2 Pilato kiskònangi‑le̱:

—A ji‑ní Chjo̱ta̱xá Ngajko̱‑le̱ chjo̱ta̱ judío.

Jesús kitsò‑le̱:

—Jiì xo̱ tisi.

3 Kꞌoa̱ jè na̱ꞌmi xi tjió títjòn‑le̱ na̱ꞌmi nꞌión nkjìn én xi tsakánè.

4 Pilato ngìjngokꞌà kiskònangingá‑nile̱,

kitsò‑le̱:

—A tsí jme én xi si. Koe̱e síkji nkjìn kjoa̱ xi tjióbánè‑lì chjo̱ta̱.

5 To̱nga Jesús to̱jo tsì kinchja̱,

nda tsà kꞌoa̱tíꞌmì‑le̱; kꞌoa̱ Pilato ñaki to̱kꞌoa̱a koan‑le̱.

6 Kꞌia̱ ni̱chrjin nga sꞌe̱jna sꞌoí xi tꞌatsꞌe̱ Nga Tsì Tsꞌakao̱‑le̱ Kjoa̱biya Chjo̱ta̱ Judío,

Pilato ngantsjaì nga síkꞌéjnandaí jngo chjo̱ta̱ xi ndo̱yá tíjnaꞌya, jokji xi jè chjo̱ta̱ na̱xi̱nandá síjé.

7 Kꞌoa̱ jngo chjo̱ta̱ xi Barrabás ꞌmì tíjnaꞌya ndo̱yá kao̱ mìyo̱‑le̱ xi ñatje̱n báyajta,

xi kisikꞌen jngo chjo̱ta̱ kꞌia̱ nga kisꞌe jngo kjoa̱si.

8 Kꞌia̱ nga jaꞌai jè chjo̱ta̱‑nkjìn,

tsakꞌétsꞌia̱ nga kisijé‑le̱ nga kꞌoa̱sꞌìn kàtama joma ngantsjaì.

9 Kꞌoa̱ Pilato kinchja̱ kitsò‑le̱:

—A meè‑no nga sikꞌéjnandaí‑no jè Chjo̱ta̱xá Ngajko̱‑le̱ chjo̱ta̱ judío.

10 Nga̱ beè nga jè na̱ꞌmi xi tjió títjòn‑le̱ na̱ꞌmi to̱ kao̱o kjoa̱xìn‑tokòn‑le̱ kichòkao̱tꞌa‑nile̱.

11 To̱nga jè na̱ꞌmi xi tjió títjòn‑le̱ na̱ꞌmi tsakinchásjè‑le̱ ngatsꞌi chjo̱ta̱ nga to̱sa jè Barrabás kàtasíkꞌéjnandaí‑le̱.

12 Pilato,

ngìjngokꞌà kiskònangi‑le̱, kitsò:

13 Kꞌoa̱ jè chjo̱ta̱‑nkjìn ngìndia tsakꞌéjta,

kitsò:

14 To̱nga Pilato kitsò‑le̱:

—Kꞌoa̱ jmé kjoa̱tsꞌe̱n xi kisꞌin.

To̱nga jè ngìsa̱a nꞌión tsakꞌéjta,

kitsò:

15 Kꞌoa̱ Pilato meè‑le̱ nga kisiñakon chjo̱ta̱ na̱xi̱nandá,

kisikꞌéjnandaí‑le̱ Barrabás,

kꞌoa̱ kisintsja Jesús kꞌia̱ nga je tsaká‑le̱ chrjoa̱xín,

jmé‑ni nga kàtanìkꞌen‑tꞌa‑ni krò.

16 Kꞌia̱ jè chjo̱ta̱ kjoa̱jchán kikao̱ Jesús ya̱ nditsin ndꞌia‑le̱ chjo̱ta̱xá títjòn,

kꞌoa̱ kinchja̱maña‑le̱ ngatsꞌi chjo̱ta̱ kjoa̱jchán xínkjín.

17 Kꞌoa̱ jngo najño xi jko kichjàn xi síchjèn chjo̱ta̱xá ngajko̱ kisikꞌakjá Jesús,

kꞌoa̱ jngo yá naꞌyá tsakꞌétji‑le̱ xi tsakꞌéya jko̱,

18 kꞌia̱ tsakꞌétsꞌia̱kao̱ nga kisitìꞌnda kitsò‑le̱:

—¡ꞌNda‑lì,

ji Chjo̱ta̱xá Ngajko̱‑le̱ chjo̱ta̱ judío!

19 Kꞌoa̱ jngo yána̱xo̱ tsakántjaì jko̱,

kꞌoa̱ tsakꞌéchrájon,

kꞌoa̱ tsakinchaxkónchꞌin‑tꞌale̱ jo xi tjióbexkón kisikao̱.

