2 Jaꞌ Jehová tꞌanan eytej bꞌey satcan kin jaon ánima jon tiꞌ, yu yiloni ta ey junoj mac chi naꞌcha el yu, ta ey mac chi naꞌon Dios.

3 Masanil ebꞌ jix sbꞌejcan watxꞌ bꞌeybꞌale. Jun laan jix yun yetnentoj sbꞌa ebꞌ. Cꞌamxa mactxequel chi unen watxꞌ bꞌeybꞌale, junelne cꞌam junoj mactxequel, tam wal junoj.

4 Cꞌam chi naꞌcha el niꞌoj yu ebꞌ chi unen spenail, jaꞌton ebꞌ chi qꞌueyon el jin conobꞌ, jaxca tol loꞌbꞌe yeoc ebꞌ yu ebꞌ, cꞌam chi yal sbꞌa ebꞌ tet Dios.

5 Caxcꞌal mi cꞌam mac oj xibꞌten ebꞌ tuꞌ, oj bꞌilwoj a ebꞌ yu xiwcꞌulal. Jaꞌ Dios oj sajlemnen cantoj sbꞌajil ebꞌ penawom tuꞌ. Qꞌuixwiltaj xacꞌal oj utele ebꞌ, yutol oj intajnele el ebꞌ yu Dios.

6 ¡Toloj wal jaꞌ bꞌey tzalan Sión chi tit cu colbꞌanil jaon Israel jon tiꞌ! Jaꞌ yet oj yakꞌon swatxꞌcꞌulal Dios kibꞌan junelxa, caw oj cu tzala jaon yicꞌaal jon Jacob tiꞌ.