Ɨɨn viko tnundaʼa ñuu nani Caná
2
Nuu uni kɨu n‑xio ɨɨn viko tnundaʼa ñuu nani Caná distrito Galilea.
Te viko veʼe ijan tuu dɨʼɨ Jesús.
2 Te dɨuni n‑ka jaʼan ñayiu ijan Jesús xiʼin se dakuaʼa‑ia,
xa jɨʼɨn‑ia viko tnundaʼa.
3 Te n‑ndoko vinu kuixi,
te n‑jaʼan dɨʼɨ Jesús nuu‑ia:
—Xá n‑ndoko vinu.
4 N‑jaʼan Jesús:
—Dɨʼɨ‑da,
¿nakuenda duʼa jaʼan‑n?
Ta xee ka hora xa kada‑da tniu n‑taxi Ianyuux.
El milagro en Caná (Juan 2.1-12)
5 N‑jaʼan dɨʼɨ‑ia nuu se ka dakee xio xa io viko:
—Kada koio davaʼa nga xa taʼu tniu‑i.
6 Te io iñu yoo yuú kaxi yɨyujun ijan.
Ɨɨn ɨɨn yoo ñuʼu koon diko a ɨɨn cientu litro ndute.
Ndute ka nandaʼa ñayiu Israel xa xneʼe ii‑i.
7 Te n‑jaʼan Jesús nuu se ka dakee xio xa io viko:
—Dachitu yoo ya ndute.
—Vitna tava itaʼu‑té,
te kaneʼe‑té juaʼan nuu se yɨndaʼa ntdaa xa io viko.
Te neʼe‑s‑té juaʼan.
9 N‑xiʼi se yɨndaʼa viko itaʼu ndute n‑nduu vinu,
ko mee‑s ña n‑xini nde n‑kixi vinu.
Ko n‑ka xini se ka dakee xio xa io viko,
chi mee‑s n‑ka xe tava‑té.
Se yɨndaʼa xa io viko,
n‑kana‑s noviu,
te n‑jaʼan‑s:
10 —Ntdaa ñayiu,
ditna ka dakee xio‑i vinu vaʼa ka.
Te dada,
na n‑yaʼa xa n‑ka xiʼi vaʼa se xyɨʼɨ viko,
dakee xio‑i vinu ndaʼu ka.
Ko mee‑n,
nevaʼa‑n vinu vaʼa ka nde vitna.
11 Duʼa n‑kuu milagru kiʼna nuu n‑kida Jesús.
Ñuu nani Caná distrito Galilea,
n‑dandeʼa Jesús ñayiu xa taxnuni‑ia nuu ntdaa xa io.
Te n‑ka jandixa ñaʼa se dakuaʼa‑ia.
12 Te n‑xeʼen Jesús ñuu nani Capernaum.
Dɨʼɨ‑ia,
ñani‑ia,
se dakuaʼa‑ia du.
Ijan n‑ndoo‑ia uni koon kɨu.
N‑jaʼan Jesús: “Maxku kada koio ka‑n xa veʼe Taa‑r kuu ná kuu nuyaʼu”
13 Vax kuyatni ɨɨn viko ñayiu Israel.
Viko nani Paxcua.
N‑xeʼen Jesús ñuu nani Jerusalén.
Jesús en el patio del templo (Juan 2.13-25)
14 Ijan yeñuʼu,
n‑nanitnaʼa‑ia xiʼin se ka diko ngutu,
tkachi,
data.
Se ka dama tvini du.
N‑ka nukoo‑s ijan.
15 N‑kava‑ia ɨɨn chirrión ñɨɨ.
Chirrión jan,
n‑kineʼe‑ia ntdaa se ijan,
xiʼin tkachi‑s,
ngutu‑s.
N‑kida‑ia xa jungoio centau kuechi se ka dama tvini,
te n‑dajane‑ia mexa‑s.
16 N‑jaʼan‑ia nuu se ka diko data:
—¡Kaneʼe koio ntdaa xaʼa juaʼan!
¡Maxku kada koio ka‑n xa veʼe Taa‑r kuu ná kuu nuyaʼu!
17 Te n‑ka najaʼan se dakuaʼa‑ia nax jaʼan tnuʼu Ianyuux:
“Yo kudaʼan‑da veʼe Ianyuux.
Kuu ná kuu ñuʼu koko danaa ñaʼa.”
18 Xijan kuu xa n‑ka jaʼan se Israel nuu‑ia:
—¿Na milagru kada‑n xa dandeʼa ñaʼa‑n xa taxnuni‑n?
¿Nax kuu xa kineʼe‑n se ijan veñuʼu?
19 N‑jaʼan Jesús:
—Kanu koio veñuʼu yaʼa,
te nuu uni kɨu ndadavaʼa‑r.
20 Xijan kuu xa n‑ka jaʼan se Israel:
—Uu diko iñu kuia n‑ka kidavaʼa‑s veñuʼu yaʼa,
¿te mee‑n jaʼan xa ndadavaʼa‑n nuu uni kɨu a?
¡Juun!
21 Ko xaxeʼe yɨkɨ kuñu mee‑ia n‑jaʼan‑ia.
22 Xijan kuu xa,
na n‑nandoto‑ia xa n‑kuu‑ia ndɨyɨ,
te n‑ka najaʼan se dakuaʼa‑ia xa duʼa n‑jaʼan‑ia.
Te n‑ka jandixa‑s tnuʼu Ianyuux xiʼin tnuʼu n‑jaʼan Jesús.
Vaʼa kutnuni ini Jesús nax kuu anu ñayiu