2 Jaꞌ ebꞌ scꞌaal naj Quehat, jaꞌton: Amram, Ishar, Hebrón cꞌal Uziel. 3 Jaꞌ ebꞌ scꞌaal naj Amram, jaꞌton: Aarón, Moisés cꞌal ix María. Jaꞌ ebꞌ scꞌaal Aarón, jaꞌton: Nadab, Abihú, Eleazar cꞌal Itamar. 4 Jaꞌton slistail ebꞌ yicꞌaal Aarón tiꞌ, chi bꞌey cꞌaltoj yin xolilal yin ebꞌ cꞌaale, cꞌal ebꞌ itxiquine, jaꞌton: Eleazar, Finees, Abisúa, 5 Buquí, Uzí, 6 Zeraías, Meraiot, 7 Amarías, Ahitub, 8 Sadoc, Ahimaas, 9 Azarías, Johanán, 10 Azarías, (jaꞌton jun tuꞌ yakꞌomal xaambꞌal yeoc bꞌey jun templo jix swaꞌne a naj Salomón bꞌey Jerusalén.) 11 Naj Azarías smam naj Amarías, naj Amarías smam naj Ahitub, 12 naj Ahitub smam naj Sadoc, naj Sadoc smam naj Salum, 13 naj Salum smam naj Hilquías, naj Hilquías smam naj Azarías, 14 naj Azarías smam naj Seraías, naj Seraías smam naj Josadac. 15 Jaꞌ naj Josadac tuꞌ jix iꞌletoj yin presowomal yetoj ebꞌ a Judá, cꞌal ebꞌ a Jerusalén yu naj rey Nabucodonosor, yutol jaꞌ Jehová jix akꞌon yun naj rey tuꞌ.

16 Jaꞌ ebꞌ scꞌaal Leví, jaꞌton: Guersón, Quehat cꞌal naj Merarí.

17 Ebꞌ scꞌaal Guersón tuꞌ, jaꞌton: Libní cꞌal Simí.

18 Ebꞌ scꞌaal Quehat, jaꞌton: Amram, Ishar, Hebrón cꞌal Uziel.

19 Ebꞌ scꞌaal Merarí, jaꞌton: Mahli cꞌal Musí. Jaꞌton ebꞌ scꞌaal Leví tiꞌ.

20-21 Ebꞌ yicꞌaal naj Guersón yin xolilal yin ebꞌ cꞌaale, cꞌal ebꞌ itxiquine, jaꞌton: Libní, Jáhat, Zimá, Joah, Idó, Zérah cꞌal Jeatrai.

22-24 Ebꞌ yicꞌaal Quehat yin xolilal, jaꞌton: Aminadab, Coré, Asir, Elcaná, Ebiasaf, Asir, Táhat, Uriel, Uzías cꞌal Saúl.

25-27 Ebꞌ scꞌaal naj Elcaná, jaꞌton: Amasai cꞌal Ahimot, jaꞌ ebꞌ yicꞌaal Ahimot yin xolilal, jaꞌton: Elcaná, Sofai, Náhat, Eliab, Jeroham, Elcaná, cꞌal Samuel.

28 Jaꞌ ebꞌ scꞌaal naj Samuel, jaꞌton: Vasní sbꞌabꞌel scꞌaal, cꞌal naj Abías.

29-30 Jaꞌ xolilal ebꞌ yicꞌaal naj Merarí, jaꞌton: Mahli, Libní, Simí, Uzá, Simá, Haguías cꞌal Asaías.

31-32 Jaꞌton ebꞌ tiꞌ eyoc yopiso yet chi sbꞌitni bꞌey scalubꞌal Jehová, yet tax cꞌal jix ale octoj teꞌ Scaẍail Swa Kꞌane Dios. Jaꞌ ebꞌ tuꞌ jix bꞌitni cꞌal ebꞌ sattaj scalubꞌal Jehová bꞌey chi ẍaꞌle sbꞌa ebꞌ yetoj Dios, masantaꞌcꞌal yet jix swaꞌnen a stemplo Jehová naj Salomón bꞌey Jerusalén, jix oc cꞌal ebꞌ yin yopiso tituꞌ, jaxca cꞌaltaꞌ sbꞌeybꞌal ebꞌ.

