Marcos jutiyuq runami Jesucristo ruranqankunata musyanantsikpä kay libruta qellqarqan. Paymi apóstol Pabluwan y Bernabéwan purir Jesucristupa willakuyninta willakurqan. Marcuspita masta musyanaykipä liyinki Hech. 12.12, 25; 13.4-5, 13; 15.36-39; Col. 4.10; 2Tim. 4.11; 1Ped. 5.13.

Mana Israel runakuna Jesucristupita yachakuyänanpämi shumaq yarpachakuskir Marcos qellqarqan. Kay libruchömi tantiyatsimantsik Jesús Diospa Tsurin kanqanta, Dios kachamunqan Cristo kanqanta, munayyuq kanqanta, atskaq runakuna payta qatiräyanqanta y salvamaqnintsik kanqanta.