Biban Jesúzaꞌ ladj beṉꞌ wetkaꞌ
16
Naꞌ ka wde lla sabdaꞌ, llanaꞌ chombaaṉ beṉꞌ Israelkaꞌ, María beṉꞌ Magdálanaꞌ len Saloménaꞌ, naꞌch María, x̱naꞌ Jacóbonaꞌ, wxiꞌgakeꞌ diikaꞌ chḻaꞌ zix̱ kwenc̱he wllaꞌgakeꞌn kwerp c̱he Jesúzaꞌ.
San Marcos 16:1-20
2 Naꞌ lla nech c̱he xmannaꞌ, shinzə chlaꞌ wbilldoꞌnaꞌ, wyajgakeꞌ choꞌa ba c̱heꞌnaꞌ.
3 Naꞌ ka zejgakeꞌ cheꞌ ljwellgakeꞌ:
―¿Nora gaklen choꞌ wkwaseꞌ yajaꞌ daa chiꞌ choꞌa ba c̱heꞌnaꞌ, lla?
4 Per ka bllingakeꞌ, bleꞌgakileꞌ bich chiꞌ yaj xennaꞌ choꞌa banaꞌ.
5 Naꞌ ka wyoogakeꞌ ḻoo banaꞌ, bleꞌgakileꞌ chiꞌ to beṉꞌ xkwidꞌ de shḻi c̱he banaꞌ nakweꞌ to lechꞌ llyish dii toṉ. Naꞌ ḻe blleb noolkaꞌ.
6 Naꞌ chiꞌe ḻegakeꞌ:
―Bi illeble. Leꞌ chiyiljle Jesús, beṉꞌ Nazaretaꞌ, beenaꞌ bdaꞌgakeꞌ ḻee yag cruzaꞌ. Ba biban beenaꞌ, bich zoeꞌ ni. Ḻi wwiakachi ganaꞌ wdix̱jgakeꞌneꞌ.
7 Ḻi yiyaj lao beṉꞌkaꞌ nakgakeꞌneꞌ txen naꞌ len lao Pédronaꞌ, naꞌ ḻi lljayellgakeꞌ: “Ba ziyajeꞌ zjalezeꞌ leꞌ Galileanaꞌ, naꞌ naꞌ yileꞌileꞌneꞌ sto shii, kon ka wneꞌ leꞌ.”
8 Naꞌch bichej noolkaꞌ ḻoo banaꞌ ziyajdogakeꞌ ax̱t chxiztitgakeꞌ daa ḻe chllebgakeꞌ. Naꞌ kono bi gollgakeꞌ daa ḻe bllebgakeꞌ.
Bliꞌlao Jesúzaꞌ María beṉꞌ yell Magdálanaꞌ
9 Naꞌ ka biban Jesúzaꞌ ladj beṉꞌ wetkaꞌ lla nech c̱he xmannaꞌ shzildoꞌ, zigaate bliꞌlaweꞌ María beṉꞌ yell Magdálanaꞌ, beenaꞌ bibej Jesúzaꞌ gall dii x̱iwꞌkaꞌ.
10 Naꞌ Maríanaꞌ wyajeꞌ lao beṉꞌkaꞌ wdalen Jesúzaꞌ txen. Naꞌ ka bllineꞌ laweꞌkaꞌ ḻe chakyeshꞌgakileꞌ naꞌ chbellgakeꞌ, naꞌ golleꞌ ḻegakeꞌ ba biban Jesúzaꞌ.
11 Naꞌ ka beni beṉꞌki mban Jesúzaꞌ naꞌ ba bleꞌteyi Maríanaꞌneꞌ, bi wyajḻeꞌgakeꞌ.
Bliꞌlao Jesúzaꞌ c̱hop beṉꞌkaꞌ nakgakeꞌneꞌ txen
12 Ka biyoll gok kaꞌ, c̱hop beṉꞌkaꞌ nak Jesúzaꞌ txen ngoogakeꞌ nez zejgakeꞌ lyix̱aa, naꞌ bliꞌlaweꞌ ḻegakeꞌ naꞌ nakeꞌ nllaꞌlə.
13 Naꞌ biyajgakeꞌ ganaꞌ lleꞌ beṉꞌkaꞌ sto, jayellgakeꞌ ḻegakeꞌ ba bleꞌgakileꞌneꞌ, naꞌ ni c̱hegakeꞌ bi wyajḻeꞌgakeꞌ.
Jesúzaꞌ golleꞌ beṉꞌkaꞌ nakgakeꞌneꞌ txen weꞌgakeꞌ xtilleenaꞌ doxen lo yell-lioni
14 Naꞌ wdetech, bliꞌlao Jesúzaꞌ beṉꞌkaꞌ shnej shlak chiꞌgakeꞌ chaogakeꞌ. Naꞌ bsheshleneꞌ ḻegakeꞌ daa bi chajḻeꞌgakeꞌ naꞌ daa nakgakeꞌ lallꞌdoꞌ c̱hec̱h, ḻaꞌ bi wyajḻeꞌgakeꞌ c̱he beṉꞌkaꞌ bleꞌgakileꞌneꞌ ka wde bibaneꞌ.
15 Naꞌ chiꞌe ḻegakeꞌ:
―Ḻi shaj doxen yell-lioni, ḻi lljtix̱jeꞌi yogꞌḻoḻ beṉꞌ dillꞌ wen dillꞌ kob c̱haꞌnaꞌ.
16 Beenaꞌ shajḻeꞌ naꞌ c̱hoeꞌ nisaꞌ, gatꞌ yeḻꞌ mban c̱heꞌ zejḻi kaṉi, san beenaꞌ bi shajḻeꞌ, c̱hogbiꞌa kwiayee.
17 Naꞌ diikin gon beṉꞌkaꞌ nonḻilallꞌ nadꞌ: wc̱hingakeꞌ liaꞌnaꞌ yibejgakeꞌ dii x̱iwaa yoo beṉꞌ; naꞌ iṉegakeꞌ dillꞌ kob dii bi nombiaꞌgakeꞌ;
18 naꞌ shi gonzin gox̱ꞌgakeꞌ no beḻ wa yeejgakeꞌ dii nak yierb, aga bi gakgakileꞌ. Naꞌ ḻekzkaꞌ wx̱oa neekaꞌ yic̱hj beṉꞌ weꞌkaꞌ naꞌ yiyakgakileꞌ.
Biyep Jesúzaꞌ yabanaꞌ