Rucúdzuꞌë didzaꞌ Jesús ca naca que laní que yöl-laꞌ rutsaga naꞌ
22
Jesús bë́ꞌlenëꞌ légaquiëꞌ didzaꞌ leyúbölö,
ateꞌ bucúdzuꞌë didzaꞌ,
rnnëꞌ:
2 ―Ca gaca quégaca nupa ilaꞌyaza ga rinná bëꞌë Dios yehuaꞌ yubá naca ca guca quégaca nupa bulidzëꞌ tu bönniꞌ rinná bëꞌë cateꞌ benëꞌ laní que dza utsaga náꞌabiꞌ biꞌi bönniꞌ queëꞌ.
3 Gusö́l-lëꞌë niꞌa nëꞌë tsöjxíꞌgaquiëꞌ yuguꞌ bönniꞌ chinulidzëꞌ para guídagaquiëꞌ laní queë́biꞌ,
pero bitiꞌ gulë́ꞌënëꞌ guídagaquiëꞌ.
4 Níꞌirö gusö́l-lëꞌë iaꞌzícaꞌrëꞌ niꞌa nëꞌë,
en gudxëꞌ légaquiëꞌ:
“Guliꞌtsöjö́dxitsöcaꞌ nupa naꞌ chinulidzaꞌ,
naꞌ guië́liꞌ légaquiëꞌ:
Buliꞌyútsöcaꞌ,
chinupáꞌa laꞌ huagu.
Chibë́tiaꞌ-baꞌ yuguꞌ xpëdxaꞌ,
en yuguꞌ böaꞌ bëdxi renniꞌ quiaꞌ.
Yúguꞌtë chinupáꞌa.
Guliꞌdá,
sóaruꞌ laní queë́biꞌ biꞌi bönniꞌ quiaꞌ utsaga náꞌabiꞌ.”
5 Yuguꞌ bönniꞌ naꞌ yöjlídzagaquiëꞌ bitiꞌ gulunëꞌ légaquiëꞌ bal,
ateꞌ yöjáquiëꞌ que queë́gaquiëꞌ.
Tuëꞌ yöjenëꞌ dxin,
en iaꞌtúëꞌ guyijëꞌ tsöjöꞌu tsöjë́tiꞌë.
6 Iaꞌzícaꞌrëꞌ gulaꞌzönëꞌ yuguꞌ niꞌa nëꞌë naꞌ,
ateꞌ guluꞌë döꞌ quégaquiëꞌ,
en bë́tgaquiëꞌ légaquiëꞌ.
7 Cateꞌ bönniꞌ naꞌ rinná bëꞌë biyönnëꞌ lë ni,
gulénëꞌ,
en gusö́l-lëꞌë yuguꞌ bönniꞌ queëꞌ röjáquiëꞌ gudil-la,
ateꞌ bë́tigaquiëꞌ yuguꞌ bönniꞌ hueti bönachi naꞌ,
en buluꞌquélëꞌë guíꞌ ládzagaquiëꞌ.
8 Níꞌirö bönniꞌ naꞌ rinná bëꞌë gudxëꞌ yuguꞌ niꞌa nëꞌë,
gunnë́ꞌ:
“Le nácatë chinupáꞌa que laní naꞌ,
pero yuguꞌ bönniꞌ bulidzaꞌ bitiꞌ guláquiëꞌ lesacaꞌ guídagaquiëꞌ laní quiaꞌ.
9 Guliꞌtséajtsöcaꞌ gapa naca laꞌ nöza,
en buliꞌlidza yúguꞌtë nupa tsöjxácaꞌliꞌ niꞌ para guídagaca laní queë́biꞌ biꞌi bönniꞌ quiaꞌ utsaga náꞌabiꞌ.”
10 Níꞌirö bilaꞌrúajëꞌ niꞌa nëꞌë naꞌ,
söjáquiëꞌ gapa naca laꞌ nöza,
ateꞌ buluꞌtubëꞌ yúguꞌtë nupa yöjxácaꞌgaquiëꞌ,
yuguꞌ bönniꞌ dxiꞌa,
en yuguꞌ bönniꞌ tuáꞌ döꞌ,
ateꞌ ga naꞌ raca laní bilírö bönachi.
