Jaꞌ jun libro tiꞌ jix tzꞌibꞌelecan yet abꞌil 457-444 a.C.

Jaꞌ naj Esdras jix tzꞌibꞌencanoj. Jaꞌ bꞌey conobꞌ Jerusalén jix tzꞌibꞌelecanoj. Esdras sbꞌi jun libro tiꞌ, jaꞌ chi alontej skꞌaneal naj Esdras yetoj naj Nehemías. Junne chi yun yalontej skꞌaneal ebꞌ a Judá. Junne pax chi yun yalontej skꞌaneal jantaj tzet ecꞌnaj eltoj. Asan xin, txꞌoj txꞌoj cuybꞌanile chi yal ebꞌ yin junjun tujan. Jaꞌ naj Esdras jix cuywa xol ebꞌ yet Israelal yin cuybꞌanile chi yakꞌ Dios tet ebꞌ, yet watxꞌ chi oc ebꞌ yin eyilal tet Dios. Jal pax naj Nehemías xin, jaꞌton naj gobernador yeocoj, jaꞌ tzet jix snaꞌ naj tol chi caꞌ waꞌnele a smuroal conobꞌ Jerusalén. Jix snaꞌon pax naj tzet chi yun smulna ebꞌ ánima, yetoj tzet chi yun steynen sbꞌa ebꞌ yul sconobꞌ. Jaꞌ naj Esdras tuꞌ jix tzꞌibꞌencan skꞌaneal jaywan ebꞌ a Judá iꞌbꞌiltoj jaxca presowomal, yet jix paxtej ebꞌ yetoj naj Zorobabel, ey can ey sbꞌi ebꞌ bꞌey capítulo 1 yetoj bꞌey capítulo 2.

Jal bꞌey capítulo 3 chi apni bꞌey capítulo 6, jaꞌ tituꞌ chi yaltej tzet jix yun swaꞌxi a stemplo Dios. Chi yalon pax naj Esdras tiꞌ yu tzet jix yun smeltzo yetoj ebꞌ iꞌbꞌiltoj jaxca presowomal yetoj, cꞌal tzet jix yute yalon tet ebꞌ ánima tol chi yaoc snaꞌbꞌal ebꞌ yin Dios. Jaꞌton chi yal capítulo 7 masantaꞌcꞌal bꞌey capítulo 10.