Say Nangibakian nan Dios kona ni Juan a Mammawtismo
3
Sin ikalabinlimay taon naynan Impirador ni Tiberio sa Roma, si Poncio Pilato a gubirnador sa Judea, si Herodesa a mampagꞌuray sa Galilea, si busat nan si Felipe sa Iturea tan Traconite tan si Lisanias anamaet sa Abilinia. 2 Si Anas tan si Caifas a Sangkataꞌgayan nin Padiꞌ. Sin sain nin panaon nibi na nin Dios a minsahi na konan anak na ni Zacarias a si Juan sin itaw ya sa lugar a amboꞌ nin matawo. 3 Kanyaꞌ nin kinaꞌ na ni Juan a lulugar sa libed nan Ilog Jordan ket pinata-patandaan nasaray tutawo nin pagbabawian raynay dukaꞌ a gawaꞌ-gawaꞌ ra tan pabawtismob sara ta pigaw nin mapirduna sara.4 Siin nin man-gawꞌen na ni Juan ket syay nikatukid nin si wana sa nisurat na ni Prupita Isaias a:
“Main liꞌ nin mampangitaꞌwa-taꞌway nin mampangipatandaꞌ
itaw sa lugar a amboꞌ nin matawo a wana,
‘Siꞌkamon tutawo, sadyaan moyoy irarateꞌ nan Catawan,
patuꞌriren moyoy dalanan na.
5 Tambakan moyoy sarban alog,
tubagen moyoy sarban talugtog tan purod,
patuꞌriren moyoy matikoꞌ a dudalan
tan patagen moyoy tiba-tibagkol.
6 Ket maꞌkit nin sarban tawo a pangingisalba nan si ibakiꞌ nan Dios.’ ”c
7 Sin sain, abaw saray tutawon nako pabawtismo kona ni Juan ket wana konra, “Siꞌkamo a baraꞌmo nin masirib a ulay! Ani a puon a nako kamodti? Wamoyo angangko a mapalꞌisan moyoy alakin sager nan Dios. 8 No rabay moyo a maisalba, ipaꞌkit moyon mampagbabawian moyoynay kukasalanan moyo, ket naipatukdoꞌ sa sain mangwaꞌ kamon manepeg a gugawaꞌ. Andiꞌ moyo nin ilalwan a banaꞌ ta puri nakamo ni Abraham ket, matkap nakamon ipalꞌis nin Dios sa panunusa na. Ibaritaꞌ koyti komoyo, magwaꞌ nan Dios a saytin bubato ket gawꞌen na a magꞌin nin puri na ni Abraham nin ibi na konray nipangakoꞌ na. 9 Edet, bilang sa sayay mammukan nin kayo a niinsayo nayayna a payakor na nin pukanen ta puuran nay barang kayon amboꞌ nin mabistay bunga, si Dios ket nasadyaꞌ yaynan dusawen nakamo.”
10 Sawanin, tinepet ran saray tutawo kona ni Juan, “Ani edet a gawꞌen mi?”
11 “Wanti e,” niꞌbat na. “Si main nin rwa ray aysing, ibi nayay saya konan kasa, tan si main nin kanen, byan nasara anamaet a kasa.”
12 Pati maniningir nin buis ket nako nin pabawtismo kona ni Juan. Tinepetan raya anamaet, “Ser, ani a gawꞌen mi?”
13 Wanan niꞌbat, “Andiꞌ kamo maningir nin subra.”
14 Saray itaw nin susundaloꞌ tinepetan rayan lamang, “Siꞌkami pa edet, ani a gawꞌen mi?”
Wana konra, “Andiꞌ kamo nin mangliliꞌmo o mamarsan bulaꞌ nin pangwartawan moyo. Kuntinto kamoyna sa swildo moyo.”
15 Pittaꞌgan raynan tutawoy irarateꞌ nan si nipangakoꞌ nin Cristo, kanyaꞌ nin manꞌipaꞌkaꞌ ran si Juan ket syaynayti. 16 Ket wana ni Juan konra, “Mambawtismwan katamon ranom baleꞌ si sumubray kongko, mas makapangyayadiꞌ ya a kai ako gapo kumanaꞌ nin mangwarwar nin kurdon nin sandalyas na. Ket bawtismwan nakamon Ispirito nan Dios tan nin apoy. 17 Sya liꞌ a manintinsya sa tutawo nin baraꞌmo yan mangngirik. Ringgasan nayaynan maong a pangirikan ket say irik, ikaꞌ na nin iyator sa agamang na, baleꞌ say apa ket ikaꞌ na nin puuran itaw sa apoy a kai gapo nin maꞌrep.” 18 Ket maipaꞌkaꞌ sa abaw et nin bubagay a pinasadyaꞌ nasaray tutawo ni Juan sa pangingipatandaꞌ na nin Mabistan Patandaꞌ konra.