33 Jaꞌ ebꞌ eyoc yin bꞌitnoj yetoj cꞌal yuninal ebꞌ, jaꞌton ebꞌ yicꞌaal Quehat. Jaꞌ naj Hemán eyoc ijbꞌawomal xol ebꞌ. Jaꞌton slistail ebꞌ yichmam naj Hemán yin xolilal tiꞌ, jix ẍaꞌel yich yin smam, masantaꞌcꞌal bꞌey slawubꞌ yichmam, jaꞌton: Joel, Samuel, 34 Elcaná, Jeroham, Eliel, Tóah, 35 Suf, Elcaná, Máhat, Amasai, 36 Elcaná, Joel, Azarías, Sofonías, 37 Táhat, Asir, Abiasaf, Coré, 38 Ishar, Quehat, Leví, Israel.

39 Jaꞌ bꞌey yetcꞌulal swatxꞌ skꞌabꞌ Hemán, jaꞌ naj Asaf eyoc ijbꞌawomal xol ebꞌ. Jaꞌton slistail ebꞌ smam icham Asaf yin xolilal tiꞌ: Berequías, Simá, 40 Micael, Baasías, Malquías, 41 Etní, Zérah, Adaías, 42 Etán, Zimá, Simí, 43 Jáhat, Guersón, Leví.

44 Jaꞌ bꞌey sqꞌuexan kꞌabꞌ naj Hemán, jatuꞌ chi bꞌitni ebꞌ yicꞌaal Merarí. Jaꞌ naj Etán eyoc ijbꞌawomal xol ebꞌ. Jaꞌton slistail ebꞌ smam icham naj Etán yin xolilal tiꞌ, jaꞌton: Quisí, Abdí, Maluc, 45 Hasabías, Amasías, Hilquías, 46 Amsí, Baní, Sémer, 47 Mahli, Musí, Merarí, Leví.

48 Jaꞌ wanxa yican ebꞌ, jaꞌton wanxa ebꞌ yicꞌaal Leví, jaꞌ ebꞌ tuꞌ jix cancan ebꞌ yin yilomaloj bꞌey stemplo Jehová.

49 Jaꞌ naj Aarón, yetoj cꞌal ebꞌ yicꞌaal, jaꞌton ebꞌ chi akꞌon tzꞌaꞌ saꞌbꞌeal yibꞌan jun yet xaambꞌal bꞌey chi tzꞌaꞌ xaambꞌal, cꞌal jun yet xaambꞌal bꞌey chi tzꞌaꞌ incienso sukꞌukꞌi yoc sabꞌ. Yetoj cꞌal pax oj, jacꞌal ebꞌ chi ilon masanil mulnail bꞌey jun lugar tol Asan Jehová Ey Yet, yet chi skeꞌ yakꞌle tan spenail ebꞌ yet Israelal ebꞌ, jaxca wal jix yun yalon naj Moisés, naj ẍejabꞌ Dios.

50-53 Jaꞌ slistail ebꞌ yicꞌaal naj Aarón yin xolilal, jix bꞌeycꞌaltej yin ebꞌ cꞌaale cꞌal ebꞌ itxiquine, jaꞌton: Eleazar, Finees, Abisúa, Buquí, Uzí, Zeraías, Meraiot, Amarías, Ahitob, Sadoc cꞌal Ahimaas.

