Ɨɨn seyɨɨ nani Nicodemo
3
Te io ɨɨn se fariseu nani Nicodemo.
Sexaʼnu taxnuni nuu ñayiu Israel kuu‑s.
2 Ɨɨn xakuaa n‑xe kotoniʼni‑s Jesús,
te n‑jaʼan‑s:
—Maestru,
ka xini‑da xa n‑tundaʼa ñaʼa Ianyuux mee‑n xa dakuaʼa ñaʼa‑n.
Ni ɨɨn ñayiu ma kuaʼa xa kada‑i milagru kida mee‑n,
nux ña tuu mee‑n xiʼin Ianyuux.
Jesus habla con Nicodemo (Juan 3.1-21)
3 N‑jaʼan Jesús:
—Xandaa kuu xa jaʼan‑r.
Nux ma nakaku ɨɨn ñayiu ɨnka vuelta,
ma kuaʼa‑i xa jini‑i nuu taxnuni Ianyuux.
4 N‑xiaʼan Nicodemo:
—¿Nanda kuaʼa xa nakaku ɨɨn ñayiu xaʼnu ɨnka vuelta?
Ma kuaʼa xa ndeé ɨɨn ñayiu xiti dɨʼɨ‑i te nakaku‑i vuelta kuu uu.
5 N‑jaʼan Jesús:
—Xandaa kuu xa jaʼan‑r.
Nux ndute ma nakaku ɨɨn ñayiu,
ma kuaʼa‑i xa kɨu‑i nuu taxnuni Ianyuux.
Te nux ma kada Espíritu Ii xa nakaku‑i,
te ma kuaʼa‑i xa kɨu‑i nuu taxnuni Ianyuux.
6 Hora kaku ɨɨn ñayiu,
kuu‑i daʼya ñayiu te kuu‑i ñayiu.
Hora kida Espíritu Ii xa nakaku ɨɨn ñayiu,
xijan kuu ná kuu xa n‑nakaku‑i vuelta kuu uu,
te n‑nduu‑i daʼya Ianyuux.
7 Maxku yuʼu‑n xaxeʼe xa n‑jaʼan‑r xa io xa nakaku koio‑n ɨnka vuelta.
8 Kuu ná kuu xa kane tachi.
Davaʼa nga nuu juini tachi xa kane‑i,
te kane‑i.
Teku‑n xa kane tachi,
ko ña xini‑n ndexu vaxi tachi,
ni ña xini‑n nde jɨʼɨn tachi.
Duʼa kuu hora kida Espíritu Ii xa nakaku ɨɨn ñayiu vuelta kuu uu.
9 N‑jaʼan Nicodemo:
—¿Nanda kuu xa duʼa kuu?
10 N‑jaʼan Jesús:
—Mee‑n kuu maestru ñayiu Israel,
te,
¿ñatu kutnuni ini‑n a?
11 Xandaa kuu xa jaʼan‑r.
Ka jaʼan‑r xa ka xini‑r.
Ka jaʼan ndaa‑r xaxeʼe xa n‑ka xini‑r.
Ko ña jandixa koio‑n nax ka jaʼan‑r.
12 N‑jaʼan‑r xa io ñuñayiu,
te ña jandixa koio‑n.
¿Janda kuaʼa xa jandixa koio‑n nux na jaʼan‑r xa io nde andɨu?
13 ʼNuncas ña n‑xe xee ni ɨɨn ñayiu andɨu.
Ko vax juun ɨɨn seyɨɨ nde andɨu.
Se kuu ñani tnaʼa ñayiu kuu‑s,
te n‑xo tuu‑s andɨu.
14 Ná n‑xe katakaa Moisés ɨɨn koo nuu ñayo ñayiu io,
duʼa io xa katakaa koio ñayiu Se kuu ñani tnaʼa ñayiu.
15 Ntdaa ñayiu ka jandixa Se kuu ñani tnaʼa ñayiu,
ma kuú‑i xiʼin kuechi‑i.
Kutuu vaʼa koio‑i andɨu kuia ma jɨn ndɨʼɨ.
Yo kueʼe n‑xemani Ianyuux ñayiu ñuñayiu
16 ʼYo kueʼe n‑xemani Ianyuux ñayiu ñuñayiu.
Xijan kuu xa n‑taxi‑ia Daʼya Yɨɨ‑ia.
Medini‑ia n‑kudaʼya ñaʼa Taa‑ia Ianyuux.
Ntdaa ñayiu ka jandixa mee‑ia,
ma kuú‑i.
Kutuu vaʼa koio‑i andɨu kuia ma jɨn ndɨʼɨ.
17 Chi ña n‑tundaʼa Ianyuux Daʼya Yɨɨ‑ia ñuñayiu xa kada uʼu‑ia ñayiu.
N‑tundaʼa‑ia Daʼya Yɨɨ‑ia vaxi,
xa dakaku‑ia ñayiu xa ma kuú‑i xiʼin kuechi‑i.
18 ʼMa kada uʼu Ianyuux ñayiu jandixa Daʼya Yɨɨ‑ia.
Ko ñayiu ña jandixa Daʼya Yɨɨ‑ia,
xá n‑ndadandaa‑ia‑i,
chi ña jandixa‑i idini Daʼya Yɨɨ Ianyuux.
19 Xá n‑ndadandaa‑ia‑i,
xaxeʼe xa ña ka xemani‑i luz vaʼa ka koko.
