Libán runëꞌ Juan, bönniꞌ ruquilëꞌ bönachi nisa
3
Cateꞌ chiguca chinu iz rinná béꞌenëꞌ Tiberio César idútë yödzölió,
rinná bëꞌë Poncio Pilato luyú Judea,
ateꞌ Herodes rinná bëꞌë caꞌ luyú Galilea.
Felipe,
bö́chëꞌë Herodes naꞌ,
rinná bëꞌë luyú Iturea,
en luyú Traconite,
ateꞌ Lisanias rinná bëꞌë luyú Abilinia.
San Lucas 3:1-20
2 Yuguꞌ dza naꞌ nácagaquiëꞌ bixúz lo Anás,
en Caifás,
ateꞌ laꞌ náꞌasö Dios bë́ꞌlenëꞌ Juan,
zxíꞌinëꞌ Zacarías,
didzaꞌ cateꞌ niꞌ zoëꞌ Juan lu lataj cáꞌasö.
3 Ridë́ꞌ Juan ni yúguꞌtë lataj nacuáꞌ raꞌ yegu Jordán,
runëꞌ libán ca ral-laꞌ ilaꞌdila nisa nupa tuꞌbíꞌi ládxiꞌgaca para uniti lahuëꞌ Dios dul-laꞌ nabágaꞌgaca.
4 Guca caní ca naꞌ nazúaj lu guichi láꞌayi yuguꞌ didzaꞌ bëꞌë Isaías,
bönniꞌ bëꞌë didzaꞌ uláz queëꞌ Dios,
rnna:
Riyö́n chiꞌë bönniꞌ rulidzëꞌ lu lataj cáꞌasö,
rnnëꞌ:
“Buliꞌpáꞌa nöza lu icja ládxidoꞌoliꞌ para idxín Xanruꞌ queë́liꞌ.
Buliꞌbéaj li yuguꞌ nöza lasi ga tödëꞌ.
5 Ral-laꞌ ulígaca yúguꞌtë gapa naca rögaꞌ,
en uluꞌhuöáca lachiꞌ yúguꞌtë guíꞌa sibi,
en guíꞌadoꞌ.
Ral-laꞌ uluꞌrúaj li nöza nayecja nabíꞌigaca,
ateꞌ uluꞌhuöáca dxiꞌa nöza guiö́j.
6 Ilaꞌléꞌeni yúguꞌtë bönachi Bönniꞌ naꞌ isö́l-lëꞌë Dios,
Nu usölá bönachi.”
7 Cateꞌ bilaꞌrúaj bönachi zián para ilaꞌdila nisa lu nëꞌë Juan,
lëꞌ gudxëꞌ légaquiëꞌ:
―Libiꞌiliꞌ,
diꞌa dza quégacabaꞌ bëla síniaꞌ.
¿Zoa nu buluíꞌi libíꞌiliꞌ ral-laꞌ izxúnnajliꞌ yöl-laꞌ rusiúdxi siꞌ gaca quégaca bönachi?
8 Naꞌa,
guliꞌgún le ilaca bëꞌ chibubíꞌi ládxiꞌliꞌ,
en bitiꞌ saꞌ ládxiꞌliꞌ,
bitiꞌ innaliꞌ:
“Nácatuꞌ tsahuiꞌ tuꞌ nácatuꞌ diꞌa dza queëꞌ Abraham”,
tuꞌ reaꞌ libíꞌiliꞌ,
huáca quélëꞌë Dios yuguꞌ guiö́j ni,
en gunëꞌ ga uluꞌhuöáca diꞌa dza queëꞌ Abraham.
9 Nácaliꞌ ca yuguꞌ yaga.
Chizóa riböza guíë huága para ichugu yuguꞌ yaga.
Yúguꞌtë yaga bitiꞌ taꞌbía le naca dxiꞌa,
ilaꞌchúguiëꞌ yaga naꞌ,
en ilaꞌguꞌë léguequi lu guíꞌ.
10 Níꞌirö bönachi nacuáꞌ niꞌ gulaꞌnabi lëꞌ,
taꞌnná:
―¿Nacxi gúntsatuꞌ?
11 Bubiꞌë didzaꞌ Juan,
rëꞌ légaquiëꞌ:
―Nu dë chopa cöꞌ zxe ral-laꞌ unödzaj que nu bitiꞌ dë que,
ateꞌ nu dë le gagu,
lëscaꞌ caní ral-laꞌ quisi quégaca nupa bitiꞌ dë le ilágugaca.
12 Bal-lëꞌ bönniꞌ tuꞌquizxjëꞌ lázagaca bönachi uláz que yödzö ziꞌtuꞌ bilaꞌdxinëꞌ caꞌ niꞌ para ilaꞌdilëꞌ nisa,
ateꞌ gulaꞌnábinëꞌ lëꞌ,
taꞌnnë́ꞌ:
―Bönniꞌ usëdi,
¿nacxi gúntsatuꞌ netuꞌ?
