Corinto markaqa Grecia nacioncho kaykaq Acaya provinciachömi karqan. Tsaychömi apóstol Pablo tarqan juk wata y soqta killa Jesucristupa willakuyninta yachatsir. Corintucho Pablo kaykaptin ima päsanqankunatapis musyanaykipä liyinki Hech. 18.1-17.

Corinto markacho taq wawqikunaman panikunaman punta kaq cartata cartakuptinmi wakinkuna niyarqan: “Pabluqa manami Jesucristupa apostolnintsu. Tsaynö kaykaptinqa pay ninqankunaman ama yärakushuntsu”.

Tsaynö niyanqanta musyaskirmi kikin Pablo tantiyatsiq aywarqan. Aywar tantiyatsiptinpis wakinkuna mana chaskiyaptinmi Éfesuman llakishqa kutirqan. Tsaypitanami juk cartata Tituwan apatsirqan (2Cor. 2.1-4). Tsay cartata chaskiskirnami Corinto wawqikuna panikuna tantiyakuyarqan (2Cor. 7.8-10). Tsaypita kushikurnami kay cartata apóstol Pablo cartakurqan.