N‑ka ndatnuʼu‑s janda kada‑s xa kaʼni koio‑s Jesús
26
Nu n‑yaʼa xa n‑jaʼan Jesús ntdantuʼu tnuʼu ijan,
te n‑jaʼan‑ia nuu ntdaa daña,
se n‑dakuaʼa ñaʼa‑ia:
2 —Xa ka xini‑n xa nuu uu kɨu kuu viko Paxcua.
Kɨu ijan kada ɨɨn se kada xa tnɨɨ ñaʼa koio juxtixia ruʼu,
Ia kuu ñayiu,
xa nkuitakaa dika‑r.
3 Tiempu ijan xyuku dutu ka kunxaʼnu xiʼin sexaʼnu ka taxnuni nuu ñayiu Israel nukeʼe dutu taxnuni ka nani Caifás.
4 N‑ka kida ɨnuu‑s nuu janda dandaʼu‑s ñayiu ñuu‑s xa na kuaʼa tnɨɨ‑s Jesús te kaʼni ñaʼa koio‑s.
5 Ko n‑ka xiaʼan tnaʼa‑s:
—Maxku duʼa kada‑ro kɨu kuu viko Paxcua na ñaʼa ndandita ñayiu nuu‑ro.
6 N‑xee Jesús ñuu nani Betania,
te juaʼan‑ia veʼe Simón.
Ka dandee ñayiu Simón:
“Se Teʼyu Ñɨɨ”,
chi n‑xo teʼyu ñɨɨ‑s.
7 Ijan n‑xee ɨɨn ñá neʼe ɨɨn vidriu alabastro ñuʼu perfume yo yaʼu.
Nɨni nukoo‑ia yuʼu mexa xa xaxdeʼñu‑ia,
n‑xodo‑ña perfume jan dɨkɨ‑ia.
8 Nu n‑ka xini daña,
se dakuaʼa ñaʼa‑ia,
te n‑ka kiti ini‑da.
N‑ka xiaʼan tnaʼa‑da:
—¿Nakuenda tɨu perfume yaʼa?
9 Nu n‑kuyaʼu,
kueʼe tvini niʼi‑ro xa kuu xiʼin ñayiu ka kundaʼu n‑kuu.
10 N‑teku Jesús xa n‑ka ndatnuʼu‑da te n‑jaʼan‑ia nuu‑da ntdaa‑da:
—¿Nakuenda jan tnuʼu‑n ñá yaʼa?
Ɨɨn xavaʼa n‑kida ñaʼa‑ña
11 chi mee‑n ɨɨn ɨɨn‑n,
dani kutuu‑n xiʼin ñayiu ka kundaʼu,
ko mee‑r,
ma kutuu ka‑ro.
12 Xa n‑xodo ñaʼa‑ña perfume kuu xa xá n‑kida tuʼa‑ña yɨkɨ kuñu‑r xa maxku tɨu yachi ni.
13 Xandaa xakuiti xa davaʼa nga ñuu nuu jaʼan‑n nuu ñayiu nax kada koio‑i xa nanitaʼu‑i,
jaʼan koio‑n nax n‑kida ñaʼa ñá yaʼa xa na kunaʼa ñaʼa ñayiu mee‑ña —kuu Jesús,
n‑jaʼan‑ia.
N‑datuu Judas Jesús
—¿Nadaa tvini taxi‑n te na kandeka‑da‑s xee?
Te n‑ka jaʼan‑s xa juñaʼa‑s oko uxi moneda kuu plata.
16 N‑nduku ini Judas xa kada‑s xijan na ma yoo ñayiu kundeʼa ñaʼa.
Ɨɨn nga vuelta n‑xaxdini Jesús xiʼin‑da ntdaa‑da
17 Kɨu kiʼna nu viko ka xaxi ñayiu tila ña n‑kɨu levadura,
daa n‑ka xetuʼa nɨ uxi uu‑da Jesús te n‑ka xijan tnuʼu‑da‑ia:
—¿Ndexu kuu ini‑n xa kada tuʼa koio‑da xa kaxdini‑ro viko Paxcua?
—kuu‑da,
ka xiaʼan‑da.
18 N‑jaʼan‑ia:
—Juaʼan ñuu katuu yatni.
