Say Panunubok kona ni Jesus Yupaꞌ konan Dimunyo
4
Sawanin, nibwat yayna sa Ilog Jordan si Jesus nin mampagꞌurayan nayan Ispirito nan Dios tan nikaꞌ naya sa kasan katawu-tawon lugar. 2 Itaw, aꞌpat a puloꞌ a awro nin sugsugen nayan magkasalanan nin Dimunyo. Leleg nadtaw, kai ya gapo nin nangan kanyaꞌ nin sabtan bitil na sin nayadiꞌ. 3 Ket wanan Dimunyo kona, “Banaꞌ ta siꞌkay peteg a Anak nan Dios ket pagbaliwen man tinapay tin bato.” 4 Baleꞌ niꞌbat na kona ni Jesus, “Wana sa Masanton Kasuratan, ‘Amboꞌ a say kanen tamoꞌ a ikabyay nin tawo.’a ”5 Sumunor, nikaꞌ nayan Dimunyo si Jesus sa sayay ataꞌgay a lugar. Ket itaw, nipatamuraw na kona sa sayay kidem tamoꞌ nin mata a sarban nunasyon sa intiron mundo 6 tan wana kona ni Jesus, “Ibi ko komoy kayamanan tan pagꞌuuray sa sain ta sarban sain nibi kongko, ket maibi ko sa siꞌnuman a rabay kon pamyan. 7 Sawanin, unuren nako, ket maikon mo ngaꞌmin.” 8 Ket wanan niꞌbat ni Jesus, “Wana sa Masanton Kasuratan,
‘Si Uunuren a Dios mo tamoꞌ a unuren tan pagsirbyan mo.’b ”
9 Sumunor, nikaꞌ nayan Dimunyo si Jesus sa Jerusalem ket pinaꞌdeng naya sa sangkataꞌgayan a parti nan Timplo. Miꞌsa wana kona, “Banaꞌ ta siꞌkay peteg a Anak nan Dios, painaboꞌ ka mangibwat iti. 10 Tutal, wana sa Masanton Kasuratan,
‘Bibilinen nasaran Dios a uanghil na
nin prutiktawan raka,
11 tan salanggawen raka
ta pigaw nin kai gapo nin masakitan a ayi mo nin say bato.’ 91:11-12 ”
12 Ket niꞌbat na ni Jesus kona, “Wanadtaw lamang, ‘Andiꞌ ka mangwaꞌ nin padalan nin ipanubok mo konan Uunuren a syay Dios mo.’c ” 13 Sin nagwaꞌ naynan Dimunyo a sarban pannukso na kona ni Jesus, nibwat ya ta manaꞌgan ya anamanan tyimpo.
The Devil Tempts Jesus
14 Sin sain, sinmubliꞌ ya si Jesus sa prubinsyan Galilea nin iti a pakayadiꞌ nan Ispirito nan Dios kona. Ket naibantog a maipaꞌkaꞌ kona sa sarban libed nan siin a lugar. 15 Ket nangyakay ya sa susinaguga nin mampangraywan ra ket rinayo yan sarban tawo.
Kai raya nin Inalilbiꞌ si Jesus sa Babali nan Diri nin Nazaret
16 Sawanin, nako ya si Jesus sa Nazaret, si babalin inalakyan na. Bilang sa ugaliꞌ nan gawꞌen, nako ya sa sinaguga sin Awron Painawa. Ket inumdeng ya ta pigaw nin mamasa yan Saritaꞌ nan Dios. 17 Nibi ran basawen nay lulon nin nisurat na ni Prupita Isaias. Binukaꞌ naya sa parti nin wanti a nakasurat:
18 “Si Ispirito nan Dios mampagꞌuray ya kongko
ta tinudoꞌ nakon ipatandaꞌ yay Mabistan Patandaꞌ konran pubri.
Nibakiꞌ nakon ibaritaꞌ ko konran paꞌsar nadakep ran kalaban a mabulusan sara,
a paandaen saray bulag,
a pagꞌinawnen saray mangkapaidap
19 tan narateꞌ anay tyimpon isalba nasaran Dios a tutawo na.”d 20 inulon naya ni Jesus a nakaisuratan, miꞌsa naya nisubliꞌ konan mampagsirbidtaw. Kayadiꞌ sayti, tinmekreꞌ ya. Ket sarba ran tutawodtaw, nakapastang kona. 21 Wana konra sin sain, “Natukid sawanin ti leleg nin manrengꞌen moyon binasa.”
22 Sarba ran itaw, rinayo raya tan nakaꞌngap sara banaꞌ ta say inirgo na ket makapaririket nin rengꞌen ket wanra, “Kai para a anak naya in ni Jose?” 23 Ket wana ni Jesus, “Pihon ibaritaꞌ moyayti kongkon wanra, ‘Duktor, tambaren moy lalaman mo!’ tan ‘Gawꞌen mo anamaet iti sa babali mon diri a narngeꞌ min ginwa-ginwaꞌ modtaw sa Capernaum.’