13 Juan gudxëꞌ légaquiëꞌ:
―Bitiꞌ uquízxjaröliꞌ tsca le chigunnë́ꞌ bönniꞌ yúꞌuliꞌ lu nëꞌë.
14 Bal-lëꞌ bönniꞌ röjáquiëꞌ gudil-la gulaꞌnábinëꞌ caꞌ lëꞌ,
taꞌnnë́ꞌ:
―¿Nazxi netuꞌ,
nacxi guntuꞌ?
Juan gudxëꞌ légaquiëꞌ:
―Bítiꞌrö gun gádxiliꞌ bönachi para cúaliꞌ le dë quéguequi.
Bítiꞌrö innëliꞌ quégaca bönachi le cabí nácatë para gunliꞌ ga ilaꞌguizxaj libíꞌiliꞌ,
pero guliꞌtsaza ládxiꞌliꞌ tsca rázxjaliꞌ.
15 Taꞌzáꞌ ládxiꞌgaca bönachi naꞌ taꞌböza Bönniꞌ naꞌ ral-laꞌ isö́l-lëꞌë Dios,
channö náquiëꞌ Juan naꞌ Bönniꞌ lëꞌ Cristo.
16 Bubiꞌë didzaꞌ Juan,
gudxëꞌ yúguꞌtëꞌ,
rnnëꞌ:
―Le nácatë nedaꞌ ruquilaꞌ libíꞌiliꞌ nisa,
pero zëꞌë Bönniꞌ gunëꞌ le ruluíꞌisö yöl-laꞌ ridila nisa ni,
ichíziëꞌ libíꞌiliꞌ Dios Böꞌ Láꞌayi,
en le naca guíꞌ queëꞌ.
Bönniꞌ ni náparëꞌ yöl-laꞌ unná bëꞌ ca nedaꞌ,
ateꞌ nedaꞌ bitiꞌ nacaꞌ lesacaꞌ ilecjaꞌ le nudë́ꞌë niꞌe.
17 Zönëꞌ lu nëꞌë böcö́ꞌ queëꞌ,
ateꞌ ulubëꞌ ga rilubi zxoaꞌ xtila queëꞌ,
lë ni ruluíꞌi le gaca quégaca bönachi.
Utubëꞌ zxoaꞌ xtila,
en cuꞌë le xilataj,
pero bëbu que uzéguiꞌë lu guíꞌ le catu caz ulu.
18 Ca nácagaca didzaꞌ ni,
en iaꞌzícaꞌrö zián didzaꞌ le guchíziëꞌ icja nágagaca bönachi,
benëꞌ libán Juan lógaquiëꞌ que didzaꞌ dxiꞌa.
19 Juan naꞌ buzéguiꞌë didzaꞌ Herodes,
bönniꞌ rinná bëꞌë,
tuꞌ zóalenëꞌ-nu Herodías,
nigula queëꞌ Felipe,
bönniꞌ bö́chëꞌë,
encaꞌ tuꞌ runëꞌ zián le ruáꞌ döꞌ.
20 Níꞌirö benëꞌ Herodes tu le nácarö huiáꞌ döꞌ,
guluꞌë Juan naꞌ lidxi guíë.
Ridíleꞌ Jesús nisa
21 Dza naꞌ cateꞌ cabí nadzunëꞌ Juan lidxi guíë,
cateꞌ niꞌ ruquilëꞌ bönachi nisa,
bidilëꞌ caꞌ Jesús nisa.
Cateꞌ niꞌ rulidzëꞌ Dios,
guyalaj lúzxiba,
San Lucas 3:21-38
22 ateꞌ bötjëꞌ Dios Böꞌ Láꞌayi,
bidxinëꞌ ga naꞌ zoëꞌ Jesús.
Buluíꞌi lahuëꞌ,
rinë́ꞌë ca rináꞌ tubaꞌ guꞌdödoꞌ,
ateꞌ biyö́n chiꞌi Nu ruíꞌi didzaꞌ yehuaꞌ yubá,
rnna:
―Liꞌ nacuꞌ Zxíꞌinaꞌ.
Nadxíꞌidaꞌ Liꞌ,
en raza ládxaꞌa Liꞌ.
Yuguꞌ xuz xinëꞌe gudödi queëꞌ Jesús
23 Cateꞌ gusí lahuëꞌ runëꞌ xichinëꞌ Jesús,
yuꞌë ca chi uruáꞌ iz.
Téquiguequi bönachi náquiëꞌ zxíꞌinëꞌ José.
Jesús náquiëꞌ zxíꞌini xiꞌsóëꞌ Elí,
nu naꞌ náquiëꞌ xúzinu María,
nigula queëꞌ José naꞌ.
24 Elí naꞌ gúquiëꞌ zxíꞌinëꞌ Matat,
nu ni guca zxíꞌinëꞌ Leví,
nu ni guca zxíꞌinëꞌ Melqui,
nu ni guca zxíꞌinëꞌ Jana,
nu ni guca zxíꞌinëꞌ iaꞌtúëꞌ José.
