Judá nacionchömi Tayta Diospa willakuyninta Miqueas willakurqan. Kay libruta liyirmi musyantsik runakuna jutsata rurayanqanpita Tayta Dios castigananpä kanqanta. Tsaynöpis musyantsik shamuq watakunacho Tayta Diospa palabranta maytsaychöpis willakuyänanpä kanqanta (Miq. 4.2), guërra manana kananpä kanqanta (Miq. 4.3) y Beléncho juk salvakuq yurinanpä kanqanta (Miq. 5.2-5). Miqueas willakurqan qanchis pachak (700) watanö Jesucristo manarä yuriptinmi.