2 Ja₁jaun₂ ca₂jmo₃ dsa₂ caun₂ má₃ o₄quióꞌ₄ Jesús, a₂jme₂juagꞌ₂. Ca₂tiaꞌ₃ Marta má₃; Si₁Lia₁ guëꞌ₂ jme₁lɨ́n₄ jan₂ dsa₂ i₂tiánꞌ₅ ne₄ mesa guë́ꞌ₅ co₂lë₅ quiainꞌ₅₄ Jesús.

3 Jaun₂ në́₃ ca₂can₃ María conꞌ₂ meiꞌ₂ tsá₃ ca₂ꞌnau₅₄ litro noꞌ₅₄ mɨ₂juɨg₂ nardo*, a₂quen₅ ꞌmuꞌ₅₄ ꞌŋio₅ lɨn₃, jaun₂ ca₂tsáng₂ mɨ₂tag₄ Jesús, jaun₂ ca₂chí₃ quianꞌ₅₄ jŋi₂ dsi₅₄. Ta₁caun₂ dsi₂néi₂ qui₂ca₂canꞌ₂ dsióꞌ₁ mɨ₂juɨg₂.

4 Jaun₂ në́₃, ca₂juáꞌ₂ Judas Iscariote,^a i₂jme₁lɨ́n₄ jan₂ dsa₂ guia₃-tɨ́n₂ quián₅ Jesús, i₂ꞌéi₂ dé₄ i₂jángꞌ₂ quióꞌ₅ Jesús, ca₂juáꞌ₂:

5 ―¿ꞌE₂ ꞌuɨg₅₄ tsá₃ ca₂i₃ꞌnag₄ co₂ŋeiꞌ₅₄ noꞌ₅₄ mɨ₂juɨg₂ në₅ quianꞌ₅₄ ꞌnɨ₅ ꞌŋiá₂-láu₂ ꞌéiꞌ₃ cu₄ denario*, a₂jme₁jme₁ꞌon₁ dsa₂ te₂ŋé₂?

6 La₁ on₃juaꞌ₅₄ jaun₂ ca₂juáꞌ₂ Judas le₂në₅ juaꞌ₅₄ a₂dsónꞌ₂ dsan₂ dsɨ́₅ ja₁con₂ dsa₂ te₂ŋé₂; a₂jaun₂ bá₄ ca₂juáꞌ₂ le₂në₅ ia₁ a₂jme₁lɨ́in₄ jan₂ dsa₂ ꞌang₂ bá₄, tonꞌ₂ jme₁niog₅ gu₂ tsɨ₁të₂lau₂ ja₁jme₁tóꞌ₅ cu₄, jaun₂ jme₁cán₂ a₂jme₁tioꞌ₅₄ ꞌŋióꞌ₃.

7 Jaun₂ në́₃ ca₂juáꞌ₂ Jesús ca₂tsɨ́ꞌ₃ Judas:

8 Ca₂le₃jë́₃ jmɨg₄ bá₄ i₂nio₄ dsa₂ te₂ŋé₂ jɨnꞌ₄ ꞌniaꞌ₂, la₁ jniá₂ në́₃ tsá₃ ma₃uë́₂ ꞌen₅₄ jniá₂ quianꞌ₅₄ ꞌniaꞌ₂.

9 Jaun₂ në́₃, ca₂rë₃ŋi₅ juɨn₅ dsa₂ judíos* a₂ꞌen₅₄ Jesús jë₄ juɨg₂ Betania, jaun₂ i₁lein₅₄ ja₁jaun₂, on₃juaꞌ₅₄ jmáꞌ₃ ca₂ne₅₄ a₂i₁jɨin₁₂ Jesús, ján₃ bá₄ ca₂i₁jɨin₁₂ Si₁Lia₁ i₂ca₂jme₃jenꞌ₅₄ Jesús jme₁rë₂ꞌlɨin₅₄.

10 Jaun₂ në́₃, ca₂jmo₃ juɨg₅₄ jme₂dsa₂ caun₂ jág₁ a₂jŋɨiꞌ₃ Si₁Lia₁ ján₃,

11 ia₁ o₄quióꞌ₄ ꞌéi₂ bá₄ juɨn₅ dsa₂ ma₂i₂uɨ́in₂ ja₁con₂ dsa₂ judíos, a₂rë₂ꞌéin₂ të₂le₃ quióꞌ₅ Jesús.

