Yang nagsulat yang librung atia ti Mateo ang yay sasang pinilik ni Jesu-Cristo ang para mangërëngan tung anya bilang sasang apustul na (9:9-13). Yang sinikad na ëngëd ang nagsulat ay gustu nang magpaingmatuud tung mga masigkanasyun nang mga Judio ang ti Jesus talagang ya ra ka man yang pag̓aningën ang Cristo ang ya ra kang lag̓i ay nag̓aëlatan nira, bilang yang Mananapnay ang pinilik yang Dios ang maggaraëmën. Purisu muya-muyang nag̓asambit na yang nagkaraula atiing tukaw pang mga panimpu ang luw̓us dang nagkamatuuran tung ni Jesus, bilang sasang pruibang masanag ang tanya ka man yang Mananapnay.

Kung natëtëngëd tung palaksu yang intirung librung naa, bistu yang planu ni Mateong nagsulat. Ay may lima nga bulusan ang pulus ilëm natëtëngëd tung ipinagtulduk ni Jesus tung mga taung nag̓apangugyatan na may tung mga taung namagpamati pa ka ilëm tung anya. Ya ra taa yang lima nga bulusan ang atia:

Kung natëtëngëd tung mga kapitulu tung mga ëla-ëlaan yang mga binulus ang atiang lima, yang nag̓adapatan yang kadaklan ya ra yang mga pag̓urubraën ni Ginuung Jesus sapayan pa tiang kapitulu 1 may 2. Ay yang kamtangan nira sigun tung pag̓ingtau na.