Ijan nitnaʼa‑n xiʼin ɨɨn se nitnaʼa xiʼin‑n,
te duʼa juñaʼa‑n nuu‑s:
“Jaʼan maestru‑da:
Veʼe‑n juetniu‑r xa kaxdini‑r xiʼin se dakuaʼa‑r viko Paxcua chi vax kuyatni xa yaʼa‑r ɨɨn xa yaʼa‑r.”
19 Juaʼan koio‑s xa kada‑s na n‑taʼu tniu Jesús.
N‑ka kida tuʼa‑s xa kaxdini koio‑s xiʼin‑ia.
20 Nu n‑ñini,
te n‑ka nukoo nɨn uxi uu daña,
se n‑dakuaʼa ñaʼa‑ia xiʼin‑ia nuu mexa xa kaxdini koio‑da.
21 Nɨni ka xaxdini‑da xiʼin‑ia n‑jaʼan‑ia nuu‑da ntdaa‑da:
—Xandaa xakuiti kandeka ñaʼa ɨɨn‑n jɨʼɨn nuu se loko.
22 Te yo ndeʼe n‑ka kukoʼyo ini‑da,
te n‑ka kixeʼe‑da ka xijan tnuʼu‑da‑ia:
—Maestru,
¿Kuiti mee‑da duʼa kada ñaʼa u?
23 N‑jaʼan‑ia:
—Se na dakee ndita xiʼin‑r tila ɨɨn ni nuu koʼo,
se ijan kada xa tnɨɨ ñaʼa juxtixia.
24 Yaʼa mee‑r,
Ia kuu ñayiu,
ná yodotnuni tnuʼu Ianyuux,
te ndaʼu yaʼa se kada xa tnɨɨ ñaʼa juxtixia.
Vaʼa ka nuu n‑xiʼí niʼno‑s xiti dɨʼɨ‑s n‑kuu —kuu‑ia.
25 Ijan dada xiaʼan Judas,
se n‑kida xa n‑ka tnɨɨ juxtixia Jesús:
—Maestru,
¿kuiti mee‑da duʼa kada ñaʼa u?
Te xiaʼan‑ia nuu‑s:
—Joon.
26 Nɨni ka xaxdini daña,
se dakuaʼa ñaʼa‑ia xiʼin‑ia,
n‑tnɨɨ‑ia tila te n‑xijan taʼu‑ia nuu Ianyuux.
Ijan dada n‑taʼu‑ia tila jan,
te n‑jaʼan‑ia nuu‑da ntdaa‑da:
—Tnɨɨ koio tila‑ia te kaxi koio.
Tila yaʼa kuu ñɨɨ‑r.
27 Ijan dada n‑tnɨɨ‑ia taxa ñuʼu vinu uva te n‑jaʼan‑ia xa n‑kutaʼu‑ia nuu Ianyuux te n‑taxi‑ia xa koʼo koio‑da ntdaa‑da te n‑jaʼan‑ia:
—Koʼo koio ntdaa‑n.
28 Xaʼa kuu nɨñɨ‑r katuu xaxeʼe xa kada Ianyuux tratu xee xiʼin kueʼe ñayiu taxkanu ini‑ia xa n‑ka kida‑i kuechi‑i.
29 Xandaa xakuiti ma koʼo ka‑r ndudi uva nde na xee kɨu kixeʼe Taa‑ro Ianyuux xa taxnuni‑ia.
30 Nu n‑yaʼa xa n‑ka xita‑da xiʼin‑ia ɨɨn salmo,
juaʼan koio‑da xiʼin‑ia Yuku Tnu Olivo.
N‑jaʼan Jesús xa jaʼan Spedru xa ñatu xini‑s‑ia
31 Ijan n‑jaʼan‑ia nuu‑da ntdaa‑da:
—Kujanuu koio‑n xaxeʼe xa ndeka tnaʼa‑ro te dandoo ñaʼa koio‑n xakuaa vitna.
Duʼa yaʼa xa na jɨn tnaʼa tnuʼu Ianyuux yodotnuni.
Duʼa yodotnuni:
Kada‑r xa kuú se ñunuu tkachi‑r.
Te duʼa duʼa kute niʼno‑tɨ.
32 Na nandoto‑r te kiʼna ka‑r ku nuʼu Galilea —kuu‑ia.
33 Xiaʼan Spedru nuu‑ia:
—Juini ntdaa‑s,
na kujanuu xaxeʼe xa ndeka tnaʼa‑ro xiʼin‑s te dandoo ñaʼa‑s,
ko daña nuncas ma kujanuu‑da xaxeʼe xa ndeka tnaʼa‑ro,
ni ma dandoo ñaʼa‑da.
