 Xijan kuu xa n‑ka kaʼu kueʼe ñayiu Israel letra jan,
chi yatni yuñuu Jerusalén kuu nuu n‑ka xatakaa‑s Jesús.
Tnuʼu hebreu,
xiʼin tnuʼu latín,
xiʼin tnuʼu griegu,
n‑kidavaʼa‑s letreru jan.
21 Xijan kuu xa dutu ka taxnuni nuu ñayiu Israel,
n‑ka jaʼan‑s nuu Pilato:
—¡Maxku kadavaʼa‑n:
“Se kunxaʼnu ka nuu ñayiu Israel”!
Kadavaʼa‑n:
“Se yaʼa n‑jaʼan xa kuu‑s se kunxaʼnu ka nuu ñayiu Israel.”
22 N‑jaʼan Pilato:
—Xá n‑chidotnuni‑s tnuʼu n‑jaʼan‑r,
te duʼa kendoo.
23 Na n‑ka xatakaa soldado Jesús,
n‑ka tnɨɨ‑s daʼma‑ia,
te n‑ka dakexio nuu tnaʼa‑s.
Koon soldado,
te koon nuu yuku daʼma‑ia.
Daʼma dijun‑ia du.
Ko daʼma jan n‑xio nɨɨ,
ñatu n‑xo ndɨku.
24 N‑ka jaʼan soldado ɨɨn‑s nuu ɨnka‑s:
—Maxku ndata‑ro daʼma dijun de.
Na tava‑ro suerte,
nuu ndeda‑ro na niʼi daʼma de.
Te duʼa n‑xetnaʼa tnuʼu Ianyuux n‑ka chidotnuni seyɨɨ xá n‑kuu kueʼe kuia.
Jaʼan tnuʼu Ianyuux:
“N‑ka dakexio nuu tnaʼa‑s daʼma‑r,
te n‑ka tava‑s suerte xaxeʼe daʼma‑r.”
Te duʼa n‑ka kida soldado romano,
hora n‑ka xatakaa‑s Jesús.
25 Te yatni xeʼe curuxi Jesús,
n‑xo nujuiin dɨʼɨ‑ia xiʼin kuʼu‑ña.
María,
ñadɨʼɨ Cleofas,
xiʼin María Magdalena tuku.
26 Na n‑xini Jesús xa ijan nujuiin dɨʼɨ‑ɨa xiʼin se dakuaʼa‑ia,
se xemani‑ia,
n‑jaʼan‑ia nuu dɨʼɨ‑ia:
—Ñadɨʼɨ,
kada‑n kuenda xa daʼya yɨɨ‑n kuu‑s.
27 Dada n‑jaʼan‑ia nuu se dakuaʼa‑ia:
—Kada kuenda xa dɨʼɨ‑n kuu mee‑ña.
Te kɨu ijan ni,
se ijan,
se dakuaʼa‑ia,
n‑xeka‑s‑ña veʼe‑s.
N‑xiʼí Jesús
28 Te na n‑yaʼa ntdaa xaʼa,
te naʼa Jesús xa xá n‑daxinokava‑ia tniu n‑xiaʼan Ianyuux.
Xa na jɨn tnaʼa tnuʼu Ianyuux n‑ka chidotnuni seyɨɨ xá n‑kuu kueʼe kuia,
n‑jaʼan Jesús:
—Yichi‑r ndute.
29 Ijan nukoo ɨɨn tndoʼo chitu ndute vinagri.
N‑ka dandoyo soldado ɨɨn daʼma vita xiʼin vinagri.
N‑dukundee‑s daʼma jan dɨkɨ ɨɨn vara yutnu nani hisopo,
te n‑ka tenee‑s daʼma jan yuʼu‑ia.
30 Na n‑tɨʼu Jesús vinagri jan,
n‑jaʼan‑ia:
—¡Xá n‑daxinokava‑r tniu‑r!
N‑nune dɨkɨ‑ia,
te n‑xiʼí‑ia.
Ɨɨn soldado n‑tuu yɨkɨ naʼa ndi Jesús
31 Kɨu ijan kuu kɨu ka kida tuʼa ñayiu Israel,
xa kax koio‑i ndeyu viko Paxcua.
