N‑xiʼí Lázaro
11
Te kuʼu ɨɨn se nani Lázaro.
Se ñuu nani Betania kuu‑s.
Betania kuu ñuu María xiʼin kuʼu‑i Tmarta.
2 María jan kuu ñadɨʼɨ n‑xajan xeʼe Xtoʼo‑ro Jesús xaxeʼen vidi,
te xiʼin idi dɨkɨ‑i n‑nadayichi‑i xeʼe‑ia.
Kuʼa‑i,
Lázaro,
kuu se kuʼu jan.
Jesús resucita a Lázaro (Juan 11.1-57)
—Xtoʼo‑ro,
kuʼu se mani xiʼin‑n.
4 Na n‑teku Jesús nax n‑jaʼan muxu,
n‑jaʼan‑ia:
—Kuʼu‑s,
ko ma kuú‑s.
Dandeʼa ñaʼa Ianyuux mee‑n xa Ia kunxaʼnu ka kuu‑ia.
Xaxeʼe xa kuʼu Lázaro,
te jini koio mee‑n xa nani taxnuni Ianyuux,
dani taxnuni Daʼya Yɨɨ‑ia tuku.
5 Te xemani Jesús Tmarta xiʼin kuʼu‑i xiʼin kuʼa‑i,
Lázaro.
6 Xijan kuu xa na n‑teku‑ia xa kuʼu Lázaro,
te n‑ndoo ka‑ia uu ka kɨu nuu tuu‑ia.
7 Te dada n‑jaʼan‑ia nuu se dakuaʼa‑ia:
—Na jɨʼɨn‑ro Judea ɨnka vuelta.
8 N‑ka jaʼan se dakuaʼa‑ia:
—Maestru,
xaku nga xa kaʼni ñaʼa koio se Judea xiʼin yuú.
¿Te juini ka‑n xa jɨʼɨn‑n nde ijan ɨnka vuelta u?
9 N‑jaʼan Jesús:
—Uxi uu hora ndii ngandii ɨɨn kɨu ɨɨn kɨu.
Ɨɨn ñayiu,
nux kaka‑i hora ndii ngandii ñuñayiu,
ma jɨn kɨʼɨ‑i yuú,
chi vaʼa kanda.
10 Ko nux kaka ɨɨn ñayiu xakuaa,
jɨn kɨʼɨ‑i,
chi ña kanda.
11 Duʼa n‑jaʼan‑ia,
te dada n‑jaʼan‑ia:
—Lázaro,
se mani xiʼin‑ro,
kidi‑s.
Ko jɨʼɨn‑r xa dandoto‑r‑sɨ.
12 Xijan kuu xa n‑ka jaʼan se dakuaʼa‑ia:
—Xtoʼo‑ro,
nux kidi‑s,
te ndvaʼa‑s.
13 Te jaʼan Jesús xa n‑xiʼí Lázaro,
ko ñayo se ijan n‑ka kutnuni ini tnuʼu‑ia,
chi n‑ka xani ini‑s xa ndaa xa kidi‑s.
14 Xijan kuu xa n‑jaʼan kaxi Jesús:
—Xá n‑xiʼí Lázaro.
15 Te xaxeʼe mee‑n,
kuvete‑r xa ña n‑xo tuu‑r ijan hora n‑xiʼí‑s,
chi vitna jandixa ñaʼa koio ka mee‑n.
Na jɨʼɨn‑ro nuu tuu‑s.
16 Xijan kuu xa Tomás,
se ka danani ñayiu Cuati,
n‑jaʼan‑s nuu se dakuaʼa Jesús:
—Na jɨʼɨn mee‑ro tuku,
xa kuú‑ro xiʼin‑ia.
N‑jaʼan Jesús: “Kida mee‑r xa nandoto koio ndɨyɨ”
17 Na n‑xee Jesús Betania,
n‑teku‑ia xa xá n‑kuu koon kɨu xa yɨnduxi Lázaro.
18 Te katuu ñuu nani Betania yatni ñuu Jerusalén.
Vaa uu uni ni kilómetro Betania xiʼin Jerusalén.
19 Te n‑ka kixee kueʼe ñayiu Israel,
xa juñaʼa‑i tnuʼu kanu ini nuu Tmarta xiʼin María,
xaxeʼe kuʼa‑i Lázaro.
20 Te na n‑tekutnuʼu Tmarta xa vax kuyatni Jesús,
n‑kee‑i veʼe te juaʼan‑i,
juan tnaʼa‑i Jesús.
Ko nukoo naʼi María xiti veʼe.
21 Na n‑nanitnaʼa Tmarta xiʼin Jesús,
te n‑jaʼan‑i:
—Xtoʼo‑da,
nux n‑xo tuu‑n yaʼa,
te ma kuú kuʼa‑da n‑kuu.