12 Jme₁jnia₃ jaun₂, ca₂dsi₃lén₂ juɨn₅ lɨn₃ dsa₂ Jerusalén, ja₁niog₃ jmɨg₄. Jaun₂ jme₁ca₂rë₃ŋi₅ a₂dsióg₄ Jesús jë₄ juɨg₄ Jerusalén,

13 ca₂can₃ mogꞌ₅₄ ꞌma₂tsɨ́n₅, jaun₂ ca₂ꞌuɨin₂ ca₂i₁jŋiai₅₄ Jesús, jaun₂ qui₂ca₂juáꞌ₂ tiá₂:

14 Ca₂dsánꞌ₂ Jesús jan₂ i₂búꞌ₄ ꞌmɨ́₂, jaun₂ ca₂co₃dsɨin₅₄ jáꞌ₂, juɨ₁liaꞌ₂ chi₁ton₅ ne₄ Si₂:

16 Tsá₃ a₂jaun₂ ca₂rë₃ŋɨ́ꞌ₂ dsɨ́₅ chiꞌ₂ dsɨ₂guia₃-tɨ́n₂ le₂ꞌuɨg₅₄; la₁ia₁ cang₂ jaun₂, jme₁ma₂ca₂lë₃ rë₂juɨnꞌ₂ Jesús, jaun₂ bá₄ ca₂dsáuꞌ₃ dsɨ́₅ guioin₅₄ jág₁ në₅ a₂tioꞌ₅₄ ne₄ Si₂ a₂ꞌɨin₂₃ ꞌéi₂. Ca₂dsáuꞌ₃ dsɨ́₅ ján₃, dsau₅ bá₄ le₂jaun₂ ca₂jmo₃ dsa₂ juɨg₂ ja₁con₂ Jesús.

17 Qui₂ca₂jángꞌ₃ jág₁ dsau₅ dsa₂ juɨn₅ i₂jme₁quianꞌ₅₄ Jesús liaꞌ₂ conꞌ₂ jme₁ca₂të́ꞌ₃ Si₁Lia₁ néꞌ₃ tau₂ ꞌŋio₅, jme₁ca₂jme₃jeinꞌ₅₄ ꞌéi₂ jme₁rë₂ꞌlɨin₅₄.

18 ꞌUɨg₅₄ jaun₂ bá₄ ca₂ꞌuɨn₂ dsa₂ juɨn₅, a₂ca₂i₁jŋiai₁₂ Jesús, ia₁ ca₂rë₃ŋi₅ a₂ca₂jmo₃ ꞌéi₂ léi₄ juëꞌ₂ jaun₂.

19 Jaun₂ në́₃ ca₂juáꞌ₂ dsa₂ fariseos* qui₂ca₂tsɨ́ꞌ₃ rɨinꞌ₅₄:

20 Jɨn₄ dsa₂ i₂i₁len₅₄ Jerusalén i₂jme₂juɨnꞌ₂ Diú₄ ja₁niog₅ jmɨg₄, jme₁tionꞌ₅₄ i₂lɨn₅₄ dsa₂ griegos*.

21 Dsa₂ ꞌéi₂ në́₃, ca₂jme₃quiáin₃ ja₁con₂ Felipe i₂chan₂ juɨg₂ Betsaida, ja₁niog₅ ꞌuë₃ Galilea, jaun₂ ca₂mɨ₃ ne₄ ꞌéi₂, ca₂juáꞌ₂:

22 Jaun₂ ŋe₄ Fe₂li₄ ca₂i₁chiꞌ₄ Drë́₄; jaun₂ le₂oin₃ ca₂i₁dsia₂ a₂ca₂i₁chiꞌ₄ Jesús.

23 Jaun₂ në́₃ ca₂ŋag₃ Jesús:

24 A₂dsɨ₂jóꞌ₃ juɨ́g₂ jniá₂ ꞌniaꞌ₂, në₁juaꞌ₂ tsá₃ tiáꞌ₃ néꞌ₃ ꞌuë₃ juɨ₁liaꞌ₂ ca₂mɨ́g₂ mɨ₂cuɨg₂,^e a₂dsɨ₃ꞌén₂ në́₃, a₂lë₁të₂ron₅₄ ꞌŋiog₅; la₁ia₁ në₁juaꞌ₂ ca₂jon₃ në́₃, ꞌlióng₂ rau₂.

