Bi goncho ka ixop beṉꞌ yoblə goneꞌ dii malaꞌ
17
Naꞌch cheꞌ Jesúzaꞌ beṉꞌkaꞌ nakgakeꞌneꞌ txen:
―Biaꞌkzə de dii gon ka ixop beṉꞌ goneꞌ dii malaꞌ, per ¡nyeshꞌlaz gak c̱he beenaꞌ wchix̱eꞌ beṉꞌ yoblə goneꞌ dii malaꞌ!
Lucas 17.1-37
2 Wenlan sheḻꞌ wwaḻꞌgakeꞌ yeneꞌnaꞌ to yaj c̱he molin naꞌ lljazaḻꞌgakeꞌneꞌ ḻoo nisdoꞌnaꞌ aga ka daa wchix̱eꞌ to beṉꞌki chajḻeꞌgakeꞌ c̱haꞌ.
3 Daan, ḻi wsakꞌ.
’Shi to bishꞌ ljwell-le goneꞌ mal c̱hele, ḻi wsheshleneꞌ, naꞌ shi yiyajileꞌ daa beneꞌ c̱hele, ḻi yiziꞌxen c̱heꞌ.
4 Ḻaꞌkzi ax̱t gall shii shlla goneꞌ bi goneꞌ c̱hele, naꞌ gall shiite iṉeꞌ leꞌ: “Chiyajidꞌ daa benꞌ c̱hoꞌ”, chiyaḻꞌ yiziꞌxenle c̱heꞌ.
Daa gak gon to beṉꞌ chajḻeꞌ
5 Naꞌch goll postlkaꞌ X̱ancho Jesúzaꞌ:
―Goklen netoꞌ gonḻilallꞌchntoꞌ Chiozaꞌ.
6 Naꞌch cheꞌ X̱ancho Jesúzaꞌ ḻegakeꞌ:
―Sheḻꞌ yeḻꞌ chajḻeꞌ c̱helenaꞌ nakan ḻaꞌc̱hꞌ ka nak sa mostásanaꞌ, daa nak diidoꞌzə, wak yeꞌle yag xen walaꞌ: “Blallꞌshki, naꞌ jsoa ḻoo nisdoꞌ naꞌlə”, naꞌ gon yagaꞌ daa yeꞌlen, sheḻꞌkaꞌ.
Daa chiyaḻꞌ gon to wen llin
7 ’Shi nole zoa to wen llin c̱hele naꞌ zizee lyix̱aa jawaaṉeꞌ gooṉnaꞌ wa jtapeeb, aga weꞌleneꞌ: “Biyoo, naꞌ wcheꞌ kwenc̱he gawoꞌ.”
8 Aga weꞌleneꞌ kaꞌ, san yeꞌl-leneꞌ: “Bsiniꞌa daa gawꞌ xsheꞌnaꞌ, naꞌ wze wṉeyi kwenc̱he wdioꞌ daa yeej gawꞌ, naꞌtechlə yeej gawoꞌ.”
9 Naꞌ ni bi weꞌleneꞌ yeḻꞌ chox̱ken daa ba beneꞌ daa cheꞌleneꞌ goneꞌ.
10 Ḻekzkaꞌ leꞌ, katꞌ ba biyoll benle yogꞌ daa non Chiozaꞌ mandad gonle, chiyaḻꞌ iṉale: “Netoꞌ bi chizo chizakintoꞌ gonntoꞌ yogꞌḻoḻten, shinchga bizointoꞌ ba benntoꞌ daa chonan byen gonntoꞌ.”
Biyon Jesúzaꞌ shi beṉꞌ chak yillweꞌ daa le lepra
11 Naꞌ shlak zjada Jesúzaꞌ Jerusalénnaꞌ, wdieꞌ ganaꞌ ndiḻ yell-liokaꞌ mbani Samárianaꞌ naꞌ Galileanaꞌ.
12 Naꞌ ka bllineꞌ to choꞌa yelldoꞌ, bllesh shi beṉꞌ chakgakeꞌ yillweꞌ daa le lepra kwenc̱he lljatiḻgakeꞌneꞌ, naꞌ de zitꞌlə wzegakeꞌ
13 besyaagakeꞌ zilljə, cheꞌgakeꞌneꞌ:
―¡Jesús, Maestro, biyeshꞌlallꞌgachi netoꞌ!
14 Naꞌ ka bleꞌi Jesúzaꞌ ḻegakeꞌ, naꞌ golleꞌ:
―Ḻi shaj lao bx̱ozkaꞌ kwenc̱he ileꞌgakileꞌ leꞌ.
Naꞌ shlak zejgakeꞌ bigaa yillweꞌ c̱heꞌkaꞌ.
15 Naꞌch toeꞌ bibiꞌe ka gokbeꞌileꞌ ba biyakileꞌ, naꞌch ax̱t chosyaꞌileꞌ choeꞌlawee Chiozaꞌ.
16 Naꞌ bc̱hekꞌ xibeꞌnaꞌ lao Jesúzaꞌ naꞌ bdoseꞌ lo yonaꞌ kwenc̱he biꞌeneꞌ yeḻꞌ chox̱ken. Naꞌ beenaꞌ ben kaꞌ nakeꞌ beṉꞌ Samaria.
17 Naꞌch cheꞌ Jesúzaꞌ:
19 Naꞌch cheꞌ Jesúzaꞌ beenaꞌ:
―Bizollaꞌ naꞌ biyaj. Ba biyakiloꞌ daa wyajḻiꞌo c̱haꞌ.