22 Te naʼa‑da xa vitna taxi Ianyuux davaʼa nga xa kajan‑n nuu‑ia.
23 N‑jaʼan Jesús:
—Nandoto kuʼa‑n.
24 N‑jaʼan Tmarta:
—Naʼa‑da xa nandoto‑i,
na xee kɨu xa nandoto koio ndɨyɨ,
hora ndadandaa Ianyuux ntdaa xa io.
25 N‑jaʼan Jesús:
—Kida mee‑r xa nandoto koio ndɨyɨ.
Kida mee‑r xa kutuu vaʼa koio‑i xiʼin Ianyuux kuia ma jɨn ndɨʼɨ.
Ɨɨn ñayiu,
nux jandixa ñaʼa‑i mee‑r,
juini na kuú‑i,
ko kutuu vaʼa‑i xiʼin Ianyuux kuia ma jɨn ndɨʼɨ.
26 Ntdaa ñayiu xtuu te ka jandixa ñaʼa‑i mee‑r,
nuncas ma kuú koio‑i.
¿Jandixa‑n tnuʼu yaʼa u?
27 N‑jaʼan Tmarta:
—Joon,
Xtoʼo‑da.
Xá n‑jandixa‑da xa mee‑n kuu Cristu,
Ia n‑tundaʼa Ianyuux.
Xá n‑jandixa‑da xa mee‑n kuu Daʼya Yɨɨ Ianyuux.
Xá n‑kuu kueʼe kuia yodotnuni xa kii‑n ñuñayiu,
te vitna xá n‑kixee‑n.
N‑ndaʼi Jesús nuu yɨnduxi Lázaro
28 Na n‑jaʼan Tmarta tnuʼu yaʼa,
te n‑xiko‑i juan nuʼu‑i veʼe‑i,
te naʼi ni n‑jaʼan‑i nuu kuʼu‑i,
María:
—Xá n‑kixee Maestru,
te juini‑ia xa jaʼan‑ia xiʼin‑un.
29 Na n‑teku María tnuʼu jaʼan Tmarta,
te yachi n‑ndojuiin‑i,
te juaʼan‑i nuu ndetu Jesús.
30 Te ta xee ka Jesús ñuu Betania.
Dani ndetu‑ia nuu n‑nanitnaʼa Tmarta xiʼin‑ia.
31 Te veʼe ijan xyuku kueʼe ñayiu Israel xiʼin María,
xa juñaʼa koio‑i tnuʼu kanu ini nuu‑i.
Na n‑ka xini‑i xa yachi n‑ndojuiin María te n‑kee‑i veʼe,
te n‑ka xe kuitandijun ñaʼa‑i.
N‑ka xani ini‑i xa juaʼan María panteón,
xa ndaʼi‑i xaxeʼe kuʼa‑i.
32 Te n‑kixee María nuu tuu Jesús.
N‑xini‑i‑ia,
n‑nduandee‑i xeʼe‑ia.
N‑jaʼan‑i:
—Xtoʼo‑da,
nux n‑xo tuu‑n yaʼa,
te ma kuú kuʼa‑da n‑kuu.
33 Na n‑xini Jesús xa ndaʼi María,
te ka ndaʼi ñayiu Israel vaxi xiʼin‑i,
yo n‑kiti ini‑ia te n‑tnau ini‑ia.
34 N‑jaʼan‑ia:
—¿Ndexu n‑chinduxi‑n‑sɨ?
Te n‑ka jaʼan‑i:
—Xtoʼo‑da,
neʼe‑n,
te jini‑n.
35 Te n‑ndaʼi Jesús.
36 Ñayiu Israel xyuku ijan n‑ka ndatnuʼu‑i:
—Kundeʼa xa yo n‑xemani‑s‑sɨ.
37 Ko dava‑i n‑ka jaʼan:
—N‑kida‑s xa kuaʼa se kuaa xa kundeʼa‑s.
¿Ña n‑kuaʼa‑s xa kada‑s xa maxku kuú Lázaro a?
N‑kida Jesús xa n‑nandoto Lázaro
38 Ɨnka vuelta kueʼe xa kueʼe n‑tnau ini Jesús,
te juaʼan‑ia nuu n‑ka chinduxi‑s ndi Lázaro.
Ɨɨn yau kava kuu,
te n‑xo ndenee ɨɨn toto kaʼnu yuyau jan.
39 N‑jaʼan Jesús:
—Dita toto de.
Ko n‑jaʼan Tmarta,
kuʼa ndi Lázaro:
—Xtoʼo‑da,
xá xeʼen teʼyu‑i vitna,
chi xá n‑kuu koon kɨu yɨnduxi‑i.
40 N‑jaʼan Jesús:
—Te,
¿ñadu n‑jaʼan‑r xa nux jandixa‑n,
te jini‑n xa kunxaʼnu ka Ianyuux dada ntdaa xa io?