34 Xiaʼan Jesús nuu‑s:
—Xandaa xakuiti xa xakuaa vitna uni vuelta jaʼan‑n xa ña xini ñaʼa‑n,
ijan dada kana ɨɨn liʼi.
35 Xiaʼan Spedru nuu‑ia:
—Juini na kaʼni ñaʼa‑s xaxeʼe xa ndeka tnaʼa‑ro,
nuncas ma jaʼan‑da xa ña xini ñaʼa‑da —kuu‑s,
xiaʼan‑s.
Dani ka xiaʼan‑da ntdaa‑da.
N‑xijan taʼu Jesús Getsemaní
36 Ijan dada ndeka ñaʼa Jesús juaʼan nuu nani Getsemaní.
Ijan n‑jaʼan‑ia nuu dava‑da:
—Nkoo koio yaʼa nɨni na jɨʼɨn‑r do ijan xa nkajan taʼu‑r nuu Ianyuux.
37 Ijan dada ndeka‑ia Spedru,
Sua,
Jacobo juaʼan.
Daʼya yɨɨ Zebedeo kuu Sua xiʼin Jacobo jan.
Nu n‑xee‑ia ijan,
yo vichi n‑kukoʼyo ini‑ia.
38 Te n‑jaʼan‑ia nuu‑s:
—Yo ndeʼe kukoʼyo ini‑r.
Kuu anu‑r xa kuú‑r.
Ndoo koio yaʼa te kundeʼa vaʼa‑n nax na yaʼa,
te dani ruʼu kundeʼa vaʼa‑r nax na yaʼa tuku.
39 Ijan dada juaʼan ka‑ia itaʼu te n‑xe juiin xiti‑ia te n‑xijan taʼu‑ia nuu Ianyuux.
N‑jaʼan‑ia:
—Taa‑ro Ianyuux,
nux vatuka xa dakaku ñaʼa‑n nuu xa uʼu yaʼa,
dakaku ñaʼa‑n,
ko maxku kada‑n xa juini mee‑da.
Kada‑n xa juini mee‑n.
40 Ijan dada n‑naxee‑ia nde nuu xtuu ndruni se ndeka tnaʼa xiʼin‑ia juaʼan.
N‑xini‑ia xa ka kidi‑s,
te xiaʼan‑ia nuu Spedru:
—¿Ni ɨɨn nunuu ña n‑kuu xa kundeʼa vaʼa‑n nax yaʼa u?
—kuu‑ia.
41 Ijan dada xiaʼan‑ia nuu ndruni‑s:
—Chinuu koio naxa yaʼa te kajan taʼu koio nuu Ianyuux xa maxku dajaʼan ñaʼa Kuiʼna xa kada koio‑n kuechi.
Io anu‑n xa ma kada koio‑n kuechi,
ko xaxeʼe xa ñayiu ñuñayiu ka kuu‑n ma kundedi ini‑n,
te kada naʼi‑n kuechi —kuu‑ia,
xiaʼan‑ia.
42 Vuelta kuu uu juaʼan‑ia te duʼa n‑xijan taʼu‑ia nuu Ianyuux:
—Taa‑ro Ianyuux,
nux ma kuu xa dakaku ñaʼa‑n nuu xa uʼu yaʼa,
na yaʼa na juini mee‑n.
43 Nu n‑naxee ntuku Jesús nuu xtuu ndruni se ndeka‑ia juaʼan,
te n‑xini‑ia xa ka kidi ntuku‑s chi yo vichi n‑ka kuu nuu‑s xa kidi.
44 Ɨnka ntuku vuelta n‑dandoo‑ia‑s te juaʼan‑ia xa kajan taʼu‑ia nuu Ianyuux vuelta kuu uni.
Nani n‑xijan taʼu‑ia xa kuu uu,
dani n‑xijan taʼu‑ia xa kuu uni.
45 Ijan dada n‑naxee‑ia nuu n‑ka ndoo ndruni‑s te xiaʼan‑ia nuu‑s:
—¿Ka kidi ntuku‑n a?
¿Ka ndetatu naʼi‑n a?
