2 Jaꞌ Jehová tꞌanan eytej bꞌey satcan, yet chi yilon eytej ta ey junoj jon chi naꞌcha el Dios ku, ta ey junoj mactxequel chi naꞌontej Dios.

3 Jaꞌ yin pena bꞌeybꞌale jix cu toocan cu masanil. Jun laan jix yun ketnentoj cu bꞌa. Cꞌamxa junoj mactxequel chi unen watxꞌ bꞌeybꞌale. Junelne cꞌam mactxequel, tam wal junoj.

4 Jaxca tol cꞌam snaꞌbꞌal ebꞌ chi unen spenail tuꞌ. Jaꞌ ebꞌ tuꞌ chi qꞌueyon el ebꞌ wet conobꞌ, jaxca tol loꞌbꞌe yeoc ebꞌ yu ebꞌ penawom tuꞌ, catuꞌ cꞌam chi yal sbꞌa ebꞌ tet Jehová.

5 Oj jul xiwcꞌulal yin ebꞌ tuꞌ, tol oj bꞌilwoj a ebꞌ, yutol jaꞌ Dios eyoc yetoj ebꞌ jichan sbꞌeybꞌal.

6 Chi yoche ebꞌ chi yetnetoj snaꞌbꞌal ebꞌ mebꞌa, jaxa Jehová chi colon el ebꞌ.

7 Toloj wal jaꞌ bꞌey txꞌotxꞌ wonan Sión chi tit cu colbꞌanil jaon Israel jon tiꞌ, jaꞌ yet oj yakꞌon swatxꞌcꞌulal Jehová kibꞌan junelxa, caw oj tzala a cu cꞌul jaon yicꞌaal jon Jacob tiꞌ.