41 Xijan kuu xa n‑ka dita‑s toto kaʼnu nuu yɨnduxi ndɨyɨ.
Nukondeʼa Jesús andɨu,
n‑jaʼan‑ia:
—Taa‑da,
n‑kutaʼu‑da xa n‑teku‑n tnuʼu‑da.
42 Naʼa‑da xa ntdantuʼu kɨu nini‑n tnuʼu‑da,
ko n‑jaʼan‑da xaxeʼe ñayiu xyuku yaʼa,
xa na jandixa koio mee‑i xa mee‑n n‑tundaʼa ñaʼa mee‑da.
43 Na n‑jaʼan‑ia tnuʼu yaʼa,
te n‑kana xee‑ia:
—Lázaro,
¡ta kee,
neʼe yaʼa!
44 Te n‑ndee se n‑xiʼí xiti yau.
Duku daʼma ndaʼa‑s,
xeʼe‑s,
te daʼu daʼma nuu‑s.
N‑jaʼan Jesús nuu ñayiu xyuku ijan:
—Nandaxi koio ndaʼa‑s,
xeʼe‑s,
xa kuaʼa‑s xa nakaka‑s.
N‑ka xani ini‑s nanda kuaʼa‑s xa kaʼni‑s Jesús
45 Xijan kuu xa kueʼe ñayiu Israel n‑ka jandixa Jesús.
N‑ka kixee‑i xa juñaʼa‑i tnuʼu kanu ini nuu María,
te n‑ka xini‑i nax n‑kida Jesús,
te n‑ka jandixa‑i‑ia.
46 Ko dava‑i juaʼan nuu xyuku se fariseu,
te n‑ka najani‑i ntdaa xa n‑kida Jesús.
47 Xijan kuu xa n‑ka nataka dutu ka taxnuni xiʼin se fariseu,
te n‑ka jaʼan‑s:
—¿Nax kada‑ro?
Chi se ijan,
kida‑s kueʼe milagru.
48 Nux ma jaʼan‑ro,
te duʼa kada ka‑s,
te jandixa koio ntdaa ñayiu mee‑s,
te kix koio soldado romano,
xa kanu koio‑s veñuʼu‑ro te datɨu‑s ñuu‑ro.
49 Ko ɨɨn‑s,
se nani Caifás,
se kuu dutu taxnuni ka kuia ijan,
n‑jaʼan:
—Mee‑n,
ñayo‑n ka kutnuni ini ni ɨɨn.
50 Ña ka kutnuni ini‑n xa vaʼa ka xa kuú ɨɨn seyɨɨ xaxeʼe ñayiu Israel,
dada xa kuú koio ntdaa ñayiu Israel.
51 Te tnuʼu yaʼa ña n‑xani ini mee Caifás.
Xaxeʼe xa kuu‑s dutu taxnuni ka kuia ijan,
te n‑kida Ianyuux xa juña tnuʼu‑s tnuʼu mee‑ia nuu ñayiu,
xa kuú Jesús xaxeʼe ñayiu Israel.
52 Kuú‑ia xaxeʼe ñayiu Israel,
ko dɨuni kuú‑ia xaxeʼe ntdaa ñayiu ta jandixa koio ka Ianyuux.
Juini xtuu‑i nituʼu ñuñayiu,
ko nadataka‑ia mee‑i,
xa ku kuu‑i idini ñayiu.
53 Xijan kuu xa,
nde kɨu ijan n‑ka xani ini dutu taxnuni,
xiʼin se fariseu,
nanda kuaʼa‑s xa kaʼni‑s Jesús.
54 Xijan kuu xa ñatuka n‑xikonuu Jesús ñuu nani Jerusalén.
Ijan juaʼan‑ia ñuu nani Efraín,
yatni yuku nuu ñayo ñayiu io.
Ijan n‑ndoo‑ia xiʼin se dakuaʼa‑ia.
55 Te vax kuyatni ɨɨn viko ñayiu Israel,
ɨɨn viko nani Paxcua.
Te kueʼe ñayiu ntdaa ñuu juaʼan Jerusalén.
Antecas xa kixeʼe viko,
juaʼan‑i nuu dutu xa ndada ii ñaʼa‑ia,
xa kuaʼa‑i xa ndadakaʼnu‑i viko Paxcua.
56 Ijan ka nanduku ñayiu Israel Jesús.
Xyuku‑i xiti veñuʼu ka xijan tnuʼu tnaʼa‑i:
—¿Naxa xani ini‑n?
¿Ma kixi Jesús viko a?
57 Te xá n‑ka taʼu tniu dutu taxnuni,
xiʼin se fariseu,
xa nux najini ɨɨn ñayiu Jesús,
te na juña tnuʼu‑i nuu juxtixia nuu tuu‑ia,
xa tnɨɨ koio‑s‑ia.