Xa n‑xee hora kada se kada xa tnɨɨ ñaʼa se unu loko ruʼu,
Ia kuu ñayiu.
46 Ndokoo koio.
Na nuʼu‑ro chi vaxi‑s —kuu‑ia,
n‑jaʼan‑ia.
N‑ka tnɨɨ‑s Jesús
47 Nɨni jaʼan‑ia xijan,
n‑xee Judas,
se n‑xo kandeka tnaʼa xiʼin‑da ntdaa‑da.
Kueʼe se ndeka‑s n‑xee ijan.
Xneʼe se ijan espada‑s xiʼin karruti‑s n‑ka xee.
Dutu ka taxnuni xiʼin sexaʼnu ka taxnuni nuu ñayiu Israel n‑ka tundaʼa ñaʼa.
48 Xá daa n‑jaʼan Judas janda kada‑s xa kutnuni ini se xnetnaʼa xiʼin‑s n‑xee ijan jundu kuu Jesús.
Duʼa n‑jaʼan‑s nuu se ijan:
—Se na teyuʼu‑da,
se ijan tnɨɨ koio‑n.
49 N‑xe tuʼa‑s Jesús,
te xiaʼan‑s nuu‑ia:
—Vaʼa nga taʼu kuu‑n,
Maestru.
Te n‑teyuʼu‑s‑ia.
50 Xiaʼan Jesús nuu‑s:
—Kada xa vax ki kada‑n.
Ijan dada n‑ka xetuʼa se ijan Jesús te n‑ka tnɨɨ‑s‑ia.
51 N‑tava ɨɨn se ndeka tnaʼa xiʼin‑da espada‑s,
te n‑xaʼnde‑s doʼo se xinokuechi nuu dutu taxnuni ka.
52 Xiaʼan Jesús nuu se duʼa n‑kida:
—Dandee naʼi espada‑n chi ñayiu ka xaʼni ñayiu espada dɨuni espada kuú koio‑i.
53 ¿Xani ini‑n xa ma kuu kajan taʼu‑r nuu Ianyuux xa chindee ñaʼa‑ia u?
Nux na juñaʼa‑r nuu Ianyuux xa tundaʼa‑ia ángel,
ia xinokuechi nuu‑Ia,
nunuvii ni tundaʼa‑ia viʼi ka uni diko uxi uu mil‑ia,
54 ko nux daa na kada‑r ma jɨn tnaʼa na yodotnuni tnuʼu‑ia —kuu‑ia.
55 Ijan dada n‑jaʼan‑ia nuu se n‑ka xee ijan:
—¿Nakuenda xneʼe‑n espada‑n xiʼin karruti‑n n‑ka kixee xa tnɨɨ ñaʼa koio‑n kuenda kɨu ñaduʼu kuu‑r?
Ndɨkɨu ndɨñuu n‑xo dakuaʼa‑r ñayiu xiti veñuʼu Jerusalén.
N‑xo xo nukoo‑r ijan te ñayo‑n n‑ka tnɨɨ ñaʼa,
56 ko ntdaa xaʼa io xa yaʼa xa jɨn tnaʼa ntdaa xa n‑chidotnuni se n‑ka jaʼan tnuʼu Ianyuux nuu ñayiu —kuu‑ia,
xiaʼan‑ia.
Hora ijan,
ntdantuʼu‑da n‑ka dandoo Jesús,
te n‑ka xino‑da.
Xndeka‑s Jesús n‑ka xeʼen nuu se Israel ka taxnuni
57 N‑ka tnɨɨ‑s Jesús,
te xndeka ñaʼa‑s juaʼan veʼe Caifás,
dutu taxnuni ka,
nuu xyuku se ka tuʼa vaʼa ley n‑chidotnuni Moisés xiʼin sexaʼnu ka taxnuni nuu ñayiu Israel.
58 Xika xika ni ndijun Spedru‑ia juaʼan.
N‑xee‑s nukeʼe dutu jan,
te n‑nukoo‑s nuu xtuu ñayiu ka xinokuechi nuu dutu jan dava nukeʼe jan xa kundeʼa‑s ntdaa xa yaʼa Jesús.
59 N‑ka nduku ini dutu ka taxnuni xiʼin juxtixia Israel na tnuʼu jaʼan koio‑s xa tekuechi neñuu‑s‑ia te kaʼni‑s‑ia.
60 Juini kueʼe ñayiu n‑ka tekuechi neñuu Jesús,
ko ñatu n‑kundee tnuʼu‑i.