N‑ki xee luz jan ñuñayiu,
ko n‑ka juini ñayiu xa ndoo naʼi‑i nuu nee,
chi ka kida‑i xa uʼu.
20 Ntdaa ñayiu kida xa uʼu,
ka xini uʼu‑i luz vaʼa ka koko.
Ma xee‑i nuu koko luz jan,
nada na dandeʼa‑ia‑i xa ka kida‑i xa uʼu.
21 Ko ñayiu ka kida xandaa,
mee‑i xee koio nuu koko luz vaʼa ka koko.
Xee‑i xa na dandeʼa‑ia‑i xa n‑ka kida‑i xa juini Ianyuux.
—Kuu Jesús xiaʼan‑ia.
Ɨnka vuelta jaʼan ndaa Sua xaxeʼe Jesús
22 Dada,
n‑xeʼen Jesús distrito Judea.
Ijan n‑xo tuu‑ia xiʼin se dakuaʼa‑ia.
Ijan n‑xo dajuendute‑ia ñayiu.
Juan testifica acerca de Jesús (Juan 3.22-36)
23 Sua tuku,
n‑xo dajuendute‑s ñayiu,
nuu nani Enón yatni ñuu nani Salim.
Ijan io kueʼe ndute.
Ijan n‑ka xo xee ñayiu,
te n‑dajuendute‑s‑yɨ.
24 Chi daa ta kɨndiʼu ka Sua vekaa.
25 Te n‑ka jantnaʼa tnuʼu se dakuaʼa Sua xiʼin ɨnka se Israel.
N‑ka jantnaʼa tnuʼu‑s nanda koo xa kuneʼe ii ñayiu.
26 Se dakuaʼa Sua n‑ka xee‑s nuu‑s,
te n‑ka jaʼan‑s:
—Maestru,
kundeʼa‑n se n‑xo tuu xiʼin‑n ɨnka lado deʼva Jordán.
Ijan n‑jaʼan ndaa‑n xaxeʼe‑s.
Vitna dajuendute mee‑s ñayiu tuku,
te ntdaa ñayiu xee koio nuu‑s.
27 N‑jaʼan Sua:
—Ɨɨn seyɨɨ,
ma kuaʼa xa tnɨɨ‑s ni ɨɨn,
nux ña xiaʼan Ianyuux.
28 N‑ka teku‑n xa n‑jaʼan‑r xa ñatu kuu‑r Cristu,
Ia tundaʼa Ianyuux.
N‑ka teku‑n xa n‑jaʼan‑r xa n‑tundaʼa ñaʼa Ianyuux mee‑r,
xa ndodo nuu‑r nuu se ijan vaxi.
29 Ná kuu ɨɨn noviu kuu Jesús.
Ná kuu se kumani xiʼin noviu kuu mee‑r.
Se kueka novia kuu noviu.
Ko se kumani xiʼin noviu,
nujuiin‑s yatni noviu,
te teku‑s tnuʼu‑s,
te yo kuvete‑s xaxeʼe tnuʼu‑s.
Xijan kuu xa kuvete xa kuvete mee‑r,
xaxeʼe xa xee koio ñayiu nuu Jesús.
30 Io xa dandoo ñaʼa ñayiu mee‑r.
Io xa koo koio‑i xañuʼu ka xiʼin xañuʼu ka nuu Jesús.
Jesús, nde andɨu vaxi‑ia
31 Jesús,
nde andɨu vaxi‑ia,
te kunxaʼnu ka mee‑ia dada ntdaa ñayiu ñuñayiu.
Se ñuñayiu,
ɨɨn nuu ka kuu‑s xiʼin ntdaa ñayiu ñuñayiu.
Ka jaʼan ni‑s xa io ñuñayiu.
Jesús vaxi nde andɨu,
te kunxaʼnu ka‑ia dada ntdaa ñayiu ñuñayiu.
32 Jaʼan ndaa‑ia xaxeʼe xa n‑xini‑ia.
Jaʼan ndaa‑ia xaxeʼe xa n‑teku‑ia.
Ko dani ña jandixa ni ɨɨn ñayiu nax jaʼan‑ia.
33 Nux jandixa ɨɨn ñayiu tnuʼu‑ia n‑kuu,
te duʼa joon jaʼan anu‑i xa jaʼan Ianyuux xandaa.
34 Chi n‑tundaʼa Ianyuux Daʼya Yɨɨ‑ia vaxi‑ia ñuñayiu.
Jaʼan Daʼya Yɨɨ‑ia tnuʼu Ianyuux,
chi xiaʼan Ianyuux xa xiaʼan ka‑ia Espíritu Ii nuu Daʼya Yɨɨ‑ia.
35 Xemani Ianyuux Daʼya Yɨɨ‑ia.
Xá n‑xiaʼan Ianyuux ntdaa xa io nuu Daʼya Yɨɨ‑ia.
36 Nux jandixa ɨɨn ñayiu Daʼya Yɨɨ Ianyuux,
tuu vaʼa‑i xiʼin Ianyuux vitna xiʼin nde kuia ma jɨn ndɨʼɨ.
Nux ña jandixa ɨɨn ñayiu Daʼya Yɨɨ Ianyuux,
ma kutuu vaʼa‑i xiʼin Ianyuux.
Kada uʼu Ianyuux mee‑i,
vitna xiʼin nde kuia ma jɨn ndɨʼɨ.