Jaꞌ jun libro tiꞌ jix tzꞌibꞌelecan yet abꞌil 450-430 a.C.

Jaꞌ naj Esdras jix tzꞌibꞌencanoj, yin juun yet jix poꞌochatoj conobꞌ Israel yetoj conobꞌ Judá.

Jaꞌ an scaabꞌ Crónicas sbꞌi jun libro tiꞌ, jaꞌton stzꞌajil an bꞌabꞌel libro Crónicas. Jaꞌ bꞌey capítulo 1 chi apni oc bꞌey capítulo 9, jaꞌ tituꞌ chi yaltej tzet jix yun yakꞌon reyal naj Salomón.

Jal bꞌey capítulo 10 xin, jaꞌ tituꞌ chi yaltej tzet jix yun spoꞌochatoj laonebꞌ icꞌaale ebꞌ Israel caan bꞌey yetcꞌulal norte, ey wanxa ebꞌ eyoc yalan ẍejbꞌanil ebꞌ yicꞌaal naj rey David.

Jaꞌ bꞌey capítulo 11 chi apni oc bꞌey capítulo 36, chi yaltej yu ebꞌ sreyal Judá, masantaꞌcꞌal jix eyqꞌuey Jerusalén yu ebꞌ Babilonia. Chi yalon pax tej yu tzet jix yun yiꞌletoj ebꞌ Israel jaxca presowomal. Jaxa bꞌey slawubꞌal jun libro tiꞌ, chi yaltej yu naj rey Ciro, yu jun sley naj jix yaleltoj xol conobꞌ Persia, bꞌey chi yalaꞌ tol chi skeꞌ smeltzo ebꞌ a Judá yul sconobꞌ.