Kɨu kaxi‑i ndeyu jan,
kuu kɨu ndetatu ñayiu Israel.
Yo kaʼnu kɨu kuu.
Se Israel,
ñayo‑s n‑ka juini xa kuitakaa ka ndɨyɨ nuu curuxi kɨu ijan.
Xijan kuu xa n‑ka xijan‑s nuu Pilato,
xa kaʼnu koio soldado yɨkɨ dichi Jesús,
xiʼin yɨkɨ dichi uu ka se n‑ka xatakaa‑s,
xa nuneʼe koio‑s ndɨyɨ,
te kaneʼe‑s‑yɨ jɨʼɨn.
32 Xijan kuu xa n‑ka xee soldado nuu xtuu curuxi.
N‑ka xaʼnu‑s yɨkɨ dichi se n‑ka xatakaa‑s kiʼna nuu hora n‑ka xatakaa‑s Jesús.
Dada n‑ka xaʼnu‑s yɨkɨ dichi ɨnka se n‑ka xatakaa‑s.
33 Ko na n‑ka xee‑s nuu n‑takaa Jesús,
n‑ka xini‑s xa xá n‑xiʼí‑ia,
te ñayo‑s n‑ka xaʼnu yɨkɨ dichi‑ia.
34 Ko ɨɨn soldado,
n‑tuu‑s yutnu io punda deen yɨkɨ naʼa Jesús,
te n‑xatu nɨñɨ‑ia xiʼin ndute.
35 Se n‑xini xaʼa,
jaʼan ndaa‑s xa duʼa n‑kuu.
Xandaa jaʼan‑s,
te naʼa‑s xa jaʼan‑s xandaa.
Jaʼan‑s xa jandixa koio mee‑n tuku.
36 Te n‑yaʼa xaʼa,
xa n‑xetnaʼa tnuʼu Ianyuux n‑ka chidotnuni seyɨɨ xá n‑kuu kueʼe kuia.
N‑ka chidotnuni‑s:
“Ni ɨɨn yɨkɨ‑ia ma kaʼnu koio‑s.”
37 Dɨuni n‑ka chidotnuni‑s:
“Kundeʼa koio ñayiu se n‑ka datnukueʼe‑i.”
N‑ka kuxi‑s yɨkɨ kuñu ndi Jesús
38 Te io ɨɨn seyɨɨ nani José.
Se ñuu nani Arimatea kuu‑s.
Jandixa‑s Jesús,
ko yo naʼi jandixa‑s‑ia,
chi yuʼu‑s nuu se Israel.
N‑xijan‑s nuu Pilato,
xa juejoon‑s xa kaneʼe‑s yɨkɨ kuñu ndi Jesús,
xa jɨn chinduxi‑s‑ia.
N‑xejoon Pilato,
te n‑xeʼen José,
te n‑nuneʼe‑s yɨkɨ kuñu ndi Jesús nuu curuxi.
La resurrección (Juan 19.38-20.18)
39 N‑xeʼen Nicodemo tuku.
Nicodemo kuu se n‑xitoniʼni Jesús ɨɨn xakuaa.
Neʼe‑s uu diko oʼon kilo yuku ua,
yuku nani mirra xiʼin yuku nani áloe.
40 Xndeka‑s yɨkɨ kuñu ndi Jesús,
n‑ka duku niʼna‑s‑ia daʼma xiʼin yuku ua.
Duʼa kida ñayiu Israel,
hora chinduxi‑i ndɨyɨ.
41 Yatni nuu n‑ka xatakaa soldado Jesús,
io ɨɨn jardín.
Ijan n‑xio ɨɨn yau kava xee,
nuu ta kɨnduxi ka ni ɨɨn ndɨyɨ.
42 Kɨu ijan kuu kɨu ka kida tuʼa ñayiu Israel,
xa kax koio‑i ndeyu viko Paxcua,
te katuu yau kava jan yatni nuu n‑ka xatakaa soldado Jesús.
Xijan kuu xa,
ijan n‑ka kuxi José,
se ñuu Arimatea,
xiʼin Nicodemo,
yɨkɨ kuñu ndi Jesús.