25 José ni gúquiëꞌ zxíꞌinëꞌ Matatías,
nu ni guca zxíꞌinëꞌ Amós,
nu ni guca zxíꞌinëꞌ Nahum,
nu ni guca zxíꞌinëꞌ Esli,
nu ni guca zxíꞌinëꞌ Nagai.
26 Nagai naꞌ gúquiëꞌ zxíꞌinëꞌ Mat,
nu ni guca zxíꞌinëꞌ iaꞌtúëꞌ Matatías,
nu ni guca zxíꞌinëꞌ Semei,
nu ni guca zxíꞌinëꞌ iaꞌtúëꞌ José,
nu ni guca zxíꞌinëꞌ Judá.
27 Judá naꞌ gúquiëꞌ zxíꞌinëꞌ Joana,
nu ni guca zxíꞌinëꞌ Resa,
nu ni guca zxíꞌinëꞌ Zorobabel,
nu ni guca zxíꞌinëꞌ Salatiel,
nu ni guca zxíꞌinëꞌ Neri.
28 Neri naꞌ gúquiëꞌ zxíꞌinëꞌ iaꞌtúëꞌ Melqui,
nu ni guca zxíꞌinëꞌ Adi,
nu ni guca zxíꞌinëꞌ Cosam,
nu ni guca zxíꞌinëꞌ Elmodam,
nu ni guca zxíꞌinëꞌ Er.
29 Er naꞌ gúquiëꞌ zxíꞌinëꞌ Josué,
nu ni guca zxíꞌinëꞌ Eliezer,
nu ni guca zxíꞌinëꞌ Jorim,
nu ni guca zxíꞌinëꞌ iaꞌtúëꞌ Matat.
30 Matat naꞌ gúquiëꞌ zxíꞌinëꞌ Leví,
nu ni guca zxíꞌinëꞌ Simeón,
nu ni guca zxíꞌinëꞌ Judá,
nu ni guca zxíꞌinëꞌ iaꞌtúëꞌ José,
nu ni guca zxíꞌinëꞌ Jonán,
nu ni guca zxíꞌinëꞌ Eliaquim.
31 Eliaquim naꞌ gúquiëꞌ zxíꞌinëꞌ Melea,
nu ni guca zxíꞌinëꞌ Mainán,
nu ni guca zxíꞌinëꞌ Matata,
nu ni guca zxíꞌinëꞌ Natán.
32 Natán naꞌ gúquiëꞌ zxíꞌinëꞌ David,
nu ni guca zxíꞌinëꞌ Isaí,
nu ni guca zxíꞌinëꞌ Obed,
nu ni guca zxíꞌinëꞌ Booz,
nu ni guca zxíꞌinëꞌ Salmón,
nu ni guca zxíꞌinëꞌ Naasón.
33 Naasón naꞌ gúquiëꞌ zxíꞌinëꞌ Aminadab,
nu ni guca zxíꞌinëꞌ Aram,
nu ni guca zxíꞌinëꞌ Esrom,
nu ni guca zxíꞌinëꞌ Fares,
nu ni guca zxíꞌinëꞌ iaꞌtúëꞌ Judá.
34 Judá naꞌ gúquiëꞌ zxíꞌinëꞌ Jacob,
nu ni guca zxíꞌinëꞌ Isaac,
nu ni guca zxíꞌinëꞌ Abraham,
nu ni guca zxíꞌinëꞌ Taré,
nu ni guca zxíꞌinëꞌ Nacor.
35 Nacor naꞌ gúquiëꞌ zxíꞌinëꞌ Serug,
nu ni guca zxíꞌinëꞌ Ragau,
nu ni guca zxíꞌinëꞌ Peleg,
nu ni guca zxíꞌinëꞌ Heber,
nu ni guca zxíꞌinëꞌ Sala.
36 Sala naꞌ gúquiëꞌ zxíꞌinëꞌ Cainán,
nu ni guca zxíꞌinëꞌ Arfaxad,
nu ni guca zxíꞌinëꞌ Sem,
nu ni guca zxíꞌinëꞌ Noé,
nu ni guca zxíꞌinëꞌ Lamec.
37 Lamec naꞌ gúquiëꞌ zxíꞌinëꞌ Matusalén,
nu ni guca zxíꞌinëꞌ Enoc,
nu ni guca zxíꞌinëꞌ Jared,
nu ni guca zxíꞌinëꞌ Mahalalel,
nu ni guca zxíꞌinëꞌ iaꞌtúëꞌ Cainán.
38 Cainán naꞌ gúquiëꞌ zxíꞌinëꞌ Enós,
nu ni guca zxíꞌinëꞌ Set,
nu ni guca zxíꞌinëꞌ Adán,
nu ni guca ca zxíꞌini cazëꞌ Dios.