Ioane Baꞌuere Robe Hauna Eiroro.
3
Tiberio obia ꞌarana Roma hanopakana eobia aina ihauna harauhaea ima aonai Pontio Pilato hanona Iudea ekia Kabana.
Heroda hanona Galilea eobia aina,
abomo hatina Pilipo hanona Iturea mai Trakonito eobia ainakia,
Lusania hanona Abilene aiarakia eobia ainakia.
2 Robe haukia arakiai haukia Ana mai Kaiafa ekia raniai,
Tirama ena ꞌabi emai Sakaria nahuna Ioane herena hanoꞌakunai.
Luka 3:1-4:13
3 Ioane eao Ioridana ate haiana hanokia ikoikiai aokiai raona kabe ꞌuere robena eiroro aina ekia kiꞌa ihina hao paunai.
4 Isaia mahabanai hauna ena pukai ererena ꞌabana:
“Aia ha hanoꞌakunai neio netibaha,
‘Obiapaka ena taeara
tomoaꞌi aꞌi haraina,
ena kaꞌa ꞌekana tomobaberona.
5 Tataira ikoikiai
katepupu abunakia,
kobio mai oeo ikoikiai
katebaririnakia.
Taeara tebeho haukia katebero,
mai tehiroa hiroa haukia
katetaꞌetaꞌe.
6 Weiana maearima ikoikiai
Tirama ena bamauri kateihana.’” Isa 40.3-5
7 Mako tekarahi temai Ioane herena kebaꞌuere robenakia,
eiroro benakia etibaha,
“ꞌErau nahukia e,
tai ehina benimi opuere nimai hauna herenai katobeau pare?
8 Raona kabe aonai katomiaho buabuami katerama,
ia aꞌi katoꞌabi ‘Aberahamo hanona aika ꞌabaꞌabaka.’
Aꞌi katoraonana aba katonamo.
Pokina au wai nahina benimi,
Tirama mai ena hiabu pihara neiakiai Aberahamo nahuna kebaramanakia.
9 Wapira hanona aba eꞌoru matiu pokinai,
matiu ikoikiai buabuakia namokia aꞌi tibaramanakia haukia hanona kateꞌuinakia,
irubai katekapo ꞌaunakia.”
10 Ba toꞌu haukia ia tebakaina tetibaha,
“Ba ai taba katababaina?”
11 Ioane eꞌabi etibaha,
“Mai ena ibatoto rua hauna ꞌabana weiana herena ahaꞌi hauna ha kebena,
mai ena aniani hauna abomo ua kebabai aiho.”
12 Moni bararo haukia abomo temai kebaꞌuere robenakia tebakai bakai tetibaha,
“Baꞌiobi haumu e,
ai taba katababaina?”
13 Ioane ehina benakia etibaha,
“Moni koaꞌina raninai ihobonai mo koaꞌina,
aꞌi koaꞌi banaina.”
14 Huari haukia baika abomo tebakai bakai tetibaha,
“Ai hanona taba katababaina?”
Ioane ehina benakia etibaha,
“Aiahuai ꞌao ꞌabi baiꞌoikiai maearima aꞌi katoꞌoinakia ekia moni aꞌi katoaꞌi.
Aomi namonai arami tohana mo katoaꞌina.”
15 Maearima hanona tebaiꞌima paunai aokia teraona raona Ioane hanona paꞌe Keriso.
16 Ioane ikoikiai ehina benakia etibaha,
“Au hanona beiai wai nabaꞌuere robenimi,
ꞌa muriꞌuai nimai hauna ena hiabu au euꞌu etara haona,
ena tamaka warokia karubunakia abomo hereꞌuai aꞌi etaina.
Ia hanona Auba Robe mai iruba ai kebaꞌuere robenimi.
17 Ena ikomo matiuna hanona imanai,
witi ahu ꞌitiꞌiti ꞌekana keaꞌiaꞌi haraina,
weiana witi uhokia kebararonakia paraboai keroꞌanakia,
ꞌa hamarakia hanona aꞌi niꞌao ꞌapua irubanai kehuhunakia.”
18 Ioane bairobe ꞌabikia boꞌokiai maearima ehina benakia mai pou namona eiroro aina herekiai.
Heroda Ioane Wapura Itunai Ekaiabuna.
19 Ioane ehore Heroda obia apaꞌuana erikena,
pokina ia hatina atawana Herodia eatawana mai aka kiꞌa obokia boꞌokia ebabai paunai.
20 Heroda ena kiꞌa weiakia ikoikiai ahakiai kiꞌa mo ha ebabai muena,
Ioane wapura ꞌekanai ekaiabuna.
Ioane Iesu Ebaꞌuere Robena.
21 Maearima ikoikiai ebaꞌuere robenakia raninai,
Iesu abomo ebaꞌuere robena.
Iesu ena bahubaꞌari aonai kupa ekaikau.
22 Weiana Auba Robe rauria hauanina ihobonai eriri ia ahanai.
Aia ha kupai emai eꞌabi etibaha,
“Oi hanona Au Nahaꞌu.
Eꞌu Raonaꞌau,
naonamo ainiꞌo.”
Iesu Ena Rama Kuputorina.
23 Iesu ihauna harau aihau hanona ena aka eaꞌi ramana.
Maearima teraonana ia hanona Iosepa nahuna.
Iosepa hamana hanona Heli,
24 hamana Matata,
hamana Lebi,
hamana Meleki,
hamana Ianai,
hamana Iosepa,
25 hamana Matatia,
hamana Amosa,
hamana Nauma,
hamana Eseli,
hamana Nagai,
26 hamana Mata,
hamana Matatia,
hamana Semeina,
hamana Ioseka,
hamana Ioda,
27 hamana Ioanana,
hamana Resa,
hamana Sorobabela,
hamana
Salatiele,
hamana Neri,
28 hamana Meleki,
hamana Adi,
hamana Kosama,
hamana
Elamadama,
hamana Ere,
29 hamana Iosua,
hamana Eliesere,
hamana Iorima,
hamana Matata,
hamana Lebi,
30 hamana Simeona,
hamana Iuda,
hamana Iosepa,
hamana Ionama,
hamana Eliakima,
31 hamana Melea,
hamana Mena,
hamana Matata,
hamana Natana,
hamana Davida,
32 hamana Iese,
hamana Obeda,
hamana Boa,
hamana Salamone,
hamana Nasona,
33 hamana Aminadab,
hamana Admina,
hamana Areni,
hamana Hesarona,
hamana Pare,
hamana Iuda,
34 hamana Iakobo,
hamana Isako,
hamana Aberahamo,
hamana Tera,
hamana Nahoro,
35 hamana Seruka,
hamana Reu,
hamana Peleka,
hamana Ebere,
hamana Sala,
36 hamana Kainana,
hamana Apasada,
hamana Sema,
hamana Noa,
hamana Lameka,
37 hamana Metusala,
hamana Enoka,
hamana Iareta,
hamana Mahalale,
hamana Kainana,
38 hamana Eno,
hamana Seta,
hamana Adamu,
hamana Tirama.