11 ’Cateꞌ guyáziëꞌ bönniꞌ naꞌ rinná bëꞌë para uyúëꞌ nupa niꞌ nudúbigaca,
biléꞌenëꞌ tu bönniꞌ bitiꞌ nácuëꞌ lariꞌ tsahuiꞌ le bunödzjëꞌ quégaquiëꞌ bönniꞌ nacuꞌë laní naꞌ.
12 Níꞌirö gudxëꞌ bönniꞌ naꞌ:
“Bö́nniꞌdoꞌ,
¿zóatsoꞌ ni,
en bitiꞌ nacuꞌ lariꞌ tsahuiꞌ bunödzjaꞌ quégaca nupa nacuáꞌ laní?”
Bönniꞌ naꞌ busayaj ruꞌë.
13 Níꞌirö bönniꞌ naꞌ rinná bëꞌë gudxëꞌ nupa naꞌ tun xichinëꞌ,
gunnë́ꞌ:
“Guliꞌgugaꞌ niꞌa nëꞌë bönniꞌ ni.
Guliꞌtsöjchúꞌun-nëꞌ níꞌilö ga naꞌ röꞌö chul-la.
Niꞌ cödxëꞌ,
en utíl-la láyëꞌë,
lu yöl-laꞌ ruhuíꞌini queëꞌ.”
14 Níꞌirö Jesús gudxëꞌ légaquiëꞌ:
―Zian nupa nulidzaꞌ,
pero nabábasö nupa ilaꞌrö́gaca.
Jesús ruꞌë didzaꞌ ca naca le riguízxaj lázaruꞌ
15 Níꞌirö yuguꞌ bönniꞌ yudoꞌ fariseo naꞌ buluꞌzë́ꞌë niꞌ,
ateꞌ gulún xtídzaꞌgaquiëꞌ ilunëꞌ ga bi innë́ꞌ Jesús para gaca uluꞌzéguiëꞌ Lëꞌ didzaꞌ.
16 Para ilunëꞌ caní,
gulaꞌsö́l-lëꞌë bal-lëꞌ bönniꞌ dáꞌgaquiëꞌ légaquiëꞌ,
len bönniꞌ dáꞌgaquiëꞌ Herodes,
ga zoëꞌ Jesús,
nupa naꞌ gulë́ Jesús:
―Bönniꞌ Usedi,
nöztuꞌ Liꞌ ruꞌu didzaꞌ cátëze naca,
en naca idútë li ca rusédinuꞌ ca naca queëꞌ Dios,
en bitiꞌ ruíꞌi ládxuꞌu le taꞌnná quiuꞌ bönachi,
tuꞌ cabí ruchiꞌa rusörö́uꞌ bönachi ca naca le taꞌnnasö bönachi naꞌ.
17 Gudíxjöiꞌi netuꞌ.
¿Nacxi runi liꞌ?
¿Naruꞌ run bayudxi,
o bitiꞌ run bayudxi quizxaj laztuꞌ queëꞌ César,
bönniꞌ yödzö ziꞌtuꞌ naꞌ rinná béꞌenëꞌ rëꞌu?
18 Réquibeꞌenëꞌ Jesús të́ꞌënnëꞌ uluꞌbéajëꞌ Lëꞌ didzaꞌ,
ateꞌ gudxëꞌ légaquiëꞌ:
―Libiꞌiliꞌ,
bönniꞌ ruluíꞌisö tsahuiꞌ cuinliꞌ,
¿bizx que ruíꞌiliꞌ didzaꞌ le ruzóa nedaꞌ raꞌ guíꞌa?
19 Buliꞌluíꞌi nedaꞌ dumí le riguízxaj lázaliꞌ.
―¿Nuzxi lahui daꞌ ni,
en nuzxi le nazúaj lëꞌe dumí ni?