54-60 Jaꞌ yet jix poꞌole can ecꞌ wan sconobꞌ ebꞌ Levita, jaꞌ ebꞌ yicꞌaal Quehat, jix ẍaꞌ jun bꞌabꞌel tujan smajul ebꞌ jatacꞌalaꞌ tzet jix yun yoc ebꞌ yin xolilal. Jal pax ebꞌ yicꞌaal Aarón xin, yicꞌaal Quehat cꞌal pax ebꞌ, yuxan jix cancan ebꞌ bꞌey Hebrón, yul yet Judá yetoj cꞌal txꞌotxꞌ yinlaj bꞌey chi low sjobꞌbꞌeal noꞌ ebꞌ. Jaꞌ tet naj Caleb scꞌaal Jefuné jix akꞌle can wan txꞌotxꞌ stiꞌlaj eltoj xꞌotxꞌ ebꞌ Levita, yetoj cꞌal yaldeail conobꞌ tuꞌ; jaꞌ tet ebꞌ yicꞌaal naj Aarón jix akꞌle can conobꞌ Hebrón. Jaꞌ bꞌey jun conobꞌ tuꞌ chi skeꞌ scolon sbꞌa ebꞌ chi makꞌwi cam ánima. Jix akꞌle cꞌal pax can wanxa conobꞌ tiꞌ tet ebꞌ, jaꞌton conobꞌ: Libná, Jatir, Estemoa, Hilén, Debir, Asán, cꞌal Bet-semes. Jaꞌ masanil wan tuꞌ yetoj cꞌal txꞌotxꞌ bꞌey chi skeꞌ low noꞌ sjobꞌbꞌeal noꞌ ebꞌ. Jix akꞌle cꞌal pax can wan conobꞌ ey yul yet Benjamín tet ebꞌ, jaꞌton: Guebá, Alémet, cꞌal yetoj Anatot, masanil wan tuꞌ, yetoj cꞌal txꞌotxꞌ bꞌey chi skeꞌ slow noꞌ noꞌ. Ey oxlajonebꞌ conobꞌ jix yiꞌcan oc ebꞌ yicꞌaal Aarón yin masanil.

61 Jaꞌ tet wanxa ebꞌ yicꞌaal Quehat jix akꞌle laonebꞌ conobꞌ, jaꞌton smajul ebꞌ nan tujan yicꞌaal Manasés.

62 Jal pax tet ebꞌ yicꞌaal Guersón, jatacꞌalaꞌ jantaj sbꞌisil ebꞌ, jix akꞌle oxlajonebꞌ wan conobꞌ ey yul yet ebꞌ yicꞌaal Isacar tet ebꞌ, jaꞌton: Aser, cꞌal Neftalí, yetoj pax yul yet Manasés, jaꞌton ebꞌ jix caey ecꞌ bꞌey conobꞌ Basán.

63 Jal pax tet ebꞌ yicꞌaal Merarí, jatacꞌalaꞌ jantaj sbꞌisil ebꞌ, jix akꞌle can lacawebꞌ conobꞌ ey yul yet ebꞌ yicꞌaal Rubén, Gad cꞌal Zabulón, tet ebꞌ.

64 Jix akꞌle wan conobꞌ tet ebꞌ yicꞌaal Leví, yetoj cꞌal bꞌey chi low noꞌ sjobꞌbꞌeal noꞌ ebꞌ yinlaj junjun conobꞌ. 65 Jaꞌ tet ebꞌ yicꞌaal Judá, Simeón cꞌal Benjamín, jaꞌton wan conobꞌ jix yakꞌ bꞌina tuꞌ, jaꞌ jix akꞌle tet ebꞌ, jatacꞌalaꞌ tzet jix yun yeyqꞌuey yin sbꞌi junjun tujan ebꞌ. 66 Ey junxa tujan ebꞌ yicꞌaal naj Quehat jix chaꞌon can wanxa conobꞌ bꞌey yul yet ebꞌ yicꞌaal Efraín, 67 jaꞌton: Conobꞌ Siquem bꞌey tzalquiltaj txꞌotxꞌ yul yet Efraín, (jaꞌ bꞌey jun conobꞌ tuꞌ chi skeꞌ scolon sbꞌa ebꞌ chi makꞌwi cam ánima.) Jix yiꞌon cꞌal pax oc conobꞌ Guézer ebꞌ. 68-69 Jocmeam, Bet-horón, Aialón, cꞌal Gat-rimón. Jaꞌ masanil wan tuꞌ, jix akꞌle can tet ebꞌ yetoj cꞌal bꞌey chi low noꞌ sjobꞌbꞌeal noꞌ ebꞌ.