24 Anaod, kasan prupitan maakoꞌ sa lugar nan diri. 25 Tutuoytin ibaritaꞌ ko komoyo: Sin panaon na ni prupita a Elias, grabi a bitil iti sa nasyon tamo sin kai ya rinmapeg nin tuloy taon tan aꞌnem a bulan. Abaw saray Israelitan bubbayin balo a mangkapaidap, 26 baleꞌ amboꞌ nin konra naya nibakiꞌ nin Dios si Elias no kai konan sayay babayin balo a taga Sarepta a sakop nin Sidon. 27 Sin panaon na ni Prupita Eliseo, abaw saray Israelitan main nin liprusi baleꞌ kasa konray pinaandaꞌ na no kai si Naaman a taga Siria.” 28 Ket sin narngeꞌ rayti, sarba ran itaw sa sinaguga, pinasyan sager ra kona. 29 Inumdeng sara miꞌsa ginuruy-guroy rayan nirikor sa babali ra tan nikaꞌ raya sa taꞌgay nin purod a nakaipatukduan nan babali ra, ta inaboꞌ rayadtaw kumon. 30 Baleꞌ dinmalan ya sa butlay ra si Jesus ket nibwat yayna.
Jesus Proclaims Fulfillment of the Scriptures
Main nin Pakayadiꞌ na ni Jesus nin Pinalakwan yay Ispiriton Dukaꞌ
31 Kaaram, nako ya si Jesus sa Capernaum a sayay syudad sa prubinsyan Galilea ket nangyakay-akay ya konran tutawo no Awron Painawa sa sinaguga. 32 Nakaꞌngap sara sa pangangakay na ta say pagꞌiirgo na ket main nin pakayadiꞌ. 33 Ket sayay Awron Painawa a mampangyakay ya si Jesus sa sinaguga, main itaw nin sayay lalakin nasrepan nin ispiriton dukaꞌ, ket ginmuryaw ya a wana, 34 “Ah! Siꞌka Jesus a taga Nazaret, ani a kabiangan mo komi? Nako kadti para ta sidaen nakami ana? Tandaꞌ ko no siꞌno ka. Siꞌkay si Masantos nin nibakiꞌ nan Dios!”
35 Baleꞌ ginan-gan naya ni Jesus a ispiriton dukaꞌ, wana, “Misasaet ka! Lumakwan ka kona!” Sin sain, nitumba nayan ispiriton dukaꞌ a lalaki sa adapan ran tutawo miꞌsa linakwanan nayan kai nangno. 36 Nakaꞌngap saray sarban itaw tan wanra sa saya tan saya, “Aninaytin saritaꞌ na? Makapangyayadiꞌ nin tuloy! Mandawan nasaray ispiriton dukaꞌ ket lumakwan sara.” 37 Anaod, naibantog a maipaꞌkaꞌ kona ni Jesus sa sarban lugar itaw.
Pinaandaꞌ na ni Jesus a Mumasakit nin Abaw a Tutawo
38 Sawanin si Jesus, nibwat yadtaw sa sinaguga. Nako yadtaw sa bali ra ni Simon. Sin sain, maꞌmot yan tuloy a katyangan nan babayi ni Simon, kanyaꞌ nin dinawat ran paandaen naya ni Jesus. 39 Inumdeng ya si Jesus tan kinadanyan nayay babayi, miꞌsa nigan-gan nan kumpaꞌ a amot na. Ket inmandaꞌ yayna, kanyaꞌ nin tampor a nibangon ya tan sinirbyan nasara si Jesus.
40 Sin patpaapon, nikaꞌ rasaran tutawo kona ni Jesus a sarban main animan nin masakit. Ket nipababo na ni Jesus a gamet na sa barang saya konra ket napaandaꞌ sara. 41 Anamaet lamang, linmakwan saray ispiriton dukaꞌ konran nasrepan ran tawo ket wanran itaꞌway, “Siꞌkay peteg a Anak nan Dios.” Baleꞌ inimaꞌno nasara ni Jesus ta tandaꞌ ra a syay Cristo ket kai na nin rabay nin sara a mangibaritaꞌ siti.
Mako ya Mangipatandaꞌ si Jesus sa Raruman Lulugar
42 Sin mangkumalaway ana, nako ya si Jesus sa sayay lugar a matinek. Tiningkap rayan tutawo. Miꞌsa sin naꞌkit raya, pinaed raya ta pigaw nin kai ya et nin mibwat itaw konra 43 baleꞌ wana ni Jesus konra, “Matkap nin ipatandaꞌ koya anamaet sa raruman lulugar a Mabistan Patandaꞌ maipaꞌkaꞌ sa pagꞌaadiꞌ nan Dios ta siti a nakaibakian ko.” 44 Ket nibwat yan nituloy na a nangipatandaꞌ sa susinaguga sa Judeae.