Yeḻꞌ wṉabiaꞌ c̱he Chiozaꞌ
20 Naꞌch wṉabi fariseokaꞌ Jesúzaꞌ batran solo iṉabiaꞌ Chiozaꞌ lo yell-lioni. Naꞌ chiꞌe ḻegakeꞌ:
―Ka nak yeḻꞌ wṉabiaꞌ c̱he Chiozaꞌ, aga nakan ka to dii ileꞌtekzicho.
21 Aga no iṉa: “Ni chṉabiaꞌ Chiozaꞌ”, wa “Naꞌ chṉabiꞌe”, ḻaꞌ ladjlenikzan ba blaꞌ yeḻꞌ wṉabiaꞌ c̱heꞌnaꞌ.
22 Naꞌch chiꞌe beṉꞌkaꞌ nakgakeꞌneꞌ txen:
―Wllin lla katꞌ gaklallꞌle ḻaꞌc̱hꞌ zi shlla ileꞌchile iṉabiꞌa, nadꞌ, Beṉꞌ Bseḻꞌ Chiozaꞌ Yell-lioni, naꞌ aga wleꞌchile nadꞌ.
23 Naꞌ ichej beṉꞌ iṉeꞌ: “Ni zoeꞌ”, wa “Naꞌ zoeꞌ.” Naꞌ bi shajle, ni bi gonle beṉꞌkaꞌ txen.
24 Ḻaꞌ ka chak katꞌ chep yes, chzeeniꞌn doxen xan yabanaꞌ, kaꞌkzan gak llanaꞌ katꞌ zizaa, nadꞌ, Beṉꞌ Bseḻꞌ Chiozaꞌ Yell-lioni.
25 Naꞌ chonan byen zigaate biya daa yen ileꞌidꞌ, naꞌ beṉꞌki zoa ṉaa wzoagakeꞌ nadꞌ kaꞌlə.
26 Kon ka gok kanaꞌ wzoa dii Noénaꞌ, kaꞌkzan gak katꞌ ba zoa illin lla yiyedꞌ dii yoblə, nadꞌ, Beṉꞌ Bseḻꞌ Chiozaꞌ Yell-lioni.
27 Kanaꞌ wzoa dii Noénaꞌ, beṉꞌ yell-liokaꞌ cheej chaogakeꞌ, chshagnaꞌgakeꞌ, naꞌ choeꞌgakeꞌ yeḻꞌ wishagnaꞌ c̱he xiiṉeꞌkaꞌ bllinte llanaꞌ wyoo dii Noénaꞌ ḻoo barkwaꞌ. Naꞌ wzolo chak yejsiwaa yell-lioni ax̱t billaꞌcha lawinnaꞌ nisaꞌ, naꞌ blliayiꞌn yogꞌḻoḻeꞌ.
28 Naꞌ ḻekzkaꞌ wizak kanaꞌ wzoa dii Lotaꞌ. Cheej chaogakeꞌ, chiyaꞌo chidegakeꞌ bi de c̱hegakeꞌ, naꞌ chaz chaaṉgakeꞌ, naꞌ chon lillgakeꞌ.
29 Per ka bchej dii Lotaꞌ yell Sodómanaꞌ, Chiozaꞌ bḻetjeꞌ yiꞌnaꞌ xan yabanaꞌ nc̱hix̱an daa neꞌ azufre naꞌ betan yogꞌ beṉꞌ yell Sodómakaꞌ.
30 Naꞌ kaꞌkzan gak llanaꞌ katꞌ yiyedꞌ, nadꞌ, Beṉꞌ Bseḻꞌ Chiozaꞌ Yell-lioni.
31 ’Llanaꞌ zizaa, shi to beṉꞌ llieꞌ yic̱hj lilleꞌnaꞌ naꞌ xshinḻazeꞌnaꞌ den ḻoo yoo c̱heꞌnaꞌ, bi yiyetjzeꞌ kwenc̱he lljalejeꞌn. Naꞌ shi to beṉꞌ zejeꞌ lyix̱aa, bi yiyajzeꞌ lilleꞌnaꞌ.
32 Ḻi lljadini ka gok c̱he dii xool Lotaꞌ.
33 Beenaꞌ bi chsanlallꞌ yeḻꞌ mban c̱heꞌnaꞌ, beenanꞌ kwiayiꞌ; san beenaꞌ chsanlallꞌ yeḻꞌ mban c̱heꞌnaꞌ, beenanꞌ gatꞌ to yeḻꞌ mban c̱heꞌ zejḻi kaṉi.
34 ’Naꞌ niaꞌ leꞌ, lleꞌnaꞌ katꞌ zizaa, c̱hop beṉꞌ dieꞌ toz blag, toeꞌ yic̱hiꞌa naꞌ stoeꞌ yigaaṉ.
35 Naꞌ ganaꞌ lleꞌ c̱hop noolə chotgakeꞌ, toeꞌ yic̱hiꞌa naꞌ stoeꞌ yigaaṉ.
36 Naꞌ c̱hop beṉꞌ byo chongakeꞌ llin lyix̱aa, toeꞌ yic̱hiꞌa naꞌ beenaꞌ sto yigaaṉeꞌ.
37 Naꞌch wṉabgakileꞌneꞌ:
―¿Garan gak dga, X̱anꞌ?
Naꞌ chiꞌe ḻegakeꞌ:
―Ganaꞌ de ba wetaꞌ, nanꞌ chdop chllag llodkaꞌ.