20 Kꞌia̱ nga je tsakijnòke,

tsakꞌasjexìn‑le̱ najño jko kichjàn,

kꞌoa̱ kisikꞌakjá‑ni najño‑le̱,

kꞌia̱ kitjokao̱ nga si̱ikꞌen‑tꞌa krò.

21 Kꞌoa̱ jè chjo̱ta̱ kjoa̱jchán tsakꞌénè kjoa̱nꞌión‑le̱ jngo chjo̱ta̱ xi Simón ꞌmì,

xi ya̱ ꞌnde Cirene tsꞌe̱ xi ya̱ tífaꞌa nga kàtabꞌakao̱ krò‑le̱ Jesús,

Simón ya̱a jaꞌai‑ni ya̱ jin tsojmìntjè‑le̱,

jé xi nꞌai‑le̱ ma Alejandro kao̱ Rufo.^a

22 Kꞌoa̱ jè chjo̱ta̱ kjoa̱jchán kikao̱ Jesús ya̱ ꞌnde xi Gólgota ꞌmì,

én xi ꞌnde ninda jko̱ kꞌen tsò‑nile̱.

23 Kꞌoa̱ kitsjoa‑le̱ ndá totseè jchá xi títsꞌójin‑le̱ ndáxki;

to̱nga Jesús lìkoi tsakꞌi.

24 Kꞌia̱ nga jè chjo̱ta̱ kjoa̱jchán je tsakátꞌa krò Jesús,

kisixkoa̱ya najño‑le̱,

kisiskákao̱^b na̱cha̱ jmé‑ni nga skoe̱‑ni jñá‑nile̱ xi kꞌoa̱ nga jngó jngó.

25 Jeè choa̱ ñajan nga ta̱njiòn kꞌia̱ nga je tsakátꞌa krò.

26 Kꞌoa̱ tsakꞌétꞌa ya̱ krò én xi kꞌoa̱tsò án‑ni nga kjoa̱ñꞌain tífaꞌá‑ni,

én xi i̱ tsò: «JÈ CHJO̱TA̱XÁ NGAJKO̱‑LE̱ CHJO̱TA̱ JUDÍO».

27 Jaò chjo̱ta̱ tsꞌe̱n xi kꞌoa̱ti̱ krò kisꞌetꞌa,

jngo ngakìxi̱‑le̱, kꞌoa̱ jngo ngaskón‑le̱.

28 Kꞌoa̱sꞌìn tsitjosòn jè xi tjítꞌa ya̱ Xo̱n Én‑le̱ Niná xi tsò:

«Kꞌoa̱ ya̱ koanxki̱kao̱ chjo̱ta̱ tsꞌe̱n».^c

29 Kꞌoa̱ jè chjo̱ta̱ xi tjiófaꞌa tjiónchja̱ꞌaon‑le̱ Jesús,

to̱ tjiósíkꞌatji jko̱ nga tjióbꞌasjengi^d nga tjiótsò‑le̱:

—Ma̱xó‑ni ji xi kꞌoa̱kisi nga si̱kixòyai yo̱ngo̱‑le̱ Niná,

kꞌoa̱ nga jàn ni̱chrjin kꞌoénda ngìndia‑ni,

30 chꞌa̱sjentjaì yao‑li̱,

kꞌoa̱ títjo̱jen‑tꞌai krò.

31 Kꞌoa̱ti̱ kisꞌin na̱ꞌmi xi tjió títjòn‑le̱ na̱ꞌmi,

tsakijnòke,

kꞌoa̱ kitsò‑le̱ xínkjín,

kao̱ chjo̱ta̱ xi kji kjoa̱téxoma‑le̱ Niná xi kiski Moisés:

32 Jè Xi Kisikasén Jè Xi Nꞌión Xkón Tíjna,

Chjo̱ta̱xá Ngajko̱‑le̱ na̱xi̱nandá Israel,

kàtabitjòjentꞌa ndꞌai̱ krò,

jmé‑ni nga jcha̱‑síniá,

kꞌoa̱ koa̱n‑kjaín‑síniná.

Kꞌoa̱ti̱ jè chjo̱ta̱ tsꞌe̱n xi kꞌoa̱ti̱ krò kisꞌeyotꞌa, tjiónchja̱ꞌaon‑le̱.

33 Kꞌia̱ nga kichòka nchisen,

kisꞌenjiòn ngakijndà soꞌnde,

saꞌnda nga choa̱ jàn nga koanxòn.

