Chi Kꞌanle Scolwal Dios
Jaꞌton sbꞌit naj David yet jix jul ebꞌ a Zif, jix yalon ebꞌ tet Saúl: Jaꞌ bꞌey cu txꞌotxꞌal tiꞌ jix yewbꞌa el sbꞌa David, ẍi ebꞌ.
54
¡Jaach jin Diosal, jaach chin a coloꞌ!Col jin eloj yutol masanil cꞌal chi skeꞌ ja wu.
2 Jaach jin Diosal, abꞌ tzet chi wal yin jin txa, aoc ja txiquin yin tzet chi walaꞌ.
3 Yutol jaꞌ ebꞌ ánima man wotaj oj chi jowi oc ebꞌ win, jaꞌton ebꞌ comon cꞌal chi etnen yet animail. Chi yoche ebꞌ chin cami. Caw cꞌam ja weloc apnoj yul sat ebꞌ.
4 Jal jin jain tiꞌ, caw ey jaach oc wetoj. Ja wu yuxan iquis jin cꞌal ecꞌoj.
5 Jaꞌ spenail ebꞌ chi jowi oc win, jaꞌ ojabꞌ chi meltzo can oc yibꞌan ebꞌ.
Qꞌueycan el ebꞌ, yutol chi yun cꞌal tzet cha walaꞌ.
6 Oj wakꞌ jin xaambꞌal, catuꞌ oj jin bꞌitnoj ey jaach, yutol watxꞌ jaach toni,
7 yutol jix jin ja colcan el yul skꞌabꞌ masanil jin bꞌiscꞌulal. Jix wilon yeyqꞌuey ebꞌ chi jowi oc win.