21 Tëꞌ Lëꞌ:
―Queëꞌ César naꞌ.
Níꞌirö Jesús gudxëꞌ légaquiëꞌ:
―Guliꞌguízxjëꞌ César le nequi queëꞌ César,
ateꞌ Dios le nequi queëꞌ Dios.
22 Cateꞌ bilaꞌyönnëꞌ lë ni,
buluꞌbáninëꞌ ca naca didzaꞌ tsahuiꞌ bubiꞌë Jesús,
ateꞌ buluꞌcáꞌanëꞌ Lëꞌ,
söhuö́ajtëgaquiëꞌ.
Taꞌnabi yúdxinëꞌ Jesús ca uluꞌbán nupa chinátigaca
23 Laꞌ dza náꞌasö yuguꞌ bönniꞌ yudoꞌ saduceo,
bönniꞌ naꞌ taꞌnnë́ꞌ bitiꞌ uluꞌbán nupa chinátigaca,
bilaꞌdxinëꞌ ga zoëꞌ Jesús,
ateꞌ gulaꞌnábinëꞌ Lëꞌ,
24 taꞌnnë́ꞌ:
―Bönniꞌ Usedi,
Moisés gunnë́ꞌ:
“Channö gátiëꞌ tu bönniꞌ zóanu nigula queëꞌ,
en cuntu nu biꞌi zóabiꞌ queëꞌ,
níꞌirö biꞌi bö́chëꞌë bönniꞌ naꞌ ral-laꞌ utsaga náꞌalenbiꞌ-nu nigula uzëbi queëꞌ,
para cabí initi diꞌa dza queëꞌ bönniꞌ bö́chiꞌbiꞌ naꞌ.”
25 Gulaꞌcuáꞌabiꞌ gadxi biꞌi bönniꞌ ga zóatuꞌ,
naca bö́chiꞌgacabiꞌ.
Biꞌi zíꞌalö naꞌ butsaga náꞌalenbiꞌ-nu nigula,
ateꞌ gútitëbiꞌ.
Tuꞌ cuntu nu biꞌi queë́biꞌ zóabiꞌ,
biꞌi buropi naꞌ butsaga náꞌalenbiꞌ-nu nigula uzëbi queë́biꞌ biꞌi bö́chiꞌbiꞌ naꞌ.
26 Lëscaꞌ caní guca queë́biꞌ biꞌi buropi naꞌ,
encaꞌ queë́biꞌ biꞌi bunni,
en laꞌ tuz ca guca quégacabiꞌ igádxitëbiꞌ,
gulátibiꞌ yúguꞌtëbiꞌ.
27 Ga búdxitë gútinu caꞌ nigula naꞌ.
28 Cateꞌ idxín dza uluꞌbán nupa chinátigaca,
¿núzxilögacabiꞌ biꞌi gadxi niꞌ guéquinu nigula naꞌ queë́biꞌ,
tuꞌ buluꞌtsaga náꞌalenbiꞌ-nu yúguꞌtëbiꞌ nigula naꞌ?
29 Níꞌirö bubiꞌë didzaꞌ Jesús,
ateꞌ rëꞌ légaquiëꞌ:
―Nachíxiliꞌ libíꞌiliꞌ tuꞌ cabí réajniꞌiliꞌ le nazúaj lu guichi láꞌayi,
en tuꞌ cabí núnbëꞌëliꞌ yöl-laꞌ huáca queëꞌ Dios.
30 Cateꞌ idxín dza uluꞌbán nupa chinátigaca,
bítiꞌrö gaca yöl-laꞌ rizóalen nigula,
en bitiꞌ uluꞌtsaga náꞌagaquiëꞌ,
pero gácagaquiëꞌ ca nácagaquiëꞌ gubáz láꞌayi queëꞌ Dios nacuꞌë yehuaꞌ yubá.
31 Ca naꞌ ral-laꞌ uluꞌbán nupa chinátigaca,
¿naruꞌ cabí nulábaniliꞌ lë naꞌ gudxi cazëꞌ Dios libíꞌiliꞌ?
