2 wan kitahtanilik:

―Pa ten nitatakewaliste tikchiptik tachiwaliste in.

Wan ak mishmak tatakewaliste?

3 Yehshwa kinmili:

―Newal niyok annimishtahtanilis se tahtoliste.

Shinishnankilik:

4 In takwatikiliste ka Yuhanes?

Katka pa in takpakIlwikak,

katka pa in mochital?

5 Yehwante walmo'ahwak ika iselte:

―Ta tikitok yewal katka pa in takpakIlwikak,

tichilis:

“Kwakin pates amo ankineltokak?”

6 Wan ta tikitok katka pa in masewalme,

mochi in masewalme tishmiktiske ka tetelme,

kampa kimatil Yuhanes katka se niTaketsal nitahtolDyos.

7 Wan tanankilik kampa amo kimatiloya akyewal kiwaltitaniya Yuhanes takwateki.

8 Kwakin Yehshwa kinmili:

―Newal niyok amo annimichilis ka ak nitatakewaliste nikchi in mochiten.

9 Kwakin okipewalti se taketsaliste ka in masewalme,

wan kinmili in tapowaliste:

―Se takat okitok se kwahmilUba,

okintane pa kimakaloskya nitaki tahko sek takam tikipanolme wan panoti wehkA pa miyak tonatim.

10 Kwah o'as in tonatim ka nitapishkaliste uba,

okititan se ka inintikipanolme pa yok in yewal kintaniwiyaya pa kimakaloskya nitahko tapishkaliste uba,

ma yok in takam kiwehwetikik wan yok kitetanik ka amoten.

11 Oksep okititan okse nitikipanol;

wan yehwante kiwehwetikik,

wan hyero kilitinemil niyok wan kikwepak ka amoten.

12 Oksep okitetan,

in katka pa yey nitikipanol niyok in kikokoltik wan kikishtik pa kiyawak.

13 ’Kwakin in tats nikwahmilUba kito:

“Ten nikchiwas?

Niktitanes nokon yewal niktatsot miyak hanwel kimani kitaske,

kimawishtiliske.”

14 Kimani in takam tikipanolme okitak,

mo'ilik sek ka oksek:

“In yewal motakawilis mochiten;

ma tihmiktik pa timotakawiliske in mochiten.”

15 Yok yewal kikishtik pa in kwahmilUba wan kimiktik.

Kwakin Yehshwa okintahtanil:

―Ten antamatil anmehwante pa kichiwas in tats nikwahmilUba ka yehwante?

16 Yok yas wan kimiktis in takam tikipanolme,

wan kinmakas nikwahmilUba oksek.

Kwah kikakik in,

in masewalme kitoloya:

―Ma amo'ik Dyos tishmakawiltiskya!

17 Wan Yehshwa kinmitaya,

kinmili:

―Ten kinek kito in takwihkwilol?

Yewal kito:

19 Pa haniman in TotatsimWehwe wan in Tamashtinilme NitanawatilMoshé kinekiloya kikitskiloskya,

kampa kimatiloya kikakiloya in taketsaliste ka in tapowaliste Yehshwa kitowaya ka yehwante;

ma yok kinmakasiloya masewalme.

20 Kwakin kintitanik sek pa ta'ispiyaroloskya nesiloya kina masewalme kwahkwalme,

pa kikwamanaloskya wan yok kikitskiloskya Yehshwa ka nitahtolme wan yok kwal kitsakwaloskya ka nichikawaliste wan nitatakewaliste in wetatakewan Romano.

21 In yaloya ta'ispiyaroloya kitahtanilik:

―Tamashtini,

tihmatil kampa tikito wan titamashti melawak,

wan moshte kwal tikintasok,

hanwel melawak wan amo tikinmitatiyas kina nestiyaske takam,

yok kampa melak titanishtili ni'otim Dyos ka melawaliste.

22 Ma yok kwal pa tiktashtawiliske in Kaysar nitapishkalisteTomi,

amo ayak?

