4 Lamba miloko mena vita tamin’ny volon-drameva ny akanjo nagnanaovan’i Jaona, sady nagnano hetra hoditra izy, ary ny raha fohaniny dia valala sy fandrama dia. 5 Dia namonjy an’i Jaona takaigny ny vahoakan’ny Jerosalema sy Jodia iray vohitra mbarak’ireo magnamorona an’i Jordana. 6 Rehefa avy namosa zareo dia nataony batisa tamin’ny reniranon’i Jordana.

7 Rehefa hitan’i Jaona fa betsaka be ny Fariseo mbaraky ny Sadoseo nagnatogna ananjy mbô hataony batisa, dia hozy: Ô taranaka bibilava ireto! Iza ma no nagname lôha anareo hilefa ny asira ho avy? 8 Mamoaza voa mifanaraka amin’ny fibebahanareo. 9 Alao an-dôhanareo hoe: ‘Managna an’i Abrahama ho rainay izahay’; taraviko aminareo fa Andriamagnitra mahay manangana zanaka ho an’i Abrahama avy amin’ireto vato ireto. 10 Efa mitoka amin’ny foto-kazo ny famaky ka ny kakazo dahôlo izay tsy ahitana voany tsara dia ho tevezina ary hatsipy agnaty afo.

11 Izaho magnano batisa anareo amin’ny rano ho mariky ny fibebahanareo; fa Ilay avy afarako no mahery mandombolombo anahy ka tsy fanaoka anahy avy ny hamaha ny tadin-kirarony. Izy no hagnano batisa anareo amin’ny Fagnahy Masina sy ny afo. 12 An-tàgnany ny fikororohany ka hodioviny tsara ny famoloany ary handrohany hiakatra amin’ny tragnom-bariny ny vary, fa ny lôha ofoka sy ny mololo hodorany amin’ny afo tsy mety maty.

13 Rehefa tonga ta-Galilia Jesoa dia nankaigny Jordana mbô hataon’i Jaona batisa. 14 Fa tsy nagnaiky Jaona ka hozy Taminanjy: Ô r’Ingahy ity! Izaho no tokony hataonao batisa, ka magnino ma Ianao indray no mankaty hataoko batisa? 15 Ary hozy Jesoa: Alefaso foagna malôha mbô hahatanteraka ny fahamarinana dahôlo. Dia nagnaiky izy. 16 Raha vao vita batisa Jesoa dia niala avy tagnaty rano; ary nisokatra Taminanjy ny lagnitra dia hitan’i Jesoa ny Fagnahin’Andriamagnitra nidigna tamboniny ôhatra ny pizina. 17 Dia nisy feo avy tan-dagnitra nagnano hoe: Ity ny Zanako malalako, izay ankasitrahako.