Jaꞌ Tzet Chi Yoche Dios Yin Ebꞌ Ánima Watxꞌ Snaꞌbꞌal
Jaꞌ sbꞌit naj David
15
Jaach Jehová jin Diosal,¿mactxequel ebꞌ chi skeꞌ scaey ecꞌ bꞌey ja templo? ¿Mactxequel ebꞌ chi skeꞌ yeecꞌ bꞌey txꞌotxꞌ tzalan yet eyilal?
2 Asanne mactxequel jijem chi yute sbꞌa ey jaach, ebꞌ chi yal kꞌane yin yel yetoj masanil scꞌul.
3 Jaꞌ ebꞌ cꞌam chi alon lekꞌtiꞌal kꞌane, cꞌam pax bꞌey chi yetne junoj swatxꞌil ánima ebꞌ tam wal chi yal skꞌumal yet animail caan scawilal.
4 Jaach jin Diosal, jaꞌ ebꞌ chach intajne eloj, intajnebꞌilxa cꞌaltaꞌ el ebꞌ ja wu, jal pax yetoj ebꞌ ey ja weloc apnoj yul sat, chi tzala ebꞌ ja wetoj. Jaꞌ ebꞌ cꞌam chi sqꞌuextoj skꞌane bꞌey jix yakꞌ can stiꞌ, chi cꞌal yun tzet chi yalaꞌ, caxcꞌal chi tit junoj tzetyetal yibꞌan ebꞌ.
5 Jaꞌ mactxequel chi yakꞌ tumin yin maanil yin tol cꞌam chi ẍaꞌ yuneꞌ stumin, catuꞌ cꞌam chi yaoc sbꞌa yin lekꞌtiꞌ testigoal yin ebꞌ cꞌam spenail. Jaꞌ mac jaxca tuꞌ sbꞌeybꞌal, caw cꞌam bꞌakꞌin oj eyqꞌuey ebꞌ.