25 Juɨ₁liaꞌ₂ i₂ŋɨ́₄ lë₃ ꞌnio₃ jme₂dsí₂ a₂chain₂, dsɨ₂ꞌén₂ bá₄ jme₂dsí₂ jaun₂; la₁ia₁ juɨ₁liaꞌ₂ i₂ténꞌ₂ dsɨ́₅ jme₂dsí₂ quióꞌ₅ a₂chain₂ mɨ₂güɨ́g₃ la₂, a₂lé₂ quióꞌ₅ bá₄ co₂tan₅₄.

26 Juɨ₁liaꞌ₂ i₂jme₂ti₃ ta₁ ne₃ jniá₂, ꞌnióꞌ₅ jiá₃ chi₁coꞌ₅₄ quió₃ jniá₂, jaun₂ juɨ₁liaꞌ₂ ja₁ꞌen₅₄ jniá₂, ján₃ bá₄ ja₁jaun₂ ꞌen₅₄ guëꞌ₂ i₂jme₂ti₃ ta₁ ne₃. Jaun₂ juɨ₁liaꞌ₂ i₂jme₂ti₃ ta₁ ne₃, guéiꞌ₂ bá₄ Ŋeꞌ₃ rë₂.

27 ꞌꞌŊio₅ lɨn₃ quian₄ jniá₂ o₂i₁ dsɨ₅. ¿ꞌE₂ bá₄ juáꞌ₄ jniá₂? ¿Juáꞌ₄ ꞌe₂: “Tia₅₄, lio₄ jniá₂ ꞌe₂ niog₅ a₂qui₂dsɨ₃ŋɨ́₂ jniá₂ hora la₂”? La₁ on₃juaꞌ₅₄ le₂jaun₂, ia₁ ta₁ jaun₂ guio₃ guëꞌ₂ jniá₂ hora la₂.

28 Tia₅₄ jme₁jnia₅ ꞌa₂ liaꞌ₂ jlángꞌ₁.

29 Jme₁ca₂nág₂ dsa₂ juɨn₅ i₂jme₁tión₂ cau₅ jaun₂, ca₂juáꞌ₂:

30 Jaun₂ në́₃ ca₂juáꞌ₂ Jesús ca₂tsɨ́ꞌ₃ dsa₂:

31 Në₃ guë́₄ në́₃ ca₂të́₂ jmɨg₄ a₂të₃dsɨ₅₄ ꞌéiꞌ₃ mɨ₂güɨ́g₃ la₂; në₃ guë́₄ dsein₂₃ i₂gon₂ mɨ₂güɨ́g₃ la₂.

32 Jaun₂ jniá₂ në́₃, jë₁ma₂ca₂chóꞌ₂ dsa₂ gueiꞌ₅₄ guaꞌ₅₄ ꞌuë₃, jme₁quián₄ jniá₂ ca₂le₃jɨ́n₃ ja₁cong₂.

33 Ca₂juáꞌ₂ le₂në₅ a₂ꞌë₂₃ ꞌe₂ ne₅₄ ꞌmú₃ dsɨ₃ŋɨ́i₂.

34 Jaun₂ ca₂ŋag₃ dsa₂:

35 Jaun₂ në́₃ ca₂juáꞌ₂ Jesús:

36 Juɨ₁le₂ꞌénꞌ₂ ꞌniaꞌ₂ le₃quióꞌ₅ si₂, të₁liaꞌ₂ cha₂ si₂ jɨnꞌ₄ ꞌniaꞌ₂, ia₁jaun₂ lénꞌ₂ ꞌniaꞌ₂ dsa₂ quián₅ si₂.

37 La₁ juɨ₁ꞌa₂ guë́₃ la₂ ca₂jmo₃ Jesús ꞌlióng₂ léi₄ ne₄ dsa₂ ꞌéi₂, tsá₃ ca₂rë₃ꞌén₂ bá₄ guë́₄ dsa₂ ꞌéi₂ le₃quióꞌ₅.

38 Le₂në₅ ca₂rë₃ti₃ jág₁ a₂ca₂ꞌë́₂ Isaías o₄quióꞌ₄ Diú₄, jme₁ca₂juáꞌ₂:

39 ꞌUɨg₅₄ jaun₂ tsá₃ lé₂ le₃ꞌén₂ dsa₂ ꞌéi₂, ia₁ conꞌ₂ siáꞌ₂ ca₂juáꞌ₂ táng₃ Isaías:

