Nahúm willakunqan witsanmi Asiria soldädukuna atska markakunata vincir munaynincho tsararäyarqan. Tsaynöllami Israel nacionta atacar Samaria markata kimsa watantin soldädunkunawan jiruruypa tsaparäyarqan (2Rey. 17.5). Tsaymi Nahúm willakurqan Asiria nacionta Tayta Dios juzgananpä kanqanta. Tsaynö willakurqan soqta pachak pitsqa chunka (650) watanö Jesucristo manarä yuriptinmi.