34 Kꞌoa̱ kꞌia̱ nga choa̱ jàn,

Jesús nꞌión kinchja̱,

kitsò:

(én xi tsò‑ni:

«Niná‑na̱,

Niná‑na̱, án‑ni nga kànjion‑tokòn‑ninaí»).^e

35 Kꞌoa̱ kꞌa chjo̱ta̱ xi ya̱ tjió,

xi kinchrꞌoé‑le̱,

kitsò:

36 Kꞌoa̱ jngo chjo̱ta̱ kitòka,

kꞌoa̱ kisikaꞌnchi̱ jngo najño kao̱ ndá totseè xi xá satió san‑ni,

kisikꞌéjnajko yána̱xo̱,

tsakjén‑tꞌa chrian‑le̱ tsꞌoa,^f

kitsò:

—Alì jòn‑jìn nìkao̱o,

chótsen‑làleè tsà kjoa̱ꞌaí Elías nga kjoa̱ꞌaí kꞌaje̱n‑tꞌa krò.

37 To̱nga Jesús nꞌión kiskiꞌndiáxá,

kꞌoa̱ kꞌen.

38 Kꞌia̱ jè najño^g xi kitje̱n‑chjoà ya̱ ya yo̱ngo̱ kixijndájen,

jaoya koan ꞌnda tꞌain‑ni saꞌnda tꞌa nangi.

39 Kꞌoa̱ jè ngajko̱‑le̱ chjo̱ta̱ kjoa̱jchán xi ya̱ sénjna ngixko̱n Jesús,

kꞌia̱ nga tsabe josꞌin kꞌia̱ nga je kiskiꞌndiáxá kꞌen,

kitsò:

—Ñaki kìxi̱i nga jè chjo̱ta̱ xo̱kji ꞌNdí‑le̱ Niná‑ní.

40 Kꞌoa̱ati̱ tjió kꞌa yánchjín xi kjìn tjiókòtsen‑ni,

ya̱ tíjna María xi Magdala tsꞌe̱,

María na̱‑le̱ Jacobo xi ma ꞌndí kao̱ José,

kao̱ Salomé,

41 jè xi kitje̱n‑ngi‑le̱ kꞌoa̱ tsakinchakao̱ Jesús kꞌia̱ nga tsakꞌèjna ya̱ ꞌnde Galilea,

kꞌoa̱ nkjìn sa yánchjín xi ya̱ ñatje̱n kinchroakao̱ Jesús ya̱ na̱xi̱nandá‑nꞌión Jerusalén.

42 Kꞌia̱ nga je koan‑njiòn,

kꞌia̱ nga batiònda ngatsꞌi chjo̱ta̱ judío xi tꞌatsꞌe̱ ni̱chrjin xotò, ni̱chrjin nga bexkón Niná chjo̱ta̱ judío,

43 José,

xi ya̱ na̱xi̱nandá‑nꞌión Arimatea tsꞌe̱,

xi nda ꞌyaxkón,

xi ya̱ tíjnajin‑le̱ jtín xi kjinentsja kjoa̱téxoma‑le̱ chjo̱ta̱ judío,

xi kꞌoa̱ti̱ tíkoya‑le̱ kꞌia̱ nga koa̱téxo̱ma Niná, jaꞌai kꞌoa̱ kao̱ kjoa̱nꞌión‑tokòn jaꞌasꞌen‑nchrꞌoè Pilato, kꞌoa̱ kisijé yao‑le̱ Jesús.

44 Pilato to̱kꞌoa̱a koan‑le̱ nga kisꞌejin‑le̱ nga je kꞌen Jesús;

kꞌia̱ kinchja̱‑le̱ chjo̱ta̱ kjoa̱jchán ngajko̱,

kiskònangi‑le̱ tsà kjoa̱kìxi̱ nga je kꞌen.

45 Kꞌia̱ jè chjo̱ta̱ kjoa̱jchán ngajko̱ kitsjoa‑le̱ kjoa̱kìxi̱ Pilato,

kꞌia̱ Pilato kitsjoaꞌndè‑le̱ José nga kàtafìkao̱ yao‑le̱ Jesús,

46 kꞌoa̱ kꞌia̱ tsakatse jngo najño‑te,

kꞌoa̱ José kao̱ chjo̱ta̱ xi tje̱n‑kao̱ tsakꞌaje̱n‑tꞌa krò yao‑le̱ Jesús kꞌoa̱ tsakájtéjon najño‑te,

kꞌoa̱ ya̱ tsakájnaya jngo ngijao jña sꞌeyoyà kꞌen,

kꞌoa̱ jngo la̱jao̱ tsakꞌéjnajchro ngijao.

47 Kꞌoa̱ María xi Magdala tsꞌe̱,

kao̱ María na̱‑le̱ José,

tjiókòtsen jña‑ni kisꞌejna yao‑le̱ Jesús.