Ijan dada n‑ka xetuʼa ka uu‑s.
61 Ka xiaʼan‑s:
—Duʼa jaʼan se yaʼa:
“Vatuka kanu‑r veñuʼu Ianyuux Jerusalén te vatuka nadaxino‑r nuu uni kɨu” —kuu‑s,
ka xiaʼan‑s.
62 N‑ndojuiin dutu taxnuni ka te n‑xijan tnuʼu‑s‑ia:
—¿Ña tuu nax jaʼan‑n a?
¿Nax kida‑n xikonuu‑n xa duʼa ka tekuechi ñaʼa se yaʼa?
63 Ni ɨɨn tnuʼu ñatu n‑jaʼan‑ia.
Te xiaʼan ntuku‑s nuu‑ia:
—Xaxeʼe xa n‑tetutniu ñaʼa Ianyuux ndixa,
taʼu tniu‑r nuu‑n xa jaʼan ndaa‑n nuu mee‑n kuu Cristu,
Daʼya Yɨɨ Ianyuux a ñaʼa.
64 Te xiaʼan Jesús nuu‑s:
—Joon,
te na jaʼan‑r xa xee kɨu jini ñaʼa koio‑n mee‑r,
Ia kuu ñayiu,
diñi kuaʼa Ia taxnuni.
Kunukoo‑r ijan xa taxnuni‑r nuu ñayiu,
te ndixi‑r nuu viko.
65 N‑ndata dutu taxnuni ka jan dijun‑s xaxeʼe tnuʼu n‑jaʼan Jesús.
Xiaʼan‑s:
—Jan kuiʼa‑s Ianyuux.
Ña ndoñuʼu ka‑ro testiu chi n‑ka teku‑ro xa n‑jan kuiʼa‑s Ianyuux.
66 ¿A nax ka kachi‑n?
—kuu dutu jan,
xiaʼan‑s nuu se xyuku ijan.
Te ka xiaʼan se ijan nuu‑s:
—Io kuechi‑s.
Na kuú‑s.
N‑jaʼan Spedru xa ñatu xini‑s Jesús
—Ndoʼo xa kuu‑n Cristu,
jinitnuni jundu n‑janñaʼa.
69 Nɨni nukoo Spedru nukeʼe jan,
n‑xetuʼa ñaʼa ɨɨn soltera xino kuechi nuu dutu jan.
N‑jaʼan‑i:
—Dani ndixi n‑xo kunduu‑n xiʼin Jesús,
te Galilea.
70 Xiaʼan Spedru nuu‑i xa ñaʼa,
te n‑ka teku ntdaa ñayiu xyuku ijan.
Xiaʼan ntuku‑s:
—Ña kutnuni.
Ñatu xini‑r‑sɨ.
71 Ijan dada juaʼan‑s yeʼe ndɨu‑ro nukeʼe jan,
te n‑xini ñaʼa ɨnka soltera.
N‑jaʼan‑i nuu ñayiu xnii ijan:
—Te yaʼa kuu té n‑xo kunduu xiʼin Jesús,
té Nazaret.
72 Vuelta yaʼa n‑chinaa Spedru te xiaʼan‑s:
—Ña xini tnaʼa‑r xiʼin‑s.
73 Nanaʼa ni n‑kuu,
te n‑ka xetuʼa ñaʼa ñayiu xnii ijan.
Ka xiaʼan‑i:
—Xandaa xakuiti ndeka tnaʼa‑n xiʼin‑s chi ná jaʼan‑n jaʼan‑s de —ka kuu‑i,
ka xiaʼan‑i.
74 Te n‑nukuita ntuku‑s chinaa‑s te xiaʼan‑s xa na yaʼa‑s ɨɨn xa uʼu nux vete‑s.
—Ña xini‑da‑s —kuu‑s,
n‑xiaʼan‑s.
Hora ijan ni n‑kana ɨɨn liʼi,
75 te n‑najaʼan Spedru tnuʼu n‑jaʼan Jesús nuu‑s:
“Kiʼna ka jaʼan‑n uni vuelta xa ña xini ñaʼa‑n,
ijan dada kana liʼi.”
N‑kee dɨɨn‑s te vichi n‑tnau ini‑s te ndeʼe n‑ndaʼi‑s.