Pilatuman Jesústa apayanqan
15
Tsaypita patsa waraykaptinnami mandaq sacerdötikuna, Israel mayor runakuna, ley yachatsikuqkuna y llapan Sanedrín juezkunapis qorikaykur Jesústa wanutsiyänanpä willanakuyarqan. Willanakuskirnami Jesústa wataykur Pilatuman apayarqan.
Marcos 15.1-32
Jesúsnami nirqan: “Rasun kaqtami nishqayki”.
3 Tsaychömi mandaq sacerdötikuna Jesúspa contran imaykata niyarqan. 4 Tsaymi Jesústa Pilato yapay tapurqan: “¿Manaku imatapis ninki imaykata contrayki niyaptin?”
5 Tsaynö niptinpis Jesús manami imatapis parlakurqantsu. Tsaymi Pilato mantsakashqa ima niytapis kamäpakurqantsu.
Jesústa crucificayänanpä Pilato mandanqan
6 Cada watami Pascuacho runakuna mañakuyanqan prësuta Pilato kachariq. 7 Tsay watami Barrabás jutiyuq runa prësu wichqaraykarqan. Paymi autoridäkunapa contran shärinqanpita y runata wanutsinqanpita wanutsikuq mayinkunawan carcelcho wichqaraykarqan. 8 Tsaymi Pilatuman runakuna aywaykur juk prësuta tsay watapis kacharinanpä mañakuyarqan. 9 Pilatunami tapurqan: “¿Munayankiku Israel runakunapa mandaqnin reyta kachänäta?”
10 Pilatuqa musyarqanmi Jesústa chikir mandaq sacerdötikuna payman prësu apayanqanta.
11 Tsaynö niptinmi mandaq sacerdötikuna tsaycho kaykaq runakunata yachatsiyarqan: “Barrabásta kachariy” niyänanpä. 12 Barrabásta kachänanpä niyaptinmi Pilato nirqan: “Israel runakunapa mandaqnin reyta ¿imatatä rurashä?”
13 Tsaynö niptinmi jinchi niyarqan: “¡Crucificay!”
14 Pilatunami tapurqan: “¿Ima jutsatatä rurashqa?”
Tsaynö niptinpis runakuna masrä qayararmi niyarqan: “¡Crucificay!”
15 Tsaynö niyaptinmi runakunapita alli rikashqa kayta munar Barrabásta Pilato kacharirqan. Jesústanami pasaypa asutaykatsir crucificayänanpä soldädukunaman entregarqan.
Jesústa soldädukuna asipäyanqan
16 Tsaypitanami soldädukuna Jesústa apayarqan Pilatupa despächunpa patiunman. Llapan tröpaa soldädukuna tsayman qorikaykurmi 17 granäti cäpata aqshurkatsir kashapita awrishqa corönata umanman jatitsiyarqan. 18 Tsaynö jatirkatsirmi asipar niyarqan: “¡Alabashqa katsun Israel runakunapa mandaqnin rey!”
19 Tsaypitanami shoqushwan Jesústa umacho wiruyarqan. Toqapurmi adoraq tukurnin ñöpanman qonqurikuyarqan. 20 Tsaynö asiparmi granäti cäpata llushtiskatsir kikinpa latsapantana jatitsiyarqan. Nirkurmi crucificaq apayarqan.
Jesústa crucificayanqan
21 Jesústa crucificayänanpä apaykäyaptinmi Simón jutiyuq runa chakrapita kutiykämurqan. Payqa Cirene nacionpitami y Alejandrupa y Rufupa taytanmi karqan.† Paytami Jesús apaykanqan cruzta umrutsiyarqan. 22 Tsaypitanami Jesústa chätsiyarqan Gólgota niyanqanman. Gólgota ninanqa Calavëra Sitiu ninanmi. 23 Tsaycho mïrrawan takushqa vïnuta uputsiyta munayaptinpis manami upuyta munarqantsu.b
24 Jesústa crucificaskirnami latsapanta mayqanpis apakunanpä suertita jitayarqan.† 25 Crucificayanqan hörami tuta las nuëvinö karqan. 26 Imapita wanutsiyanqantapis runakuna musyayänanpämi letrërucho kaynö qellqararqan: “Kay runami Israel runakunapa mandaqnin rey”.
27 Jesús crucificaraykanqan lädunmanmi ishkay ladronkunatapis crucificayarqan, juknin kaqta derëchanman y jukaqtana itsuqninman. 28 [Tsay ladronkunatawan crucificarmi Tayta Diospa palabrancho kaynö ninqanta cumpliyarqan: “Jutsasapa runatanömi rikayarqan”.]†
29 Jesús crucificaraykaqta rikarmi tsaypa päsaq runakuna asipäyarqan. Umankunata awiparmi† niyarqan: “¡Väya! Templutapis juchuskatsir kimsa junaqllata shäritsinaykipä nikarqa† 30 mä salvakur cruzpita yarpamuy”.
31 Tsaynöllami mandaq sacerdötikuna y ley yachatsikuqkunapis Jesústa asipar kikinpura niyarqan: “Wakinta salvarpis kikinqa manami salvakuyta kamäpakuntsu. 32 Israel runakunapa mandaqnin rey Cristo karqa mä cruzpita yarpamutsun. Yarpamuptinqa criyishunmi”.
Tsaynöllami Jesúspa läduncho crucificaraykaq runakunapis burlakuyarqan.
Jesús wanunqan
33 Pullan junaqpita hasta las tresyaqmi patsa tsakaskirqan.
Marcos 15.33-47
Tsay ninanqa “Tayta Dios, Tayta Dios, ¿imanirtä kachariykamashqayki?” ninanmi.†
35 Tsaynö ninqanta wiyarmi tsaycho kaykaq wakin runakuna niyarqan: “Profëta Elíastami qayaykan”.
36 Tsaynö niyaptinmi juk runa ras aywar pochquq vïnuman esponjata ushmaskatsir shoqushpa puntanman watarqan. Tsayta Jesúspa shiminman shoqunanpä churarmi† nirqan: “Mä rikashun cruzpita jipinanpä Elías shamunäkush”.
37 Tsaypitanami jinchi qayaraskir Jesús wanuskirqan. 38 Tsay hörami templu rurincho tsaparaq cortïna† janapita urayaq rachiskirqan. 39 Jesúspa ñöpancho kaykaq capitanpis Jesús [qayaranqanta wiyar y] wanunqanta rikarmi nirqan: “¡Rasunpaypami kay runaqa Diospa Tsurin kashqa!”
40 Tsaychömi warmikunapis karullapita rikaraykäyarqan. Paykunawanmi kaykäyarqan María Magdalena, Santiagupa y Josépa maman María y Salomépis. 41 Tsay warmikunami Galileacho Jesús puriptin yanapar qatiräyarqan.† Tsaynöllami tsaycho kaykäyarqan Jesúswan Jerusalénman aywaq atskaq warmikunapis.
Jesústa pampayanqan
42 Jamay junaqpä kamarikuyänan junaq tardina kaptinmic 43 mana mantsariypa Arimateapita José Pilatuman aywarnin rugakur nirqan: “Jesúspa ayanta pampanäpä kachapaykallämay”.
Joséqa Israel runakunapa autoridäninmi karqan. Paypis Tayta Diospa mandakuynintami shuyaraykarqan.
44 Tsaynö rugaptinmi Pilato yarpachakur nirqan: “¿Wanushqanatsurä kanman?” Tsaymi wanunqanta musyananpä capitanta qayatsirqan. 45 Wanushqana kanqanta willaptinmi Jesúspa ayanta pampananpä Joséta awnirqan.