Yang Isinulat Ni MATEO Natëtëngëd Tung Ni Jesu-Cristo
Yang Listaan Yang Mga Kinaampu Ni Jesu-Cristo (1:1-17)
1
Ya ra taa yang listaan yang mga kinaampu ni Jesu-Cristo.
Tanya sasang kanubli ni Adi Davida ig sasa kang kanubli ni Abrahamb.
2-6a Mag̓impisa tung ni Abraham ang asta ra tung ni Adi David sam puluk may ëpat ang ëslëb yang mga kinaampu ni Jesu-Cristo:
1.
Ti Abraham
2.
Ti Isaac
3.
Ti Jacob ang yay tatay na Judang magpurutulc
4.
Ti Juda ang yay tatay ni Fares duruang magkampi ni Zara ang yay ipinangana ni Tamar
5.
Ti Fares
6.
Ti Esrom
7.
Ti Aram
8.
Ti Aminadab
9.
Ti Naason
10.
Ti Salmon
11.
Ti Boaz ang yay ipinangana ni Rahab
12.
Ti Obed ang yay ipinangana ni Ruth
13.
Ti Jesse
14.
Ti Adi David
6b-11 Mag̓impisa tung ni Adi David ang asta tung uras ang atiing pinamiag da yang mga masigka Israel tang kadaklan ang pinangkëlan duun tung Babilonia,
sam puluk si may ëpat ang ëslëb yang mga kinaampu ni Jesu-Cristo:
1.
Ti Adi David
2.
Ti Adi Solomon ang yay ipinangana yang sasang baw̓ay ang ya ra rin ay dating kasawa ni Urias
3.
Ti Adi Roboam
4.
Ti Adi Abias
5.
Ti Adi Asa
6.
Ti Adi Josafat
7.
Ti Adi Joram
8.
Ti Adi Ozias
9.
Ti Adi Jotam
10.
Ti Adi Acaz
11.
Ti Adi Ezequias
12.
Ti Adi Manases
13.
Ti Adi Amond
14.
Ti Adi Josias ang yay apu na Adi Jeconiase ang magpurutul.
Natuun tung pag̓aradiën ni Adi Jeconias ang yang mga masigka Israel tang kadaklan pinamiag dang pinangkëlan duun tung Babilonia.
12-16 Mag̓impisa tung uras ang atiing pangkël tung nira ang asta tung pagkapangana tung ni Jesus,
sam puluk si may ëpat ang ëslëb yang mga kinaampu ni Jesu-Cristo:
1.
Ti Adi Jeconias
2.
Ti Salatiel
3.
Ti Zorobabel
4.
Ti Abiud
5.
Ti Eliakim
6.
Ti Azor
7.
Ti Sadoc
8.
Ti Aquim
9.
Ti Eliud
10.
Ti Eleazar
11.
Ti Matan
12.
Ti Jacob
13.
Ti Jose ang kasawa ni Maria ang yay nangana tung ni Jesus
14.
Ti Jesus ang ya ra ka man yang pag̓aningën ang Cristo,
bilang yang Mananapnay ang pinangakuan yang Dios.
17 Kapurisu mag̓impisa pa tung ni Abraham ang asta ra tung ni Adi David,
may sam puluk da may ëpat ang ëslëb yang mga kinaampu ni Jesu-Cristo,
ig mag̓impisa pa tung ni Adi David ang asta tung uras ang atiing pangkël tung mga masigka Israel tang kadaklan duun tung Babilonia,
may sam puluk si ka may ëpat ang ëslëb ig mag̓impisa pa tung uras ang atiing pagpaëlak tung nira duun tung Babilonia ang asta ra ilëm tung pagkapangana tung pag̓aningën ang Cristo,
sam puluk si ka may ëpat ang ëslëb.
Natëtëngëd Tung Pagkapangana Tung Ni Jesu-Cristo (1:18-25)
18 Maning taa yang nainabu tung pag̓ingtau ni Jesu-Cristo.
Atiing pagbinalay pa ilëm ti Jose may ti Mariang yay mag̓ing nanay na,
baklu nagkakasawaan,
nasapuan da ang ti Maria pala pagmatung da.
Ug̓aring yang pagmaratungun na bëlag̓an ang ya nga tëngdanay ta tau,
kung indi,
natëtëngëd ilëm tung kagaëman yang Espiritu Santo.
19 Simanyan ti Joseng naang binalay na,
kumus luyut dang luyut pagbuat yang magkatama ang usuy tung mga katuw̓ulan,
dapat da rin ang magpaintindi tung mga usgadu.
Ingkasu ilëm anday gustu nang pakaëyakan yang binalay na.
Purisu anday dumung kinaw̓ut yang isip na,
pakiblag̓an na ra ilëm tung sikritu.
20 Simanyan atiing nag̓apainu-inuan na ta mupia kung ya pa ag̓aring tumanën na yang planu nang atia,
may sasang angil ang tinuw̓ul yang Dios ang ya ray nagpaita tung anya tung talakinëpën na.
Mag̓aning tung anya,
“Jose,
yawang sasang kanubli ni Adi David,
india ra magpadua-duang magpadayun ang mangasawa tung ni Maria,
ay nagmatung da tanya natëtëngëd ilëm tung kagaëman yang Espiritu Santo.
21 Kung mangana ra nganing,
yang ipangana na sasang lalii ang ya ray paaranan mu tung ni Jesus kipurki ya ray magpaluas tung mga masigkanasyun na tung pagpakirëpën nira tung pagpakasalak nira,”
mag̓aning.
22 Taa numanyan yang tanan ang atia nagkamaningan da ka man ug̓ud asan da magkamatuud yang sasang ipinaula yang Dios tung sasang manigpalatay yang bitala na atiing tukaw ang mag̓aning,
23 “May sasang daralang magmatung ang andang pisan ay laliing masaplid tung anya.
Yang ipangana na lalii ang ya ray guuyan tung ni Emmanuel,”
mag̓aning.
Yang linëgdangan yang aran nang atia ya taa:
yang Dios pagpakiunung da tung yatën ang mga tau.
24 Taa numanyan atiing pagkapuaw ni Jose,
tinuman na ra yang ibinitala tung anya yang angil ang atiang tinuw̓ul yang Dios.
Dinayunan na rang pinangasawa ti Maria.
25 Ug̓aring indi ra kanay nagpakidalan tung ni kasawa na ang asta ra ilëm kinaw̓ut yang pagkapangana na tung ana nang lalii.
Pagkapangana na ra tung anya,
ya ray pinaaranan ni Jose tung ni Jesus.