32 Caní gunnë́ꞌ:
“Nedaꞌ nacaꞌ Dios queëꞌ Abraham,
en Dios queëꞌ Isaac,
en Dios queëꞌ Jacob.”
Dios naꞌ bitiꞌ náquiëꞌ Dios quégaca nupa nátigaca tsaz,
pero náquiëꞌ Dios quégaquiëꞌ bönniꞌ ni nabángaquiëꞌ sal-laꞌ gulátiëꞌ.
33 Cateꞌ bilaꞌyöni bönachi nacuáꞌ niꞌ didzaꞌ ni,
buluꞌbani ca naca lë naꞌ rusédinëꞌ Jesús léguequi.
Xibá queëꞌ Dios le naca lo
34 Cateꞌ guléquibeꞌenëꞌ bönniꞌ yudoꞌ fariseo ca benëꞌ Jesús,
busayjëꞌ ruáꞌagaquiëꞌ bönniꞌ yudoꞌ saduceo,
níꞌirö buluꞌdubëꞌ yúguꞌtëꞌ.
35 Tuëꞌ bönniꞌ nútsëꞌë ládjagaquiëꞌ,
en nazëdëꞌ xibá queëꞌ Moisés,
gúꞌunnëꞌ siꞌ bëꞌë Jesús.
36 Que lë ni naꞌ gunábinëꞌ Jesús,
rnnëꞌ:
―Bönniꞌ Usedi,
¿bízxilö xibá queëꞌ Dios naca lo?
37 Jesús rëꞌ lëꞌ:
―Idxiꞌinuꞌ Xanuꞌ Dios idú ládxuꞌu,
en idú icja ládxiꞌdoꞌo,
encaꞌ len idú yöl-laꞌ réajniꞌi quiuꞌ.
38 Xibá ni naca lo,
en nazácaꞌtërö.
39 Xibá naꞌ naca buropi,
laꞌ ca nácatë,
en caní rnna:
“Idxíꞌinuꞌ böchiꞌ luzóꞌo ca nadxíꞌi cuinuꞌ.”
40 Chopa xibá ni nácagaca ga röjlö́z yúguꞌtë le rinná bëꞌ xibá queëꞌ Dios,
en yúguꞌtë le buluꞌsédinëꞌ bönniꞌ guluꞌë didzaꞌ uláz queëꞌ Dios.
¿Nuzxi zxíꞌini náquiëꞌ Cristo?
―¿Nacxi rusácaꞌliꞌ queë́liꞌ queëꞌ Bönniꞌ naꞌ lëꞌ Cristo?
¿Nuzxi zxíꞌini náquiëꞌ?
Buluꞌbiꞌë didzaꞌ,
taꞌnnë́ꞌ:
―Zxiꞌini xiꞌsóëꞌ David náquiëꞌ.
43 Níꞌirö Jesús rëꞌ légaquiëꞌ:
―¿Bizx que naꞌ lë cazëꞌ David bulidzëꞌ Lëꞌ,
gunnë́ꞌ:
“Xanaꞌ”?
Caní gunnë́ꞌ cateꞌ niꞌ bëꞌë didzaꞌ uláz queëꞌ Dios Böꞌ Láꞌayi,
gunnë́ꞌ:
44 Xanruꞌ Dios gudxëꞌ Xanaꞌ:
“Gurö́ꞌö cuita lëꞌa ibëla,
cateꞌ gunraꞌ ga uluꞌzechu zxíbigaca Loꞌ nupa tequi Liꞌ ziꞌ.”
45 Channö David naꞌ gunnë́ꞌ queëꞌ náquiëꞌ Xanëꞌ,
¿nacxi caz naca,
rnnaliꞌ náquiëꞌ zxíꞌini xiꞌsóëꞌ David naꞌ?
46 Cuntu nu guca ubíꞌi didzaꞌ,
ateꞌ ga gusí lo dza naꞌ,
cúnturö nu burugui bi inábini Lëꞌ.