23 Yehshwa kimatiya kampa yehwante kinekiloya kikwahkwamanaloskya,

wan kinmili:

24 Shinishneshtilik se tomi.

Ak nitakopinal onka pa in tomi,

wan in ni'itokaliste yewal nika onka tapahwil?

Yehwante kinankilik:

―In Kaysar.

25 Kwakin Yehshwa kinmili:

―Shihmakak Kaysar in ten yewal ka Kaysar,

wan shihmakak Dyos in ten yewal ka Dyos.

26 Yok yewal amo kikishtilik se tahtol amokwal ka in ten kitowaya pa ininishpa masewalme;

pa se tahtoliste,

wan motapololtiloya kina tanankiliyaya amoten kitoloya.

27 Takwitapit,

sek saduseos ki'asik Yehshwa,

kitoloya kampa amo onka yoliliste oksep;

yok kitahtanilik Yehshwa:

28 ―Tamashtini,

Moshé tishtapahwil ta ninohni pek ak kipi nisiwa wan miki amo okika nikon,

in ninohni yewal omik kipi pa monamiktis inak nisiwa katka in nitaka mihki wan kimakas ininpilwam in ninohni mihki.

29 Katkaloya chikome ninohniwan.

Wan in otakat ta'ishpa ka yehwante omonamikti,

wan omik amo okinpi ininpilwam.

30 In ninohni takwitapit niyok okonan in siwat mihki nitaka,

wan niyok omik amo okinpi ininpilwam.

31 Ka in yey ninohni niyok omonamikti inak yewal,

wan yok moshte in chikome omikik amo kinkawak ininpilwam.

32 Panok tonatim niyok omik in siwat.

33 Yok yewal,

in walyololiske oksep,

ak nisiwa ka yehwante yes,

kampa moshte in chikome takam yek ininsiwam?

34 Kwakin Yehshwa kinmili:

―In masewalme pa mochi kishki tal,

monamiktil wan temakal pa monamiktiske.

35 Ma yok kimani tamis in mochi kishki tal wan ashka onka amo monamiktiske yehwante wan Dyos kintahtoltis pa yoliske oksep,

aki yewal ki'onanas kampa yewal onka pa in ilwikak amo monamiktis wan amo temakas pa monamiktis,

36 kampa amokwal mikiske.

Hanwel yeske kina nitanawatilanhelme,

yehwante kat ininpilwam Dyos in yolil oksep.

37 Kampa isel Moshé pa in takwihkwilol ka in kwawitWiste tatatitikatka,

tishmashti kampa in mihmihki yoliske oksep.

Ompa kito kampa in TATS,

niDyos AbRaham,

niDyos Itsak wan niDyos Yakob.

38 Kampa Dyos amo iniDyos mihmihki,

hanwel ininDyos yohyolke;

kampa pa yewal moshte yolil.

39 Sek ka in Tamashtinilme NitanawatilMoshé kinankilik:

―Tamashtini,

kwal tikito.

40 Wan amo'ak mochikawaya pa kitahtanililoskya amoten.

41 Kwakin yewal kinmili:

―Katka yewal kitol yewal in Kristo nikon Dawid?

42 Dawid isel kito,

pa in amat ka Salmos:

45 Kina moshte in masewalme kikaktikatkaloya,

Yehshwa kinmili nimonestililme:

46 ―Shimokwitawik ka Tamashtinilme NitanawatilMoshé,

kampa kwal kintamashti nehnemtiyaske ka inintakemtel wehweyak,

wan kinektiyaske kintahpaloske ka tamawishtiliste pa in plasa',

kitemol pa motaliske ta'ishpa pa in siya' pa in tyopalmeYudiyo' wan kaha motalilme in wehwe monotsalme pa takwaliste.

47 Kinkishtilil nikalme siwam mihmihki inintaka,

mokwamanal ka tahtaniliste Dyos ka myak tahtolme.

Yehwante kinmakas hyero we takokoliste Dyos.