70 Jal tet junxa tujan ebꞌ yicꞌaal Quehat xin, jix akꞌle can conobꞌ Aner, cꞌal Bileam, yetoj cꞌal bꞌey chi low noꞌ sjobꞌbꞌeal noꞌ ebꞌ, bꞌey yet nanxa tujan ebꞌ yicꞌaal Manasés.

71 Jaꞌ tet ebꞌ yicꞌaal Guersón, jatacꞌalaꞌ sbꞌisil ebꞌ, jix akꞌle can conobꞌ Golán bꞌey yul yet Basán tet ebꞌ, cꞌal conobꞌ Astarot; yetoj cꞌal bꞌey chi low noꞌ sjobꞌbꞌeal noꞌ ebꞌ. Jaꞌ caabꞌ conobꞌ tuꞌ ey yul smajul txꞌotxꞌ nan tujan ebꞌ yicꞌaal Manasés yetcꞌulal bꞌey chi aol cꞌu. 72-73 Jix akꞌle cꞌal pax wanxa conobꞌlaj bꞌey smajul ebꞌ yicꞌaal Isacar tet ebꞌ, jaꞌton: Quedes, Daberat, Ramot, cꞌal Anem, junjun cꞌal wan tuꞌ, ey bꞌey chi low noꞌ sjobꞌbꞌeal noꞌ ebꞌ. 74-75 Jix akꞌle cꞌal pax wanxa conobꞌ ey yul yet ebꞌ scaabꞌ yicꞌaal Aser tet ebꞌ, jaꞌton: Masal, Abdón, Hucoc, cꞌal Rehob, junjun cꞌal wan tuꞌ, ey bꞌey chi low sjobꞌbꞌeal noꞌ ebꞌ. 76 Jaꞌ tet ebꞌ yicꞌaal Neftalí jix akꞌle can conobꞌ Quedes ey yul yet Galilea tet ebꞌ, cꞌal Hamón yetoj cꞌal Quiriataim, junjun cꞌal wan tuꞌ, ey bꞌey chi low sjobꞌbꞌeal noꞌ ebꞌ. 77 Jaꞌ tet ebꞌ yicꞌaal Merarí, jaꞌton yet ebꞌ yox tujan yicꞌaal Leví, jix akꞌle can wan conobꞌ ey yul yet ebꞌ yicꞌaal Zabulón tet ebꞌ, jaꞌton: Rimón cꞌal Tabor, junjun cꞌal wan tuꞌ, ey cꞌal bꞌey chi low noꞌ sjobꞌbꞌeal noꞌ ebꞌ. 78-79 Jaꞌ bꞌey smajul ebꞌ yicꞌaal Rubén yetcꞌulal bꞌey chi aol cꞌu bꞌey jaꞌ Jordán, bꞌey sattaj ecꞌtoj conobꞌ Jericó, jix akꞌle can Béser ey bꞌey txꞌotxꞌ cusiltaj txꞌotxꞌ, yetoj Jahas, Cademot cꞌal Mefáat, junjun cꞌal wan conobꞌ tuꞌ, ey bꞌey chi low noꞌ sjobꞌbꞌeal noꞌ ebꞌ. 80-81 Jaꞌ yul yet ebꞌ yicꞌaal Gad, jix akꞌle can conobꞌ Ramot yul yet Galaad, Mahanaim, Hesbón cꞌal Jazer, junjun cꞌal wan tuꞌ ey bꞌey chi low noꞌ sjobꞌbꞌeal noꞌ ebꞌ.