Jix tzꞌibꞌelecan jun libro tiꞌ yet abꞌil 424-400 a.C.

Jaꞌ naj Nehemías jix tzꞌibꞌencanoj. Jix tzꞌibꞌele bꞌey Jerusalén.

Nehemías sbꞌi jun libro tiꞌ, jaꞌ titiꞌ tzꞌibꞌebꞌilcan skꞌaneal naj Nehemías. Chi yalon canoj tzet jix yun smeltzo ebꞌ Israel iꞌbꞌilcantoj jaxca presowomal bꞌey Babilonia, yetoj cꞌal tzet jix yun scaꞌ waꞌnele oc smuroal conobꞌ Jerusalén. Jaꞌ naj Nehemías tiꞌ jix chejletoj yu naj rey Artajerjes, sreyal Persia. Jaꞌton chi yal bꞌey capítulo 1 yetoj bꞌey capítulo 2.

Jaꞌ bꞌey capítulo 3 masantaꞌcꞌal bꞌey capítulo 7, chi yaltej tzet jix yun ẍejletoj naj Nehemías yet jix jul swaꞌnen oc smuroal conobꞌ Jerusalén. Jaꞌ naj jix ijbꞌan ebꞌ ánima yin jun mulnail tuꞌ, catuꞌ jix yalon naj tet ebꞌ tol chi yaoc snaꞌbꞌal ebꞌ yin ẍejbꞌanil Dios, yet watxꞌ chi caey ecꞌ ebꞌ yul sconobꞌ yin tzalacꞌulal.

Jaꞌ bꞌey capítulo 8 chi apni oc bꞌey capítulo 10, chi yal yu naj Esdras, yu tzet jix yun yawten an yuunal sley Dios sattaj ebꞌ ánima yaman oc yet tuꞌ. Jaꞌ yet jix yabꞌen masanil ebꞌ ánima tzet chi yal sley Dios, jix yalatej spenail ebꞌ tet Dios. Jaꞌ bꞌey capítulo 11 masantaꞌ chi apni oc bꞌey capítulo 13, chi yaltej yu ebꞌ chi mulna bꞌey scalubꞌal Jehová, chi yalon pax tej tzet jix yun skꞌanon naj tet Dios yu swaꞌxubꞌal oc smuroal conobꞌ Jerusalén, chi yalon cꞌal pax tej tzet jix yun swaꞌnele ocoj.