41 Ca₂juáꞌ₂ Isaías le₂në₅ ia₁ ca₂jág₃ le₂jŋiá₅ juɨ₅bí₂ jláꞌ₁ quióꞌ₅ Jesús, jaun₂ ca₂dsia₃ ꞌɨin₂₃ ꞌéi₂.

42 La₁ia₁ tion₅₄ bá₄ ca₂rë₃ꞌén₂ dsa₂, le₂jiog₅ bá₄ i₂lɨn₅₄ dsa₂ canꞌ₅₄. La₁ tsá₃ ca₂jmo₃ jág₁, ia₁ a₂góꞌ₅ gain₃ dsa₂ fariseos, conꞌ₂ tsá₃ ŋó₅ në₁juaꞌ₂ ca₂ꞌuágꞌ₂ dsa₂ quióꞌ₅, ja₁le₁toin₂₃ ne₄ si₂ guáꞌ₅ sinagoga*.

43 Ia₁ a₂ꞌnio₃ guë́₄ të₃tsɨinꞌ₅₄ dse₃ quianꞌ₅₄ dsa₂ mɨ₂güɨ́g₃, liaꞌ₂ conꞌ₂ guë́₄ a₂jme₁të₃tsɨinꞌ₅₄ dse₃ quianꞌ₅₄ Diú₄.

44 Ca₂juáꞌ₂ Jesús jág₁ tiá₂:

45 Juɨ₁liaꞌ₂ i₂jág₂ jniá₂, jɨ́in₂ i₂ca₂chei₃ jniá₂.

46 Ma₂guan₅ jniá₂ mɨ₂güɨ́g₃ la₂, a₂lɨ́ng₅ si₂, ia₁jaun₂ i₂ꞌén₂ të₂le₃ quió₃ jniá₂, tsá₃ të₃ꞌŋiái₄ jë₄ qui₁néꞌ₃.

47 Jaun₂ chi₂juaꞌ₂ ꞌein₂ i₂nag₅ jág₁ quió₃, la₁ tsá₃ guëꞌ₂ tónꞌ₂ juɨ₅, on₃juaꞌ₅₄ jniá₂ qui₁dsɨ₅ ꞌéiꞌ₃ quióꞌ₅ ꞌéi₂; ia₁ on₃juaꞌ₅₄ ta₁ jaun₂ guio₃ jniá₂ a₂qui₁dsɨ₅ ꞌéiꞌ₃ ja₁con₂ dsa₂ mɨ₂güɨ́g₃; të₂le₃ a₂loin₅₄ bá₄ jniá₂.

48 Juɨ₁liaꞌ₂ i₂tsá₃ jei₅₄ jniá₂, on₃ guëꞌ₂ tónꞌ₂ juɨ₅ jág₁ quió₃, cha₂ bá₄ caun₂ a₂qui₃dsɨ₅ ꞌéiꞌ₃ quióꞌ₅. Jág₁ a₂ma₂qui₂ma₂juáꞌ₃ bá₄ jniá₂, a₂jaun₂ bá₄ qui₃dsɨ₅ ꞌéiꞌ₃ quióꞌ₅, jmɨg₄ jë₁ca₂tóꞌ₂.

49 Ia₁ on₃juaꞌ₅₄ o₄quió₃ ꞌŋió₃ ma₂qui₂ma₂juáꞌ₃; Ŋeꞌ₃ jniá₂ i₂ca₂chei₃ bá₄ ma₂ca₂cuë₃ ꞌéiꞌ₃ juɨ₁ꞌe₂ a₂juáꞌ₅ jniá₂ quianꞌ₅₄ ꞌe₂ a₂jme₂tɨ́ng₂ dsa₂.

50 Jaun₂ guion₄ jniá₂, a₂jiog₅ ꞌéiꞌ₃ quióꞌ₅ Ŋeꞌ₃ juɨ₅ ja₁le₃chan₂ dsa₂ co₂tan₅₄; jaun₂ lë₃, jág₁ a₂juáꞌ₅ jniá₂, juáꞌ₅ liaꞌ₂ conꞌ₂ lë́₅ ꞌéiꞌ₃ ca₂cuë₃ Ŋeꞌ₃.