19 Sinita nayaynamaet si Gubirnador Herodes banaꞌ ta manꞌiꞌyan naya si Herodias a asawa nan busat na, tan sa abaw a dukaꞌ a ginwaꞌ na 20 kanyaꞌ nin nipapriso naya si Juan. Sa wanin, nalamuꞌnan et a kukasalanan na.
Say Pammawtismo kona ni Jesus
21 Sin baꞌyo ya nin napriso si Juan, binawtismwan nasaray abaw nin tutawo, tan si Jesus anamaet ket binawtismwan naya. Kayadiꞌ, sin kapresan nay mandumasal ni Jesus, niburwang a langit 22 ket kinmayupaꞌ tan dinumpaꞌ ya konay Ispirito nan Dios a bakas kalapati. Kaaram wanan busis a nangibwat sa langit, “Siꞌkay anak kon mangkawa-kawaꞌnanen ko. Napaririketan akon tuloy komo.”d
Baptism of Jesus by John
Say Purin Nangibwatan na ni Jesus
23 Si Jesus, sin nitaranaꞌ nay mangyakay, magtulumpuloꞌ a taon nayna.
Ket say tandaꞌ ran tutawo, si ama na ket si Jose.
Si Jose ibat ya sa puri na ni Eli.
Si Matat ibat ya sa puri na ni Levi.
Si Levi ibat ya sa puri na ni Melqui.
Si Melqui ibat ya sa puri na ni Jana.
Si Jana ibat ya sa puri na ni Jose.
Si Matatias ibat ya sa puri na ni Amos.
Si Amos ibat ya sa puri na ni Nahum.
Si Nahum ibat ya sa puri na ni Esli.
Si Esli ibat ya sa puri na ni Nage.
Si Maat ibat ya sa puri na ni Matatias.
Si Matatias ibat ya sa puri na Semei.
Si Semei ibat ya sa puri na ni Jose.
Si Jose ibat ya sa puri na ni Juda.
Si Joanan ibat ya sa puri na ni Resa.
Si Resa ibat ya sa puri na ni Zorobabel.
Si Zorobabel ibat ya sa puri na ni Salatiel.
Si Salatiel ibat ya sa puri na ni Neri.
Si Melqui ibat ya sa puri na ni Adi.
Si Adi ibat ya sa puri na ni Cosam.
Si Cosam ibat ya sa puri na ni Elmodam.
Si Elmodam ibat ya sa puri na ni Er.
Si Josue ibat ya sa puri na ni Eliezer.
Si Eliezer ibat ya sa puri na ni Jorim.
Si Jorim ibat ya sa puri na ni Matat.
Si Matat ibat ya sa puri na ni Levi.
Si Simeon ibat ya sa puri na ni Juda.
Si Juda ibat ya sa puri na ni Jose.
Si Jose ibat ya sa puri na ni Jonan.
Si Jonan ibat ya sa puri na ni Eliaquim.
Si Melea ibat ya sa puri na ni Mainan.
Si Mainan ibat ya sa puri na ni Matata.
Si Matata ibat ya sa puri na ni Natan.
Si Natan ibat ya sa puri na ni David.
Si Jesse ibat ya sa puri na ni Obed.
Si Obed ibat ya sa puri na ni Boaz.
Si Boaz ibat ya sa puri na ni Salmon.
Si Salmon ibat ya sa puri na ni Naason.
Si Aminadab ibat ya sa puri na ni Admin.
Si Admin ibat ya sa puri na ni Arni.
Si Arni ibat ya sa puri na ni Esrom.
Si Esrom ibat ya sa puri na ni Fares.
Si Fares ibat ya sa puri na ni Juda.
Si Jacob ibat ya sa puri na ni Isaac.
Si Isaac ibat ya sa puri na ni Abraham.
Si Abraham ibat ya sa puri na ni Tare.
Si Tare ibat ya sa puri na ni Nacor.
Si Serug ibat ya sa puri na ni Ragau.
Si Ragau ibat ya sa puri na ni Peleg.
Si Peleg ibat ya sa puri na ni Heber.
Si Heber ibat ya sa puri na ni Sala.
Si Cainan ibat ya sa puri na ni Arfaxad.
Si Arfaxad ibat ya sa puri na ni Sem.
Si Sem ibat ya sa puri na ni Noe.
Si Noe ibat ya sa puri na ni Lamec.
Si Matusalem ibat ya sa puri na ni Enoc.
Si Enoc ibat ya sa puri na ni Jared.
Si Jared ibat ya sa puri na ni Mahalaleel.
Si Mahalaleel ibat ya sa puri na ni Cainan.
Si Enos ibat ya sa puri na ni Set.
Si Set ibat ya sa puri na ni Adan
tan si Adan ibat ya konan Dios.