Galacia provinciacho apóstol Pablo willakunqanpita aywakuptinmi Israel nacionpita shamuq llutan yachatsikuqkuna Pablupa contran parlar niyarqan: “Pabluqa manami rasunpaypatsu apóstol”.

Tsaymi llutan yachatsikuqkunata mana chaskiyänanpä wawqikunata panikunata apóstol Pablo kay cartacho tantiyatsirqan (Gál. 1.11—2.21).

Tsaynöllami tsay llutan yachatsikuqkuna niyarqan: “Jesucristuman yärakushqa karpis salvashqa kayänaykipäqa Moisés qellqanqan leykunatarä cumpliyay”.

Tsaynö yachatsirmi cuerpunkunacho señalakuyänanpä niyarqan. Tsaymi apóstol Pablo kay cartacho tantiyatsirqan tsay leykuna Tayta Diospa kaptinpis Jesucristo shamunqanyaqlla cäsukuyänanpä kanqanta (Gál. 3.1—5.12).

Jesucristuman yärakuqkuna jutsata rurayänanta mana munarmi kay cartacho apóstol Pablo yachatsirqan Espíritu Santupa munayninchöna kawayänanpä kanqanta (Gál. 5.13—6.10).