Jaꞌ jun libro tiꞌ jix tzꞌibꞌelecan yet abꞌil 450-431 a.C. Man kotajoj mac jix tzꞌibꞌencanoj.

Jaꞌ chi yun kiloni tol jaꞌ bꞌey spalacio ebꞌ yaaw bꞌey conobꞌ Persia, jaꞌ tituꞌ jix tzꞌibꞌelecan jun libro tiꞌ. Ester sbꞌi jun libro tiꞌ, chi yaltej yu skꞌaneal ix Ester. Jaꞌ naj Esdras yetoj naj Nehemías, chi yaltej ebꞌ tzet jix yun smeltzotej ebꞌ Israel iꞌbꞌilcantoj jaxca presowomal bꞌey Babilonia. Chi yalon cꞌal pax tej jun libro tiꞌ, yu wanxa ebꞌ Israel cannaj can bꞌey yul yet Persia. Chi yalon pax yu ix Ester, tol a Israel ix, chi yalon cꞌal pax tej yu tzet jix yun ix bꞌey spalacio yul yet Persia tuꞌ.

Jaꞌ bꞌey capítulo 1 yetoj capítulo 2, chi yaltej tzet jix yun yoc ix Ester yin reinail.

Jaꞌ bꞌey capítulo 3 masantaꞌcꞌal capítulo 6, chi yaltej yu tzet jix snaꞌ naj Amam, tol jix yoche chi yaoc syaꞌtajilal yibꞌan conobꞌ Israel, yutol jix yoche naj jix yakꞌ qꞌueyle el ebꞌ Israel, yutol sat yaaw yeoc naj yu naj rey Asuero tuꞌ. Jaꞌ ix reina Ester chi abꞌen eltoj tzet lalan snaꞌon naj Amam tuꞌ, yuxan jix bꞌet yal ix tet naj rey Asuero. Yu jun tuꞌ, jix yalon naj rey tol chi tꞌunbꞌale a naj Amam yin jun teꞌ teꞌ jix swaꞌne a yu naj Mardoqueo, jaꞌton naj yican ix Ester. Chi yalon pax tzet jix yun scolcha el ebꞌ Israel yul skꞌabꞌ ebꞌ chi jowi oc yin ebꞌ.

Jaꞌ bꞌey capítulo 7 masantaꞌ chi apni oc bꞌey capítulo 10, chi yaltej tol jaꞌ ebꞌ Israel tuꞌ, jix snaꞌtej ebꞌ tol chi yaoc jun kꞌin ebꞌ yet chꞌen chi yij Purim, chi yalon cꞌaltej tzet yunnaj yul stiempoal ix Ester.